ISAÍAS 37:36 - Dios Rimashcata Quillcashcami

³⁶ Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

ISAÍAS 37:36 ပူးပေါင်းရင်းမြစ်များ

2 SAMUEL 24:16

Jerusalenpi causaccunata tucuchingapac ángel chai pueblo ladota rigrata chutacpica, Mandac Dios chai pueblota llaquichigricushcamantami llaquirirca. Chaimantami chai pueblota tucuchic angeltaca: «¡Chaillapi saqui! ¡Ama llaquichichu!» nirca. Mandac Diospac angelca jebuseopuramanta Araunapac trillana era ladopimi carca.

2 REYES 19:35

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadocunata huañuchirca. Cayandi tutamanta jatarishpaca, tucui huañushca siricuctami ricurca.

1 CRÓNICAS 21:12

“¿Quimsa huatata yarcaihuan llaquichichunchu munangui? ¿Mana cashpaca, canta piñaccuna mishashpa, espadahuan huañuchingapac caticpi, quimsa quillata miticushpa purinatachu munangui? ¿Mana cashpaca, Mandac Diospac ángel tucui Israel llactata mancharina ungüihuan quimsa punzhata llaquichichunchu munangui?” ninmi. Riqui, can maijanta acllashcatami ñucata cachacmanca huillagrina cani— nirca.

1 CRÓNICAS 21:16

David huichai ricushpaca, Mandac Diospac ángel cai pachahuan jahua pachahuan chaupipi shayacuctami ricurca. Shinallatac paipac maquihuanca espadata Jerusalén pueblo ladoman ricuchishpa charicuctami ricurca. Chaimantami Davidpish, israelcunata pushac yuyaccunapish sharpa churanata churarishpa allpacaman cumurirca.

JOB 24:24

Asha punzhallatami jatun tucushca cancuna, ashtahuanpish utcami chingarincuna. Paicunata cumurichishcaca pitishca quihua anguyac shinami. Cebada umata pitishca shinami tucuncuna.

JOB 34:20

Chaupi tutami runacunaca cungailla huañuncuna. Yallita alli nishca runacunapish, tucuita ruhuac Dios maquihuan manapish huactacpimi chingaringacuna.

ÉXODO 12:23

Mandac Diosca Egipto runacunata huañuchishpa pasacushpaca, cancunapac huasi pungu ishcai caspicunapi, pungu umbralpi yahuar cahuishcata ricushpaca pasangallami. Shinallatac cancunapac huasicunapi huañuchic yaicushpa, llaquichichunpish mana saquingachu.

ÉXODO 12:30

Chai tuta Faraonpish, tucui paita serviccunapish, shinallatac tucui Egipto runacunapish jataricpica, shuc huasillapipish huañuicunaca mana illarcachu. Chaimantami jatun huacanacui tiyarca.

ISAÍAS 10:12

Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

ISAÍAS 10:25

Ashtahuanpish asha punzha quipaca ñuca yallita piñarishcataca pasachishami. Chai quipaca nina japiric shina piñarishpami paicunata tucuchisha» nirca.

ISAÍAS 10:26

Tucuita Mandac Diosca Oreb jatun quingrai ladopi, Madián llactapi huañuchishca shinami, paicunataca huañuchinga. Varata alzashpa, Egipto runacunata yacupi ucuyachishca shinami, paicunatapish tucuchinga.

ISAÍAS 27:7

Dios paicunataca mana piña runacunata shinachu llaquichirca. Mana huañuchic runacunata shinachu huañuchirca.

ISAÍAS 29:5

Canta piñac achca runacunaca ñuto allpa shinami tucunga. Cutin, mana llaquic runacunaca huairapi ric tamo shinami tucunga. Chaica, cungaillami chashna tucunga.

ISAÍAS 31:8

Chai punzhapica Asiria llacta runacunaca jatun macanacuipimi huañunga. Shina cashpapish mana runacunachu paicunataca huañuchinga. Mana runacunapac espadahuanchu tucuringa. Jatun macanacuimantami miticushpa callpanga. Mosocunaca sinchita servishpami causanga.

DANIEL 3:28

Chaimantami Nabucodonosorca: «Sadrocpac, Misacpac, Abed-negopac Diosca alli nishca cachun. Paimi, paita yuyarishpa causac, paita servic runacunata quishpichingapac paipac angelta cacharca. Paicunaca ñuca jatun mandac cacpipish, ñuca mandashcata mana cazurcachu. Paicunaca Diosta saquishpa, shuctac diosta servinapac randica, paicunapac cuerpotami rupachun saquirca.

MIQUEAS 5:6

Paicunami Nimrod llactatapish, Asiria llactatapish jatun macanacuita cachashpa tucuchinga. Chashnami ñucanchic llactaman shamushpa, Asiriocunapac maquimanta quishpichinga.

NAHÚM 1:12

Chaimantami Mandac Diosca: “Paicunaca sinchi cashpapish, achca cashpapish, tucui huañuchishcami canga. Cantaca yallitami llaquichircani, ña mana ashtahuan llaquichishachu.

NAHÚM 3:3

caballopi ric soldado shamucuctapish ricungami. Espadapish, lanzapish jagan nicuctami ricunga. Achca runacunami huañunga. Huañushcacunaca maita mana yupaipacmi canga. Chai huañushcacunapac jahuallapitacmi mitcaringa.

HECHOS 12:23

Herodes “Dios shinami cani” nishpa, Mandac Diosta mana jatunyachishcamantami chai rato ángel ungüita cachashpa huañuchirca. Chashnami curucuna micushca tucurirca.