ISAÍAS 37:38 - Dios Rimashcata Quillcashcami

³⁸ Shina cacpipish, Senaquerib paipac dios Nisrocpac huasipi paita adoracucpimi, paipac churicuna Adramelec, Sarezer espadahuan huañuchirca. Shina huañuchishpaca Ararat llactamanmi miticushpa rirca. Paipac randica paipac churi Esarhadonmi mandai callarirca.

ISAÍAS 37:38 ပူးပေါင်းရင်းမြစ်များ

GÉNESIS 8:4

Ña canchis quilla chunga canchis punzhapica huambuc huasica Ararat urcupimi saquirirca.

2 CRÓNICAS 32:14

Ñuca ñaupa taitacuna tucuchishca llactacunapac dioscunapuramantaca, ¿maijan Diostac paipac gentecunataca ñuca maquimanta cacharichic pudirca? Cunanpish cancunapac Diosca ñuca maquimantaca mana cacharichi pudingachu.

2 CRÓNICAS 32:19

Chai mandaccunaca Jerusalenpi causaccunapac Diostaca shuctac llactapi causaccunapac dioscunata shinami rimarcacuna.

2 CRÓNICAS 32:21

Shina mañacpimi, Mandac Diosca shuc angelta cachashpa Asiria llactata jatun mandacpac carpapi cac yallita sinchi imatapish mana manchac soldadocunatapish, mandaccunatapish, chai soldadocunata mandaccunatapish huañuchirca. Chaimantami chai jatun mandacca yallita pingai tucushpa, paipac llactaman cutishpa, paipac diospac huasiman yaicurca. Chai ucuman yaicucpimi, paipac churicunallatac espadahuan huañuchirca.

ESDRAS 4:2

Zorobabelpacman, ñaupa taitacunapac huasi ucupuracunata mandaccunapacman shamushpaca: —Cai huasita ruhuanataca ñucanchicpish ayudashun ninchicmi. Ñucanchicpish cancuna shinallatacmi cancunapac Diosta mashcanchic. Asiria llactata jatun mandac Esar-hadón ñucanchicta cai llactaman apamushca punzhamanta pachami cancuna shinallatac Diosman animalcunata cushpa rupachinchic— nirca.

ISAÍAS 14:12

¡Tutamanta llucshic lucero shina cashpapish, ima shinatac jahua pachamanta urmarcanguiyari! Canca llactacunata mandashpa irquiyachic cashpapish, allpaman shitashcami cangui.

ISAÍAS 14:9

Canta ricushpaca Seol ucupish cuyurircami. Canhuan tupachunmi, huañushcacunatapish ricchachirca. Cai pachapi tucui mandaccunatapish, jatun mandaccunatapish mandashpa tiyarinamanta jatarichircami.

ISAÍAS 36:15

Shinallatac Ezequías: ‘Mandac Diosca ñucanchicta quishpichingatacmi. Cai llactataca Asiria llactata jatun mandacpac maquipica mana churangachu’ nishpa, Mandac Diospi shunguta churachunpish ama saquinguichicchu” nirca.

ISAÍAS 36:18

Ezequías: ‘Mandac Diosca quishpichingallami’ nishpa, pandachichun ama saquichicchu. ¿Shuctac llactapac maijan dioscunaca Asiria llactata jatun mandacpac maquimanta quishpichi pudircachu?

ISAÍAS 37:10

«Judá llactata jatun mandac Ezequiastaca: “Can shunguta churashca cambac Dios pandachichunca, ama saquinguichu. Paica Jerusalentaca Asiria llactata jatun mandacpac maquipica mana churashachu.

ISAÍAS 37:7

Riquichic, ñucami paipac shungupica manchai espirituta churasha. Chaimantami ima uyaricpica, manchashpa, paipac llactaman cutinga. Paitaca paipac llactapi huañuchichunmi saquisha” ninmi ninguichic— nirca.

JEREMÍAS 51:27

¡Chai llactapica banderata alzaichic! Chai llactapi causaccunahuan macanacungapac trompetapi tocashpa llactacunamanta tandachichic. Paicunahuan macanacungapac Ararat, Mini, Askenaz llactacunata jatun mandaccunata tandachichic. Chai macanacuita pushachunca, alli pushacta churaichic. Langosta shina, caballocunapi montashpa huichai shamuichic.