ISAÍAS 37:28 - Dios Rimashcata Quillcashcami

²⁸ Can ima shina cactaca tucuitami yachani. Can maiman llucshictapish, cutictapish, can ñucata yallita piñarishcatapish yachanimi.

ISAÍAS 37:28 ပူးပေါင်းရင်းမြစ်များ

2 SAMUEL 3:25

Nerpac churi Abnertaca canllatac ricsinguimi. Paica canta umangapac, can maiman rictapish, maimanta shamuctapish, tucui can imata ruhuac cashcata yachangapacmi shamushca canga— nirca.

PROVERBIOS 15:3

Mandac Diospac ñahuica tucui cai pachapimi allicunatapish, mana allicunatapish ricucun.

PROVERBIOS 5:21

Mandac Diosca runacunapac causaita ricucunmi. Tucui imata ruhuacucpipish yachanmi.

JEREMÍAS 48:30

Mandac Diosca: «Paicuna piña cashcataca yachanimi. Shina cashpapish, paicuna jatun tucushcapish, paicuna imata ruhuashcapish yangallami» ninmi.

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.

1 SAMUEL 29:6

Shina nicpimi, Aquisca Davidta cayashpaca: —¡Mandac Diospac shutipimi nini: Canca cashcata ruhuacmi cangui! Maiman rishpapish, cutimushpapish allita ruhuashpami ñuca carpa huasipica causacungui. Ñucapacman shamushca punzhamanta pacha, cunancaman ima mana allita ruhuactapish cantaca mana ricushcanichu. Ashtahuanpish caishuc mandaccunapac ñaupapimi mana alli ricuringui.