ISAÍAS 36:11 - Dios Rimashcata Quillcashcami

¹¹ Shina nicpimi, Eliaquim, Sebna, Joa runacunaca chai quipa mandactaca: —Ñucanchicca arameo rimaitaca entendinchicmi. Chaimanta canta servic ñucanchic-huanca chai rimaipi rimaiyari. Ashtahuanpish ama pirca huashapi shayacuc Judá llactapi causaccunapac rimaipi rimaichu— nirca.

ISAÍAS 36:11 ပူးပေါင်းရင်းမြစ်များ

ESDRAS 4:7

Artajerjes mandacui punzhacunapipish, Bislampish, Mitridatespish, Tabeelpish, paicunapac shuctac ricsishcacunapish shuc quillcata Persia llactata jatun mandac Artajerjesman cacharcacunami. Chai quillcashcaca arameo rimaipimi carca.

ISAÍAS 22:15

Tucuita Mandac Diosca: «Jatun mandacpac huasita ricuc Sebna mayordomopacman rishpa:

ISAÍAS 22:20

Chai punzhami Hilquiaspac churi ñucata servic Eliaquimta cayasha.

ISAÍAS 36:12

Shina nicpimi, chai quipa mandacca: —¿Ñuca amoca cai shimicunataca canllaman, cambac amollamanchu huillachun cacharca? ¿Manachu cai pirca jahuapi cac gentecunamanpish huillachun cacharca? ¿Manachu paicunapish cancuna shinallatac quiquin mapayachishcallatatac micunga, ubianga?— nirca.

ISAÍAS 36:13

Shina nicpimi, chai quipa mandacca shayarishpa Judá rimaipi sinchita caparishpaca: —¡Asiria llactata jatun mandac rimashcata alli uyaichic!

DANIEL 1:4

Shinallatac mana ima tucushca, sumac ñahui, imatapish allita yachac, alli yuyaiyuc mosocunatami mandana huasipi paita servishpa causaccunata quillcanatapish, caldeocunapac rimaitapish yachachichun cayac cacharca.

DANIEL 2:4

Shina nicpimi, paicuna arameo rimaipi rimashpaca: —¡Jatun mandaclla huiñaita causangui! Canta serviccunaman can muscushcata huillailla, ñucanchicca imata nisha nicushcata huillashunllami— nirca.