ISAÍAS 38:17 - Dios Rimashcata Quillcashcami

¹⁷ Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

ISAÍAS 38:17 ပူးပေါင်းရင်းမြစ်များ

JOB 29:18

Ñuca shungupica: “Ñuca camallapitacmi huañusha. Ñuca causai punzhacunaca, tiyu shinami canga” yuyarcanimi.

JOB 33:24

Pai tapushpa allita tarishca cashpaca: “Enterrana jutcumanta quishpichircami. Canca quishpirinata tarircanguimi” ninmanmi.

SALMOS 10:2

Millaita ruhuaccunaca jatun tucushpami huacchataca catinta llaquichin. ¡Shina cashpapish huacchacuna urmachun, paicuna churashcallapitacmi urmanga!

SALMOS 103:12

Inti llucshinamanta inti tigranaca carupimi. Juchacunata ñucanchicmanta anchuchishpaca chashnami caruyachirca.

SALMOS 103:3

Paimi tucui can mana allita ruhuashcacunataca perdonan. Tucui nanaicunatapish paimi jambin.

SALMOS 103:4

Paimi cambac causaitaca enterrana jutcumanta quishpichin. Paimi llaquinatapish, allicunatapish coronata churachic shina cun.

SALMOS 30:3

Mandac Dioslla, ñuca almataca Seolmantami llucchircangui. Enterrana jutcuman ama richunmi causaita curcangui.

SALMOS 40:2

Paimi ñucataca llaquihuan jutcupi huañucucta llucchirca. Ñucata aguachicuc guzumantami llucchirca. Chaimanta llucchishpaca ñuca chaquicuna sinchita purichunmi jatun rumi jahuapi churarca.

SALMOS 55:23

Ñuca Dioslla, huañuchiccuna, llullaccunaca mana unaita causangachu. Paicunataca chingarina jatun jutcumanmi shitangui. Ashtahuanpish ñucaca canllapimi shunguta churani.

SALMOS 85:2

Can acllashcacuna millaita ruhuashcata perdonashpami, tucui juchacunatapish cungarircangui.

SALMOS 86:13

Canca ñucataca yallitami cuyac cangui. Seolpi ucuyanamantami ñucataca llucchircangui.

ISAÍAS 38:15

Paillatac chashna llaquichisha nishpa llaquichicpica, ¿imatatac nishayari? Chashnami ñuca shungupi yallita llaquirishpa causacushalla.

ISAÍAS 43:25

Chaica, ñucami, ñucallatac munashcamanta cancuna mana cazushpa, juchacunata ruhuashcata pichashpa, mana cutin yuyarisha.

JEREMÍAS 31:34

Paicunapurapish, huauquicunapurapish: “Mandac Diosta ricsichic” nishpaca, ña mana yachachingachu. Ñucataca uchillamanta callarishpa, yuyaccunacamanmi ricsinga. Paicunapac mana allita ruhuashcataca perdonashami. Paicunapac juchataca mana ashtahuan yuyarishachu» ninmi.

JONÁS 2:6

Urcu callarimanmi rircani. Allpaca huiñaimanmi ñucata tapashpa charicurca. Ñucata Mandac Dioslla, canmi ñuca causaitaca pambashcamanta llucchircangui.

JONÁS 2:7

Ñuca huañunalla cashpami Mandac Dios canta yuyarircani. Ñuca mañashcaca cambaclla huasimanmi chayarca.