ISAÍAS 36:14 - Dios Rimashcata Quillcashcami

¹⁴ Paica: “Ezequiasca cancunataca mana quishpichi pudingachu. Chaimanta ama pai pandachichun saquichicchu.

ISAÍAS 36:14 ပူးပေါင်းရင်းမြစ်များ

2 REYES 19:22

¿Pitatac mana alli nishpa rimarcangui? ¿Pitatac jatun tucushpa caparircangui? ¡Israelcunapac jucha illac Diostamari rimarcangui!

2 CRÓNICAS 32:11

Ezequiasca cancunataca: “Ñucanchicta Mandac Diosmi Asiria llactata jatun mandacpac maquimanta cacharichinga” nicunmi. Chashna nishpaca, cancuna yarcaihuan, yacunayaihuan huañuchunllami chashna nicun.

ISAÍAS 36:15

Shinallatac Ezequías: ‘Mandac Diosca ñucanchicta quishpichingatacmi. Cai llactataca Asiria llactata jatun mandacpac maquipica mana churangachu’ nishpa, Mandac Diospi shunguta churachunpish ama saquinguichicchu” nirca.

DANIEL 6:20

Chai jutcu cuchuman chayashpa Danielta llaquilla tucushpa cayashpaca: —¡Causac Diosta servic Daniel-lla! Punzhanta can servina cambac Diosca, ¿leoncunapac jutcumanta quishpichishcachu?— nirca.

DANIEL 7:25

Paica jahua pacha Diosta millaita rimashpami, jahua pachapi causac Diospaclla caccunata yallita llaquichinga. Paica fiestacunatapish, mandashcacunatapish shuctacyachisha ningami. Paipac maquipimi Diospaclla caccunataca quimsa huata chaupicaman churanga.

2 TESALONICENSES 2:4

Chai runami Diospac shutita apaccunatapish, chashnallatac Diosman tucui imata cushcacunatapish piñanga. Chaipac jahuapica Diosta mañana huasipipish “ñucami Dios cani” nishpami tiyaringa.