ISAÍAS 39:7 - Dios Rimashcata Quillcashcami

⁷ Cambac maijan churicunataca Babilonia llactata jatun mandac mandana huasipimi eunuco tucushpa causachunmi apanga” ninmi— nirca.

ISAÍAS 39:7 ပူးပေါင်းရင်းမြစ်များ

2 REYES 24:10

Chai punzhacunapimi Babilonia llactata jatun mandac Nabucodonosorta serviccuna Jerusalenpi causaccunahuan macanacungapac shamushpa, pueblota muyushpa shayarirca.

2 REYES 24:12

Chaimantami Judá llactata jatun mandac Joaquinca paipac mamandi, paita serviccunandi, pai churashca mandaccunandi, caishuc mandaccunandi jatun mandac Nabucodonosorpac maquipi prezu yaicurca. Jatun mandac Nabucodonosor Babilonia llactata pusac huatata mandacucpimi, chashnaca tucurca.

2 REYES 24:15

Jatun mandac Joaquintapish, paipac mamatapish, paipac huarmicunatapish, paita serviccunatapish, Judá llactapi causac chayuccunatapish Jerusalenmantaca Babilonia llactamanmi prezu aparca.

2 CRÓNICAS 33:11

Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.

2 CRÓNICAS 36:10

Ña huata tucucucpimi, Nabucodonosorca Joaquintapish, Mandac Diospac huasipi tiyashca ashtahuan sumac charinacunatapish Babiloniaman apamuchun cacharca. Paita apashpaca, paipac huauqui Sedequiastami Judá llactata, Jerusalén pueblota jatun mandac cachunca churarca.

2 CRÓNICAS 36:20

Espadahuan huañuchinamanta miticushpa saquirishcacunataca Babiloniamanmi prezu aparca. Paicunaca Persia llactata jatun mandac tiyangacamanmi Nabucodonosortapish, paipac churicunatapish servishpa causarca.

JEREMÍAS 39:7

Jatun mandac Sedequiastaca ñahuicunata llucchishpami, Babilonia llactaman apangapac bronce cadenahuan huatarca.