ISAÍAS 40:28 - Dios Rimashcata Quillcashcami

²⁸ Huiñaita causac Diosca Mandac Diosmi. Chaitaca, ¿manachu yacharcanguichic? ¿Manachu uyashcanguichic? Paimi tucui cai pachataca ruhuarca. Paica mana shaicunchu, mana fuerza illac saquirinchu. Paipac yuyaitaca pi mana yachai pudinchu.

ISAÍAS 40:28 ပူးပေါင်းရင်းမြစ်များ

GÉNESIS 21:33

Abrahamca Beerseba pambapimi tamarisco yurata tarpurca. Chaipimi huiñaita causac Mandac Diosta mañarca.

JOB 38:18

¿Cai pacha maicaman cashcatapish yachanguichu? ¡Tucui caicunata can yachashpaca ñucaman huillai!

SALMOS 138:8

Mandac Dioslla, canca huiñaita llaquicmi cangui. Can Mandac Dios ñucaman imata ruhuasha nicushcataca pactachiyari. ¡Cambac maquihuan ruhuashcataca ama saquichuyari!

SALMOS 139:6

Cambac yachaica sumaimanami. Canca jatun yachacmi cangui. Cambac yachaitaca mana entendinichu.

SALMOS 145:3

Mandac Diosca jatunmi, tucui mashna alabana Diosmi. Pi mana yachai pudipac Diosmi.

SALMOS 147:5

Ñucanchic Diosca tucuita ruhuac jatun Diosmi. Paipac yachaica mana tucuripacmi.

SALMOS 90:2

Urcucuna manarac tiyacpi, shinallatac cai pachatapish manarac ruhuashpami canca ña tiyashcangui. Ñaupamanta huiñaicamanmi Dios cangui.

ISAÍAS 37:26

Chaicunataca utca huatacunallatac ruhuasha nishcata, utca punzhacunallatac yuyaricushcata, ¿manachu yacharcangui? Chaicuna cunan pactachunmi munani. Canmi muyundita jarcashca llactacunataca urmachishpa, rumi montonllata saquingui.

ISAÍAS 40:21

Cancunaca, ¿manachu yacharcanguichic? ¿Manachu uyashcanguichic? Callarimanta pacha, ¿manachu pipish huillarca? Cai pachata ruhuashca punzhamanta pacha, ¿manachu pipish yachachirca?

ISAÍAS 42:4

Paica cashcata ruhuaccuna cai pachapi tiyangacaman manatac shaicungachu, mana samaringachu. Mama cucha patapi causaccunapish paipac mandashcatami shuyanga» nirca.

ISAÍAS 45:22

¡Tucui cai pachapi tiyac llactacunapi causaccuna ñucata catichicyari, quishpiringuichicmi! ¡Ñucami Diosca cani, ashtahuan shucca mana tiyanchu!

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 59:1

Riquichic, cancunata quishpichingapacca Mandac Diospac poderca mana chingarishcachu. Cancuna mañashcata mana uyangapacca, paipac ringrica mana huichcarishcachu.

ISAÍAS 66:9

Ñucallatac sajuarina cuerpota pascac cashpaca, ¿manachu sajuarichi pudini? Chashna sajuarichic cashpaca, ¿imapactac jarcashayari?» nini. Chaitaca Mandac Dios ñucami nini.

JEREMÍAS 10:10

Ashtahuanpish Mandac Diosca cashcata nic Diosmi. Paica huiñaita Mandac, causac Diosmi. Pai yallita piñaricpica, allpapish chucchunmi. Shuctac llactacunapi causaccunapish pai piñaricpica, mana causai pudincunachu.

JEREMÍAS 32:17

“¡Jatun Mandac Dioslla, jahua pachatapish, cai pachatapish cambac rigrata chutashpami, cambac jatun poderhuan ruhuashcangui! Can Diospacca ima ruhuanapish mana sinchichu.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

MARCOS 16:14

Chai quipaca, Jesusca paipac chunga shuc yachacuccuna micucucpimi ricurirca. Causarishcata mana crishcamanta, rumi shungu cashcamanta, causarishcata ricushcata mana crishcamantami rimarca.

