ISAÍAS 38:8 - Dios Rimashcata Quillcashcami

⁸ Riqui, Acazpac reloj shina gradacunata chunga gradacunata pasashca cacpipish, ñucaca cutinmi huashaiman cutichisha” ninmi ningui» nirca. Chai quipaca intica chunga gradacunata pasashca cashpapish cutin huashaiman cutircami.

ISAÍAS 38:8 ပူးပေါင်းရင်းမြစ်များ

2 CRÓNICAS 32:24

Chai huatacunapimi Ezequiastaca huañuchiclla ungüi japirca. Chaimantami Ezequiasca Mandac Diosta mañarca. Shina mañacpica, Mandac Dios uyashpami, shuc ricuchinata ricuchirca.

2 CRÓNICAS 32:31

Ashtahuanpish Judá llactapica ima jatun llaquicunata, jatun mancharinacunata ruhuashcata yachachunmi, Babilonia llactata mandaccunaca maijan tapuccunata cacharcacuna. Mandac Diosca Ezequías paipac shungupi ima shina yuyashcata yachangapacmi, chai tapuccuna shamucpica, paimanta anchurirca.

ISAÍAS 38:9

Judá llactata jatun mandac Ezequías ungüimanta alliyashpa cantashpaca:

ISAÍAS 7:11

—Mandac Dios allpa ucupi, mana cashpaca, jahua pachapi shuc señalta canman ricuchichun mañai— nirca.

SAN MATEO 16:1

Fariseocunapish, saduceocunapish shamushpa, Jesusta pandachisha nishpaca: —Jahua pacha Dios cachashcata ricuchingapacca milagrota ruhuashpa ricuchi— nirca.

JUECES 6:17

Shina nicpimi Gedeonca: —Ñuca cambac ñahuipi alli ricurishca cacpica, canllatac ñucanchic-huan parlacushcata yachangapac shuc señalta ricuchiyari.