ISAÍAS 39:4 - Dios Rimashcata Quillcashcami

⁴ Shina nicpimi Isaiasca: —Cambac huasipica, ¿imatatac ricurca?— nirca. Shina nicpimi Ezequiasca: —Ñuca huasipica tucui ima tiyashcatami ricurca. Valishcacunata huacaichishca huasipica imata mana pacashpami tucuita ricuchircani— nirca.

ISAÍAS 39:4 ပူးပေါင်းရင်းမြစ်များ

JOB 31:33

Ima millaita mana pacalla ruhuarcanichu. Mana allita ruhuashcataca ñuca shungupi mana pacarcanichu.

PROVERBIOS 23:5

¿Charic tucunaca yangalla cashcataca, manachu ricungui? Chaicunaca alas huiñacpi, anga jatarishpa jahuata ric shinami, cungailla chingarinlla.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

ISAÍAS 39:3

Chai quipami Dios ima nishcata huillac Isaías jatun mandac Ezequiasta ricungapac rishpaca: —Chai runacunaca, ¿maimantatac shamurca? ¿imatatac nirca?— nirca. Shina nicpimi Ezequiasca: —Paicunaca caru llacta Babiloniamantami shamushca— nirca.

ISAÍAS 39:5

Shina nicpimi, Isaiasca Ezequiastaca: —Tucuita Mandac Dios rimashcata uyai. Paica:

JEREMÍAS 17:3

jahua urcu pambacunapi tiyac altarcunatami yuyarin. Chashna juchata ruhuashcamantami cancunapac ima charishcacunatapish, ima sumaccunatapish shuhuaccuna apachun saquisha.

JOSUÉ 7:19

Chashna cuchuyacpica, Acanta Josué tapushpaca: —¡Ñuca huahualla, can imata ruhuashcata huillashpa israelcunata Mandac Diosta sumacmari cangui, allimari cangui niyari! ¡Can imata ruhuashca cashpapish ama pacaichu!— nirca.

1 JUAN 1:9

Shina cashpapish ñucanchic juchacunata Diosman huillacpica, paica imatapish cashcata ruhuac cashcamanta, imatapish pactachic cashcamantaca perdonangami, shinallatac tucui mana allicunatapish pichangami.