ISAÍAS 4:2 - Dios Rimashcata Quillcashcami

² Chai huatacunapica Mandac Diospac retoñoca sumaimanami huiñanga. Chai llactapi pucushca granoca maijanlla saquirishca israelcunamanca sumac nishcapish, alli nishcapishmi canga.

ISAÍAS 4:2 ပူးပေါင်းရင်းမြစ်များ

SALMOS 67:6

Allpapica granomi pucunga. Ñucanchic Diosmi bendicianga.

SALMOS 72:16

Pambacunapipish, jahua urcucunapipish grano tiyachun. Chai muyupish Líbano urcu yuracuna shina tucuchun. Pueblopi causaccunapish quihua sumacta sisac shina cachun.

ÉXODO 28:2

Cambac huauqui Aaronman ñucapac chicanyachishca tucuimanta yalli sumac jagan nicuc churanata ruhuangui.

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

ISAÍAS 26:1

Chai punzhapi Judá llactapi cantashpaca: «Muyundita pircashca llactatami charinchic. Diosmi ñucanchicta quishpichingapac ishcai pircata shina muyundita ruhuarca.

ISAÍAS 27:6

Jacobopac huahua huahuacuna yura shina sapiyana punzhami shamunga. Israelcunaca sisac shinami sisanga. Chashnami paicunaca cai pachapi achca grano pucushca shina jundanga.

ISAÍAS 30:23

Shina ruhuacpimi, Mandac Diosca cancuna tarpucpipish, chai tarpushcaman tamyata cachanga. Chai tamyahuanmi allpacunaca sumac grano pucunga. Chai punzhapica cancunapac animalcunatapish sumac quihua pambapimi michinguichic.

ISAÍAS 45:8

Jahua pacha, jahuamanta tamyata cachac shina, cashcata ruhuana yuyaita cachaiyari. Puyupish tamyata cachac shina, cashcata ruhuana yuyaita cachaiyari. Allpapish quishpirina tiyachun, cashcata ruhuana yuyai tiyachun pascariyari. Mandac Dios ñucami chaicunataca ruhuarcani.

ISAÍAS 53:2

Diosta servicca chaquishca allpapi shuc sapi retoñac shinami, paipac ñaupapi llucshinga. Paipac ñahuitaca ricurcanchicmi, shinapish mana cuyaipacchu carca. Mana sumac ñahuichu carca.

ISAÍAS 60:15

Shitashca pamba, pipish mana ricunayachishca, pipish mana purinata munashca cacpipish, ñucami cantaca huiñai huiñaita alli nishca cachun ruhuasha. Tucui quipa huiñaicuna cushicushpa causanatami ruhuasha.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.

JEREMÍAS 23:5

Shamuc punzhacunapica Davidpac huahua huahuapuramantami cashcata ruhuac mandacta churasha. Paica Jatun Mandacmi. Allita mandashpami, cai pachapica imatapish alli ricushpa, cashcata ruhuashpa mandanga.

JEREMÍAS 33:15

Chai punzhacunapimi, Davidpac huahuapuramanta cashcata ruhuacta llucchisha. Paimi cai llactapica imatapish allita ruhuashpa, cashcata ruhuanga.

JEREMÍAS 44:14

Puchushca Judá llacta gentecunaca Egipto llactapimi causangapac rirca. Chaicunamantaca shucllapish mana causac saquiringachu. Judá llactapi causangapac cutingapacca shucllapish mana saquiringachu. Paicunaca Judá llactaman cutishpa, causanatami yallita munan. Shina cashpapish, mana cuti pudingachu. Maijan miticushpa llucshiccunallami Judá llactamanca cutinga» nirca.

JEREMÍAS 44:28

Jatun macanacuipi mana huañushcacunaca maijancunallami Egipto llactamanta Judá llactaman cutinga. Egipto llactaman shamushca gentecunaca paicunallatacmi ñuca rimashcacuna, mana cashpaca paicuna rimashca pactashcata ricunga.

EZEQUIEL 34:29

Sumac granota pucuc yuracunatami paicunamanca cusha. Cai llactapica mana ashtahuan yarcaihuan huañungacunachu. Shuctac llactapi causaccunapish ña mana ashtahuan burlashpa pingaichingachu.

EZEQUIEL 36:8

Israel llacta urcucunalla, ñuca acllashca israelcunaman granota pucuchun yuracuna huiñachun saquiyari. Ñallami paicunaca cutimunga.

EZEQUIEL 7:16

Maijan llaquimanta quishpirishcacunaca pambapi causac paloma shinami, urcucunapi miticugringa. Chashnami paicunallatac millaita ruhuashcamantaca huacashpa ringacuna.

JOEL 2:32

Mandac Dios ñucata mañaccunallami quishpiringa. Ñuca huillashca shinami, quishpirishcacunaca Sión urcupipish, Jerusalenpipish canga. Chai quishpirishcacunaca Mandac Dios ñuca cayashcacunami canga» ninmi.

JOEL 3:18

Chai punzhapica urcucunamantami mishqui vino llucshinga. Lomacunamantaca lechemi talliringa. Judá llactataca achca toma yacumi callpanga. Mandac Dios ñucapac huasimanta yacu llucshishpami, Sitim pugru pambata parcunga.

ABDÍAS 1:17

Ashtahuanpish Sión urcupica, maijan quishpirishcacuna tiyangaracmi. Chai urcuca Diospaclla chicanyachishcami canga. Jacobopac huahua huahuacunapish paicunapac allpataca cutinmi japinga.

ZACARÍAS 3:8

Curacunata mandac Josuella, canpish, cambac ñaupapi tiyacuc cambac ricsishcacunapish alli uyaichic. Retoñashca ñucata servic shamunata ricuchiccunami canguichic.

ZACARÍAS 6:12

Chashna churachishpaca, tucuita Mandac Dios ñucaca: “¡Retoño shuti runaca ñallami shamunga! ¡Paica, paipac sapillamantatac huiñashpami, Mandac Dios ñuca huasitaca shayachinga!

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

MALAQUÍAS 3:17

Tucuita Mandac Dios ñucaca: «Ñuca shamui punzhapica paicunaca ñucamanca sumac valishca shinami canga. Shuc taita paita servic churita llaquic shinami, ñucapish paicuna mana allita ruhuashcata cungarishpa llaquisha. Chaitaca tucuita Mandac Dios ñucami nini.

SAN MATEO 24:22

Chai llaqui punzhacunata Dios mana chaupicpica, pipish mana quishpirinmanchu. Diosca pai acllashcacunata cuyashcamantami, chai llaqui punzhacunataca chaupinga.

SAN LUCAS 21:36

Chaimanta cancunaca allichirishca, ña rinalla shinami cana canguichic. Chai tucui llaquimanta quishpiringapacca, Runa Tucungapac shamushca ñucapac ñaupapi alli ricuringapac Diosta mañaracuichic» nirca.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 PEDRO 1:16

Poderta charic Apunchic Jesús cutimunamanta ñucanchic yachachishcaca, mana ñucanchic yuyaillamanta yanga rimaicunallachu, ashtahuanpish ñucanchic quiquin ñahuihuantacmi, Apunchic Jesús tucuimanta yalli sumaimana cashcataca ricurcanchic.