ISAÍAS 38:15 - Dios Rimashcata Quillcashcami

¹⁵ Paillatac chashna llaquichisha nishpa llaquichicpica, ¿imatatac nishayari? Chashnami ñuca shungupi yallita llaquirishpa causacushalla.

ISAÍAS 38:15 ပူးပေါင်းရင်းမြစ်များ

1 REYES 21:27

Acab cai nishcacunata uyashpaca, paipac churanata lliquishpami sharpa churanata churarishpa, mana micushpa cainarca. Shungu llaquirishpa llaquilla cashpami, chai churanallahuantac sueñurca.

2 REYES 4:27

Chai urcupi Diospac runapacman chayashpami, paipac chaquita ucllarirca. Chashna ucllaricpimi, Giezica anchuchingapac japirirca. Chashna japiricpimi, Diospac runaca: —Saquilla, paipac shungupica jatun llaquihuanmi. Diosmi paipac llaquitaca pacashpa, mana huillashca— nirca.

ESDRAS 9:10

Ashtahuanpish cunanca ñucanchic Dioslla, caita ruhuashca quipaca ¿Imatatac nishunyari? Ñucanchicllatacmi can mandashcacunata saquishcanchic.

JOB 10:1

Cai causaihuanca ñami shaicushca cani. Mana manchashpami aij nicushalla. Ñucaca almahuan llaquirishpami huillacushalla.

JOB 21:25

Caishucca mana cushilla causashpa, causaipi mana cushicushpami huañunga.

JOB 7:11

Chaimantami ñuca shimihuan rimarinataca mana saquisha. Ñuca yuyaipi llaquihuan huañucushpami rimaricushalla. Tucui almahuan llaquirishpami aij nicushalla.

SALMOS 116:1

Mandac Diostaca cuyanimi. Paimi ñuca mañashcatapish, ñuca caparishcatapish uyarca.

PROVERBIOS 31:6

Sidrataca ña huañugricuccunaman cui. Vinotaca llaquirishcacuna ubiachun saquichilla.

ISAÍAS 38:17

Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

SAN JUAN 12:27

Cunanca yallita llaquillami cani. ¿Cunanca imatac nisha? ¿Taitalla, cai llaquimanta anchuchiyari nishachu? Mana chashna nishachu, llaquita apangapacmi shamurcani.

JOSUÉ 7:8

¡Mandac Dioslla! Israelcunata piñaccuna macashpa mishashpa, catishpa cachacpica, ¿imatatac nishayari?

1 SAMUEL 1:10

Chaipimi Anaca tucui almahuan llaquirishpa yallita huacashpa Mandac Diosta mañarca.