ISAÍAS 36:16 - Dios Rimashcata Quillcashcami

¹⁶ ¡Ama Ezequías nishcata uyanguichicchu! Asiria llactata jatun mandacca: “Alli tucungapac ñucapacman shamuichic. Shina ruhuashpaca, tucui cancunami cancunapac uvas chagramanta, olivos chagramanta micunguichic. Yacutapish tucui cancunami quiquin junducunamanta ubianguichic.

ISAÍAS 36:16 ပူးပေါင်းရင်းမြစ်များ

GÉNESIS 32:20

Shinallatac: “Canta servic Jacobopish, ñucanchicpac huashatami shamucun” ninguichic— nirca. Jacoboca ñuca huauqui Esauca ñucapac ñaupata rishpa, animalcunata convidacpica, rabiata pasachishpa, alli chasquingapishchari yuyashpami, chashnaca cacharca.

GÉNESIS 33:11

Cai convidanacunata apamushcataca chasquiyari. Diosca ñucamanca achcata cushpami, ñucataca chayucyachirca. Imapish mana illanchu— nirca. Jacoboca chashnami Esaú chasquingacaman mañacurcalla.

2 SAMUEL 8:6

Shinami Davidca Damasco pueblopi causac siriocunapac chaupipi cuidachun soldadocunata churarca. Chashna ruhuacpimi, siriocunaca Davidta servishpa paiman impuestota cushpa causarca. Mandac Diosca David maiman macanacungapac ricpipish mishachircami.

1 REYES 4:20

Judá llactapi, Israel llactapi, causaccunaca mama cucha yacu patapi tiyac tio shina achcami carca. Paicunaca tucuimi micushpa, ubiashpa, cushicushpa causarcacuna.

1 REYES 4:25

Salomón causai punzhacunapica Judá llactapi, Israel llactapi causaccunaca Dan pueblomanta Beerseba pueblocamanmi, uvas chagrayuc, higo chagrayuc alli causarcacuna.

2 REYES 18:31

¡Ezequiastaca mana uyanachu canguichic! Asiria llactata jatun mandacca: “Cushi causai tiyachun ñucahuan parlangapac shamuichic. Shina ruhuashpaca, tucui cancunami quiquin uvas, higo chagramanta micunguichic. Yacutapish quiquin jundumanta ubianguichic.

2 REYES 5:15

Chai quipami Naamanca paipac ricsishcacunahuan Diospac runapacman cutishpa, paipac ñaupapi shayarishpaca: —¡Riqui, tucui cai allpapica Diosca mana tiyanchu! ¡Ashtahuanpish Israel llactapimi tiyan! ¡Chaitami cunan yachac chayani! ¡Chashna cashcamanta canta servic ñuca ima carashcatapish chasquiyari!— nirca.

PROVERBIOS 27:18

Higo chagrata cuidacca chai yuracunapi pucushcatami micunga. Amo munashcata ruhuac servicca alli nishcami canga.

PROVERBIOS 5:15

Quiquinpac yacuta huacaichina jundumanta ubiangui. Cambac jundullaman tucyacuc yacuta ubiangui.

ISAÍAS 36:17

Cancunapac llacta shinallatac alli granopish, vinopish, tandapish, uvas chagrapish tiyac llactaman ñuca pushac shamungacaman chashna causaichic.

MIQUEAS 4:4

Tucui runacunami quiquin uvas yura ucupi, higo yura ucupi pipish mana manchachishca cushilla samaringa. Chaitaca tucuita Mandac Diosmi nin.

ZACARÍAS 3:10

Chai punzhapica cancunaca shuctaccunata cayashpami, cancunapac uvas yuracuna, higo yuracuna ucupi tiyachinguichic. Caitaca tucuita Mandac Dios ñucami nini” ninmi» nirca

2 CORINTIOS 9:5

Chaimantami cai huauquicunarac ricungapac rishpa, cancuna alli shunguhuan ñaupaman ayudasha nicushcata tandachinacuchun, cachana alli caipac cacpi ñaupachishpa cachani. Chashna ruhuacpimi mana ñucanchic nishcallamanta, ashtahuanpish cancuna cuna munaihuan cushcaca yacharinga.

1 SAMUEL 11:3

Shina nicpimi, Jabes pueblota pushac yuyaccunaca: —Ñucanchic tucui Israel llactapi causaccunaman huillachingacaman canchis punzhata shuyai. Pipish ñucanchicta mana quishpichingapac shamucpica, cambacllamantami shamushun— nirca.

1 SAMUEL 25:27

Cunanca, ñuca mandacman carangapac canta servic ñuca apamushcata chasquishpa, ñucata mandacta catishpa puric runacunaman carai.