ISAÍAS 36:4 - Dios Rimashcata Quillcashcami

⁴ Chai quipa mandacca paicunataca: —Cunanca, Asiria llactata jatun mandacca Ezequiastaca: “¿Imapitac shunguta churashpa cushilla cangui?

ISAÍAS 36:4 ပူးပေါင်းရင်းမြစ်များ

2 REYES 18:17

Chai quipami Asiria llactata jatun mandacca Tartán, Rabsaris shinallatac Rabsaces quimsa mandaccunata achca soldadocunahuan Jerusalenpi jatun mandac Ezequias-huan macanacuchun Laquis pueblomanta cacharca. Jerusalenman huichai shamushpaca, jahua ladopi tiyac tanqueman shamucuc yacu patapimi carpa huasicunata shayachishpa tiyarircacuna. Chaica tacshaccunapac pambaman rina ñanpimi carca.

2 REYES 18:5

Ezequiasca israelcunata Mandac Diosta yallita crishpami causarca. Judá llactata tucui jatun mandaccunapurapica utcapi mandaccunapish, quipata mandaccunapish pai shinaca pipish mana tiyarcachu.

2 REYES 19:10

«Judá llactata jatun mandac Ezequiastaca: “Can shunguta churashca Diosca: ‘Jerusalentaca Asiria llactata jatun mandacpac maquipica mana churashachu’ nishpa, llullachunca ama saquichu.

SALMOS 42:10

Ñucata piñaccunaca punzhantami: «¿Maipitac cambac Diosca?» nishpa tapuncuna. Chashna rimashpami, ñuca tullucunataca ñutuchic shina llaquichincuna.

SALMOS 42:3

Tutapish, punzhapish huacashpami huiquillata micucuni. Punzhantami ñucataca: «¿Maipitac cambac Diosca?» nishpa llaquichincuna.

PROVERBIOS 16:18

Manarac llaqui tucushpaca jatun tucushcami can. Manarac urmashpaca, jatun tucushpami causancuna.

JEREMÍAS 48:14

¿Ima shinatac cancunaca: “Ñucanchicca alli sinchimi canchic. Alli macanacuc carimi canchic” ninguichicyari?

DANIEL 4:30

«¿Manachu cai jatun Babilonia llactataca ñuca alli nishca cangapac, ñuca fuerzahuan shayachircani?» nirca.

SAN JUDAS 1:16

Chaicunaca huashalla rimaccuna, ima charishcacunahuanpish mana cushilla caccuna, shinallatac quiquinman imapish alli cachunllami munancuna. Paicunaca jatun tucushpami, imatapish japingaraiculla pitapish “canca allimi cangui” nic tucuncuna.