ISAÍAS 36:22 - Dios Rimashcata Quillcashcami

²² Chai quipami mayordomo Eliaquimpish, quillcac Sebnapish, jatun mandac huillac Joapish paicunapac churanata lliquishpa, Ezequiaspacman shamurca. Shina shamushpami, Rabsaces ima nishcata huillarca. Eliaquimca Hilquiaspac churimi carca. Joaca Asafpac churimi carca.

ISAÍAS 36:22 ပူးပေါင်းရင်းမြစ်များ

2 REYES 18:18

Chai quipami jatun mandac Ezequiastaca cayarcacuna. Shina cayacpimi Hilciaspac churi mayordomo Eliaquimpish, quillcac Sebnapish, jatun mandacpac huillac Asafpac churi Joapish paita tupangapac llucshirca.

2 REYES 5:7

Israel llactata jatun mandac chai quillcata rezashpa, paipac churanata lliquirishpaca: «Cai runaca ñuca lepra ungüimanta allichichunmi cachashca. ¿Ñucaca causaita cungapac, causaita quichungapacca Dioschu cani imatacyari? ¡Riqui, caicunata ruhuachun nishpa cachashpaca, ñucahuan piñanacuitami mashcacun!» nirca.

ESDRAS 9:3

Chashna millaita ruhuacucta uyashpami, ñucaca ucu churarishcatapish, jahuata churarishcatapish lliquircani. Ñuca uma acchatapish, barbastapish pitirishpami yallita llaquirishpa tiyarircani.

ISAÍAS 22:15

Tucuita Mandac Diosca: «Jatun mandacpac huasita ricuc Sebna mayordomopacman rishpa:

ISAÍAS 22:20

Chai punzhami Hilquiaspac churi ñucata servic Eliaquimta cayasha.

ISAÍAS 29:2

Ashtahuanpish Ariel llactataca llaquihuan muspachigrinimi. Chaimantami yallita llaquirishpa huacanga. Chai llactaca animalta rupachina altar shinami tucunga.

ISAÍAS 33:7

Jatun mandacpac huillaccunaca canzhapimi caparin. Cushi causaimanta huillaccunaca yallitami huacan.

ISAÍAS 36:11

Shina nicpimi, Eliaquim, Sebna, Joa runacunaca chai quipa mandactaca: —Ñucanchicca arameo rimaitaca entendinchicmi. Chaimanta canta servic ñucanchic-huanca chai rimaipi rimaiyari. Ashtahuanpish ama pirca huashapi shayacuc Judá llactapi causaccunapac rimaipi rimaichu— nirca.

ISAÍAS 36:3

Chaipi cacpimi, jatun mandacpac mayordomo Eliaquimca quillcac Sebnahuan, jatun mandacpac huillac Joahuan tupangapac llucshirca. Eliaquimca Hilquiaspac churimi carca. Joaca Asafpac churimi carca.

JEREMÍAS 36:24

Chai tucui rezashcata uyashpaca jatun mandacpish, paita servic mandaccunapish mana mancharcachu. Paicunapac churanacunallatapish mana lliquircachu.

SAN MATEO 26:65

Shina nicpimi, mandac curaca yallita piñarishpa, paipac churanata lliquishpaca: —¡Cai runaca Diostami piñachishca! ¿Imapactac shuctac huillaccunaman tapushun? ¡Cancunallatacmi Diosta piñachishpa rimashcataca uyashcanguichic!