ISAÍAS 36:15 - Dios Rimashcata Quillcashcami

¹⁵ Shinallatac Ezequías: ‘Mandac Diosca ñucanchicta quishpichingatacmi. Cai llactataca Asiria llactata jatun mandacpac maquipica mana churangachu’ nishpa, Mandac Diospi shunguta churachunpish ama saquinguichicchu” nirca.

ISAÍAS 36:15 ပူးပေါင်းရင်းမြစ်များ

SALMOS 4:2

Huañuclla runacunalla, ¿ima horascamantac imapish yanga llulla dioscunata mashcashpa, ñucata yangapi churanguichiclla? ¿Maicamantac yanga causaillata, llullanallata mashcanguichic?

ISAÍAS 36:18

Ezequías: ‘Mandac Diosca quishpichingallami’ nishpa, pandachichun ama saquichicchu. ¿Shuctac llactapac maijan dioscunaca Asiria llactata jatun mandacpac maquimanta quishpichi pudircachu?

ISAÍAS 36:20

Cai llactacunapi tiyac dioscunapuramanta, ¿maijan Diostac paipac llactata ñuca maquimanta quishpichirca? ¿Mandac Dioschu Jerusalentaca ñuca maquimanta quishpichinga?” ninmi ningui— nirca.

ISAÍAS 36:7

Cancunaca: ‘Ñucanchic Mandac Diospimi shunguta churanchic’ ninguichicchari. ¿Manachu cai lomacunapi tiyac huasicunata, altarcunataca Ezequías anchuchirca? Chaicunata anchuchishpaca, ¿manachu Judá llactapi, Jerusalenpi causaccunataca: “Cai altar ñaupapimi Mandac Diostaca alli nina canguichic” nishpa mandarca?— nirca.

ISAÍAS 37:10

«Judá llactata jatun mandac Ezequiastaca: “Can shunguta churashca cambac Dios pandachichunca, ama saquinguichu. Paica Jerusalentaca Asiria llactata jatun mandacpac maquipica mana churashachu.

ISAÍAS 37:11

Asiria llactata jatun mandaccuna tucui llactacunata tucuchishcataca canllatac uyarcanguimi. ¿Chashna cashca jahuachu, canca quishpirigringui?

SAN MATEO 27:43

Paica: “Diospac Churimi cani” nishpami, Dios yuyailla puricurca. Shina cacpica, Dios cuyashpaca quishpichinmanmi» nircacuna.