ISAÍAS 34:16 - Dios Rimashcata Quillcashcami

¹⁶ Mandac Dios rimashpami, paipac Espirituhuan tandachirca. Chaimanta Mandac Diospac librota mashcashpa rezaichic. Cai animalcunamantaca imapish mana illanchu. Tucui animalcunami cari, huarmi canga.

ISAÍAS 34:16 ပူးပေါင်းရင်းမြစ်များ

GÉNESIS 6:17

Riqui, tucui cai pachapi causaita chariccunata tucuchingapacmi cai pachamanca yacu juizhuta cachagrini. Chaipica tucui cai pachapi causaccunami huañunga.

SALMOS 33:6

Mandac Diosca rimashcallahuanmi jahua pachataca ruhuarca. Chaipi imalla tiyactapish, paipac samaihuanmi ruhuarca.

SALMOS 33:9

Pai rimacpimi tucui imapish ruhuarirca. Pai mandacpica maipi tiyarina pushtullapitacmi tucui imapish tiyarirca.

PROVERBIOS 23:12

Yachachishca shimicunataca tucui shunguhuan pactachingui. Alli yachachishpa rimashcacunata cambac ringrihuan uyangui.

ISAÍAS 1:20

Ashtahuanpish cariyashpa, mana uyasha nishpaca jatun macanacuipimi tucuringuichic. Chaitaca Mandac Dios ñucami nini» ninmi.

ISAÍAS 14:31

¡Llacta pungupi cuidaccuna huacaichicyari! ¡Llactapi causaccunapish sinchita caparichicyari! Jahua lado llactamantaca yana cushnimi llucshin. Tucui Filistea llactapi causaccunami yacuyac shina tucurigringuichic. Chai amsamantaca shucllapish mana puchungachu.

ISAÍAS 21:17

Cedar runapac huahua huahuacuna, flechahuan macanacuc sinchi runacunapish ashallami saquiringa. Chaitaca israelcunata Mandac Diosmi nin» nirca.

ISAÍAS 30:8

Cunanca, muscuipi shina ñuca ricuchishcataca paicunapac ñaupapi, shuc tablapi quillcagri. Chashna quillcacpimi, huiñai huiñaipac tiyanga.

ISAÍAS 40:26

Cai tucuita ruhuashcata cancunapac ñahuita alzashpa ricuichic. Paimi tucui ima tiyashcatapish yupashpa yachan. Paimi tucuita shutipi cayan. Pai cayacpica, shucllapish mana illangachu. Paica, chashna tucuita ruhuai pudic cashpami, tucuita mandan.

ISAÍAS 40:5

Chaipimi Mandac Diosca paipac poderta ricuchinga. Chaitaca tucui gentecunami ricunga. Chaitaca Mandac Dios ñucami nini» nirca.

ISAÍAS 58:14

Mandac Dios ñucaca cushichishami. Cancunataca urcucunamanmi cutin huichai pushashpa, taita Jacoboman cushca allpacunapi pucushcata carasha. Chaitaca Mandac Diosmi nini» ninmi.

DANIEL 10:21

Ashtahuanpish ñucaca cashcata nic libropi imata nicushcatami huillagrini. Ñuca paicunahuan macanacucucpica pi mana ayudac shamunchu. Ashtahuanpish cancunata mandac Miguel-llami ayudac shamun” nirca.

AMÓS 3:7

Mandac Diosca, pai ima nishcata huillac, paita serviccunaman manarac huillashpaca mana llaquichingachu.

ZACARÍAS 4:6

Shina nicpimi paica: «Tucuita Mandac Diosca Zorobabeltaca: “Caitaca mana soldadocunahuan, mana sinchi cashcahuanchu mishangui. Ashtahuanpish ñuca Espirituhuanmi mishangui.

MALAQUÍAS 3:16

Chaimantami Mandac Diosta manchaccunaca cada quiquin ricsishcacunaman parlarca. Chai parlashcataca Mandac Diosca tucuita uyashpami, paipac yuyarina libropi quillcarca. Mandac Diosta manchashpa causaccunapac, paipac shutita alli nishpa causaccunapac allipacmi chashna quillcarca.

SAN MATEO 5:18

Cai pacha, jahua pacha tucuringacaman, mandashcacunamantaca shuc rimaillapish, shuc puntollapish mana chingaringachu, tucui pactacungallami. Chaica chashnatacmi canga.

SAN LUCAS 21:33

Cai pachapish, jahua pachapish tucuringami. Ashtahuanpish ñuca huillashcacunaca pactacungallami.

SAN JUAN 10:35

Dios quillcachishcataca mana llullanchu. Chaitaca yachanguichicmi. Diosca pai rimashcata uyaccunataca “cancunami dioscuna canguichic” nircami.

SAN JUAN 5:39

Huiñai causaita japisha nishpami, Dios quillcachishcataca allita ricushpa yachacunguichic. Chai quillcashcacunami ñucamanta huillan.

DEUTERONOMIO 31:21

Paicuna manchaihuan, llaquihuan cacpica, cai cantomi paicunata yuyachinga. Paicunapac ñaupa taitacunaman cushami nishca llactaman manarac yaicucpimi, paicunapac yuyaicuna ima shina cashcata ñucaca yachasha. Chaimanta paicunapac huahuacunami chaita cantashpa yuyaringa» nirca.

JOSUÉ 1:8

Mandashcacunata quillcashca libropi tucui nishcacunata pactachingapacca tutapish, punzhapish yuyaricunguilla. Amatac saquinguichu. Chashna ruhuacpimi, tucui can ruhuashcacunaca alli llucshinga, shinallatac allita causangui.

2 PEDRO 1:19

Chaita urcupi ricushcaca, Diosmanta ñaupa huillaccuna huillashca chashnatac cashcatami ricuchin. Chai huillaica tuta punzhayangacaman amsata achicyachic lámpara shina, shinallatac tutamanta achicyachic lucero llucshic shinami, cancunapac shungutaca achicyachicun. Chai huillaita cancuna alli uyashpaca, allimi ruhuanguichic.