ISAÍAS 40:24 - Dios Rimashcata Quillcashcami

²⁴ Cunanlla plantashca yurata shina, cunanlla tarpushca yurata shina, cunanlla huiñashpa, sapita mana charic yurata huaira huactashpa chaquichic shinami, utca chaquichin. Chaquicpica, acapana huaira shamushpami ucshata shina apan.

ISAÍAS 40:24 ပူးပေါင်းရင်းမြစ်များ

2 SAMUEL 22:16

Mandac Dios sinchita rimaricpi, singamanta sinchita pucucpimi, mama cucha ucu allpapish, cai pachata charicuc callari rumicunapish ricurirca.

2 REYES 10:11

Chashnami Jehuca Jezreel pueblopi saquirishca Acabpac huasi ucupuracunata tucui huañuchirca. Shinallatac Jehuca Acab churashca tucui mandaccunatapish, paicunapac huasi ucupuracunatapish, Acabpac curacunatapish, shucllatapish mana saquishpami tucui huañuchirca.

JOB 21:18

Paicunaca huaira apanalla ucsha shina, mana cashpaca jatun huaira apanalla tamo shinami.

JOB 4:9

Diospac samaillahuanmi huañuncuna. Pai yallita piñarishpa, pucucllapimi tucurincuna.

JOB 8:17

Sapicunapish rumi jahuatami caita chaita ahuarishpa ricun. Rumi allpaman chayashpami sapiyashpa saquirin.

SALMOS 58:9

Chaquishca cashacuna manga yacuta manarac cunuchishpa tucuric shina chingarichun. Verdinlla quihuata acapana huaira apac shina chingarichun.

SALMOS 83:13

Dioslla, paicunataca acapana huaira sacha pangata ruhuac shina ruhuaiyari. Tamota huaira apac shina cachaiyari.

PROVERBIOS 1:27

Cancuna manchana jatun llaquicunaca tucuchic shinami shamunga. Jatun acapana huaira shina shamushpami, cancunataca yallita llaquichinga.

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

ISAÍAS 17:11

Chai yuraca llaqui punzhapica chai punzhallatac huiñashpa, chai cayandi punzhapac jatunyashca cashpapish, tucui tucuringami. Maita mana jarcaipac jatun llaquimi tucuchinga.

ISAÍAS 17:13

Chai gentecunaca achca yacu huaj nicuc shinami, yallita caparinga. Shina cacpipish, Dios rimashpa jarcacpica, urcupi tiyac ucsha shina, ñuto allpa acapana huairapi shinami, maita miticungapac ringa.

ISAÍAS 30:33

Asiria llacta jatun mandacta llaquichingapacca utcamanta pachami Tofet jatun hornota huacaichishpa charicun. Chai jatun hornoca achca yantahuanmi rupacyachicun. Mandac Dios chai hornota pucucpica, azufre rupacuc shina culun ningami.

ISAÍAS 37:7

Riquichic, ñucami paipac shungupica manchai espirituta churasha. Chaimantami ima uyaricpica, manchashpa, paipac llactaman cutinga. Paitaca paipac llactapi huañuchichunmi saquisha” ninmi ninguichic— nirca.

ISAÍAS 40:7

Mandac Diospac huairata cachacpica, quihuapish chaquinllami. Sisapish anguyashpa urmanllami. Gentecunaca quihua shinami.

ISAÍAS 41:16

Cancuna huairachicpica, huairami apanga. Acapana huairami caita chaita apanga. Ashtahuanpish cancunaca Mandac Dios-huanmi cushicunguichic. Israelcunapac jucha illac Dios-huanmi yallita cushicunguichic.

ISAÍAS 41:2

¿Pitac jatun mandactaca ricchachishpa, inti llucshina ladomanta pushamurca? Paimanmi tucui llactacunata mandachun cunga. Chashna cucpimi, tucui jatun mandaccunata mandanga. Espadahuanmi ñuto allpata shina ruhuanga. Arcohuanca chaquishca pangata shinami maita shitanga.

JEREMÍAS 22:30

Mandac Diosca: «Cai runa ima tucunata quillcaichic. Paica, paipac tucui causaipimi shuc huahuallatapish mana charinga. Paica mana alli causangachu. Paipac huahua huahuacunamantaca pipish David mandashpa tiyarinapica mana tiyaringachu. Judá llactatapish mana mandangachu» ninmi.

JEREMÍAS 23:19

Mandac Dios piñarishcaca mancharina acapana huaira shinami shamun. Paica acapana huairahuan shinami, mana allita ruhuaccunata llaquichinga.

OSEAS 13:15

Efraín aillupurapi yuracuna shina mirarimucucpipish, Mandac Dios ñuca shitashca pambamanta shamuc rupac huaira cachashpami tucuchisha. Shinallatac tucyacuc yacupish, jundu yacupish chaquingami. Paicunapac sumac charishcacunatapish quichungami.

OSEAS 13:3

Chaimantami tutamanta puyu llucshishpa chingaric shina, pacarimucta tamya urmashpa chaquic shina, trillana pambamanta tamota huaira apacuc shina, huasi ventanamanta cushni llucshishpa chingaric shina chingaringa.

NAHÚM 1:14

Nínive llactalla, Mandac Dios mandashpaca: “Cambac shutita jaicapi ama yuyarishca cachun. Cambac diospac huasipi tiyac dioscunatapish imaman riccha dioscunatapish ñutuchishami. Can imapac mana valic cashcamantami chaillapitac enterrana jutcuta ruhuasha” ninmi.

HAGEO 1:9

Cancunaca achcata cosechanata munashpapish, ashallatami japinguichic. Cancunapac huasicunapi huacaichishcataca pucushpami tucui chingachisha. ¿Imamantatac chashna ruhuasha? Chaica, ñuca huasi llaquinayaita siricucpipish, cancunapac huasicunatarac sumacta allichishcamantami chashna ruhuasha.

ZACARÍAS 7:14

Ashtahuanpish paicunataca jatun acapana huairahuanmi paicuna mana ricsishca llactacunaman shic-huashpa cacharcani. Paicuna rishca quipaca, paicunapac llactaca shitashca pambami saquirirca. Chai llactaman yaicunataca pipish mana munangachu. Paicuna munashca llactataca shitashca pambatami saquirirca» nirca.

ZACARÍAS 9:14

Mandac Diosmi paicunapac jahuapi ricuringa. Paipac flechaca relampa shinami llucshinga. Mandac Diosmi cornetapi tocashpa, ura lado acapana huaira chaupipi shamunga.