ISAÍAS 40:27 - Dios Rimashcata Quillcashcami

²⁷ Jacobopac huahua huahuacunalla, ¿ima nishpatac caparicunguichic? Israelcunalla, ¿ima nishpatac cancunaca: «Mandac Diosca ñucanchic imata ruhuashcatapish, mana yachanchu. Shinallatac ñami ñucanchicta tariparca» ninguichic?

ISAÍAS 40:27 ပူးပေါင်းရင်းမြစ်များ

JOB 23:14

Pai ñucata imata ruhuasha nishcataca ruhuangatacmi. Tucui pai imata ruhuasha nicushcatami pactachinga.

JOB 27:2

«Ñuca japina cashcata quichuc Diosca causacunmi. Ñuca almata llaquichic tucuita ruhuac Diosca ricucunmi.

JOB 34:5

Chaica Jobca: “Ñuca cashcata ruhuac cacpipish, Diosca ñuca japina cashcataca quichurcami.

ISAÍAS 25:1

¡Mandac Dioslla, canmi ñuca Dios cangui! Canca jatun mancharinacunatami ruhuashcangui. Chaimanta cambac shutitaca alli nishpa alabashami. Ñaupamanta pacha yuyarishcaca chashnatacmi, chaitaca pactachinguitacmi.

ISAÍAS 44:21

Mandac Diosca: «Jacobopac huahua huahuacunalla, israelcunalla, cancunaca ñucata serviccunami canguichic. Chaitaca alli yuyarichicyari. Israelcunalla, cancunataca ñucami ruhuarcani. Ñucata serviccunami canguichic. Ñucata ama cungarichicchu.

ISAÍAS 49:14

Shina cacpipish, Sionpi causaccunaca: «Mandac Diosca saquishcami. Ñucanchictaca cungarishcami» nircami.

ISAÍAS 49:4

Ashtahuanpish ñucaca: «Yangallami trabajashcani. Imatapish mana japingapacmi ñuca fuerzata tucuchishcani. Shina cacpipish, ñuca imata ruhuashcataca Mandac Diosmi ricucushca. Imata ñuca ruhuashcamantaca ñuca Diosmi cunga» yuyarcanimi.

ISAÍAS 54:8

Ñucaca piñarishca cashpami, asha punzhacunata canta mana ricurcani. Shina cashpapish huiñai huiñaita llaquishpami cantaca cuyasha. Chaitaca canta quishpichic Mandac Dios ñucami nini.

1 SAMUEL 27:1

Chai quipami Davidca paipac shungupica: «Ima punzha cashpapish Saulca huañuchingami. Chaimanta ama ashtahuan ñucata cai Israel llactapi mashcashpa puricuchunca, Filisteocunapac llactapi miticungapac risha. Shina rishpami, paipac maquimantaca quishpirisha» nishpa yuyarca.