MARCOS 9:19

Shina nicpimi Jesusca: —¡Aij, mana cric gentecunalla! Cancunahuanca, ¿maicamantac yachachishpa causacushalla? ¿Maicamantac llaquita apacushalla? Huambrata caiman apamuichic— nirca.

SAN LUCAS 24:25

Chashna nicpimi Jesusca: —¡Cancunaca yuyai illac upacuna cashpami, Dios ima nishcata huillaccuna ñucamanta huillashcataca mana utca cringuichic!

SAN JUAN 14:9

Shina nicpimi Jesusca: —Ña unaitami cancunahuan cani. Felipe, ¿chashna cashca jahuachu ñucata mana ricsingui? Maijanpish ñucata ricucca ñuca Taitatapish ricunmi. ¿Ima nishpatac canca: “Taitata ricuchi” ningui?

SAN JUAN 5:17

Ashtahuanpish Jesusca: —Ñuca Taitaca cunancamanmi caicunataca ruhuacun. Ñucapish caicunata ruhuacunimi— nirca.

HECHOS 13:47

Mandac Diosca ñucanchicta mandashpaca: “Mana israelcunaman luz shina achicyachichunmi churarcani. Tucui cai pachapi causaccunapish can huillashcamanta quishpirichunmi, churarcani” nishcami— nircacuna.

ROMANOS 16:26

Huiñaita causac Dios mandashca shinami, cunanca chai pacashcataca Dios ima nishcata huillaccuna quillcashca shina ricuchin. Cai pacashcatami tucui cai pachapi causaccuna crishpa cazuchun ricuchishca.

1 CORINTIOS 2:16

Dios quillcachishcapica: «Mandac Diospac yuyaitaca, ¿pitac ricsingayari? Shinallatac paitaca, ¿pitac yachachingayari?» ninmi. Shina cacpipish, ñucanchictaca Cristomi yuyaita cushpa yachachicun.

1 CORINTIOS 6:16

¿Manachu cullquimanta huainayac huarmihuan chayarishpaca, chai huarmihuan shuc shinalla tucun? Chaimantami Dios quillcachishcapica: «Ishcai cashpapish, shucllami tucun» nicun.

1 CORINTIOS 6:19

¿Manachu cancunapac cuerpoca Diospac Espíritu causana huasi cashcata yachanguichic? Chai Espiritutami Diosmanta chasquircanguichic. Chai espiritumi cancunapi causacun Cancunaca mana quiquinpacchu canguichic,

1 CORINTIOS 6:9

Millaita ruhuaccuna Dios mandacucpi imata mana charina cashcataca, ¿manachu yachanguichic? Ama pandarichicchu. Huaclliriccunapish, ruhuashcalla dioscunata adoraccunapish, huainayaccunapish, huarmi tucuccunapish, caricunapura millaita ruhuaccunapish,

DEUTERONOMIO 33:27

Canta cuidacca huiñaita causac Diosmi. Huiñaita causac Diospac rigrapish, cai pachacamanmi can. Paimi canta piñaccunataca catishpa cachacushpaca: “¡Tucurichic!” ninga.

FILIPENSES 1:6

Cancunapi callarimanta pacha allita ruhuac Diosca Jesucristo cutimuna punzhacaman, chai allita ruhuashpa catina cashcatami yachani.

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Diostaca, huiñai huiñaita “allimari cangui, sumacmari cangui” nishunchicyari! Chashna cachun.

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

1 SAMUEL 2:10

Mandac Diosta piñaccunataca paillatacmi ñutuchishpa chingachinga. Paicunata llaquichingapacca jahua pachamantami tulun ninga. Tucui cai pachapi causaccuna ima ruhuashcataca Mandac Diosmi ricuchinga. Pai acllashca jatun mandaccunamanpish paimi yachaita cunga. Aceitehuan cahuishpa paipacllata ruhuashcacunataca paimi imatapish ruhuacllata ruhuanga» nirca.