ISAÍAS 38:19 - Dios Rimashcata Quillcashcami

¹⁹ ¡Maijanpish causacushparacmi cunan ñuca canta pagui nic shina, pagui ninga! Shuc taitaca causacushparacmi can pactachinataca paipac huahuacunaman huillanga.

ISAÍAS 38:19 ပူးပေါင်းရင်းမြစ်များ

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

SALMOS 118:17

Mana huañushachu, ashtahuanpish Mandac Dios imata ruhuashcacunata huillangapacmi causasha.

SALMOS 119:175

¡Ñuca almaca canta alli nishpa causachun! ¡Can mandashcacunallatac ñucataca ayudachun!

SALMOS 145:4

Imata can ruhuashcacunataca huahua huahuami yuyarishpa cushicungacuna. Tucuita ruhuac cashcahuan can Dios ruhuashcacunataca catipimi huillangacuna.

SALMOS 146:2

Ñuca causaipica Mandac Diostami alabasha. Ñuca causashcacamanca salmocunahuanmi Diostaca cantasha.

ÉXODO 10:2

Shinallatac cai Egiptopi imata ruhuashcata huahuacunamanpish, nietocunamanpish parlachunmi cashnaca ruhuarcani. Ñucaca Mandac Dios cashcata yachachunmi paicunapac chaupipi mancharinacunata ruhuashpa ricuchishcani— nirca.

ECLESIASTÉS 9:10

Cambac maquiman tucui shamushcata tucui fuerzahuan ruhuailla. Can rina Seolpica imata ruhuanapish, imata yuyarinapish, imata yachacunapish, alli yachaipish mana tiyanchu.

JOEL 1:3

Caicunataca cancunapac huahuacunamanmi huillana canguichic. Paicunapish paicunapac huahuacunaman huillachun. Chai huahuacunapish, paicunapac huahua huahuacunaman huillachun.

SAN JUAN 9:4

Punzha tiyacpiracmi, ñucata Cachac Diospacta ruhuana canchic. Ña tutayacpica, pi imata mana ruhuai pudinchu.

DEUTERONOMIO 11:19

Caicunataca huasipipish, ñanta purishpapish, samarishpapish, jatarishpapish cancunapac churicunaman yachachinguichic.

DEUTERONOMIO 4:10

Horeb urcupi Mandac Diospac ñaupapi cancuna cacpimi, paica: “Ñuca nishcacunata uyachun, tucui israelcunata ñuca ñaupaman tandachi. Caicunata yachacushpami, cai pachapi causashpaca ñucata manchashpa causangacuna, shinallatac huahuacunamanpish yachachinga” nirca.

DEUTERONOMIO 4:9

Chaimanta alli cuidaringuichic. Cambac ñahuihuan ricushcacunata ama cungarishpa, yuyarashpa causanguichic. Tucui causaipi cambac shungupi huacaichishca shina causaichic. Huahuacunamanpish, nietocunamanpish yachachinguichic.

DEUTERONOMIO 6:7

Caicunataca huasipi cashpapish, ñanta ricushpapish, sueñungapac siririshpapish, jataringapacpish huahuacunaman yachachingui.