ISAÍAS 34:10 - Dios Rimashcata Quillcashcami

¹⁰ Chashnami punzhapish, tutapish mana chiriyashpa cushnicungalla. Huiñaitami shitashca pamba saquiringa. Chaitaca pi mana puringachu.

ISAÍAS 34:10 ပူးပေါင်းရင်းမြစ်များ

ISAÍAS 1:31

Sinchi runapish tamo shinami tucunga. Pai imata ruhuashcaca uchupa shinami tucunga. Ishcaitatacmi rupachishca canga. Chai ninataca pi mana huañuchi pudingachu» ninmi.

ISAÍAS 13:20

Chaipica pi mana ashtahuan causangachu. Chaipica quipa huiñaicunapish mana causangachu. Arabeocunapish mana carpa huasicunata shayachingachu. Michiccunapish corralta mana ashtahuan ruhuangachu.

ISAÍAS 24:1

Riquichic, Mandac Diosca cai pachataca chushacllatami saquinga. Cai pachapi causaccunataca caita chaita cachashpami, cai allpataca chushacllata ruhuanga.

ISAÍAS 34:17

Paillatacmi suerteta ruhuashpa, maipi churana cacpipish, cordelhuan medishpa allpata curca. Chaipica huahua huahuacamanmi huiñaita causanga.

ISAÍAS 66:24

Ñuca ñaupamanta llucshishpa cachashca, ñucata mana cazushpa cariyaccuna huañushpa, siricuctami ricunga. Paicunata micuc curucunaca manatac huañungachu. Paicunata rupachic ninaca manatac huañungachu. Paicunaca tucui gentecunapac ñaupapimi millanayachishca canga» ninmi.

JEREMÍAS 49:18

Chai llactaca Sodoma, Gomorra llactacunata, chai muyundi pueblocunata tucuchishca shinami saquiringa. Shucllapish mana saquiringachu, pipish mana causangachu.

JEREMÍAS 7:20

Ñucaca yallita piñarishpami, cai llactata llaquichigrini. Runacunatapish, animalcunatapish, pambapi shayacuc yuracunatapish, allpapi pucushca granocunatapish mana huañuc ninahuami llaquichigrini» ninmi.

EZEQUIEL 29:11

Chai llactataca gentecunapish, animalcunapish mana pasangachu. Chuscu chunga huatacamanmi shitashca siricunga.

NAHÚM 2:10

¡Tucuita tucuchishca, shitashca pamba shinami saquirishca! Shungupipish huañunalla shinami tucushca. Changacunapish chucchunmi, lomotapish nanachinmi, ñahuipish quilluyashcami.

APOCALIPSIS 18:18

Chai jatun pueblo rupacushcamanta cushni llucshicucta ricushpaca: «¿Cai jatun pueblo shinaca maijan pueblotac tiyangayari?» nishpami caparircacuna.

APOCALIPSIS 19:3

Chai quipaca cutinllatacmi: «¡Mandac Dioslla, canca alli nishcami cangui! Chai pueblomanta cushni llucshinaca jaicapi mana tucurishpa llucshicungallami» nircacuna.