ISAÍAS 34:1 - Dios Rimashcata Quillcashcami

¹ ¡Tucui llactacunapi causaccuna ñucata uyangapac tandanacuichicyari! ¡Tucui gentecuna alli uyaichicyari! Cai allpapish, chaipi ima tiyaccunapish, cai pachapish, chaipi ima tiyaccunapish uyaichicyari.

ISAÍAS 34:1 ပူးပေါင်းရင်းမြစ်များ

GÉNESIS 6:13

Chaita ricushpami, Diosca Noetaca: «Paicunamantami cai pachapica millaica yallita jundarishca. Chaimantami tucui cai pachapi causaita chariccunata tucuchinata yuyarircani.

SALMOS 24:1

Cai pachapish, chaipi ima tiyaccunapish tucui cai pachapi causaccunapish Mandac Diospacmi.

SALMOS 50:1

Cancunata Mandac Dios, tucui dioscunapac Diosmi rimarca. Paimi cai pachapi causaccunataca inti llucshina ladomanta inti tigrana ladocaman tandanacuchun cayashca.

SALMOS 96:10

Tucui llactapi causaccunaman huillashpaca: «¡Mandac Diosca mandacunmi!» nichicyari. Paimi cai pachataca pi mana cuyuchipacta sinchita ruhuarca. Paimi tucui gentecunataca cashcata ruhuashpa taripanga.

ISAÍAS 1:2

Jahua pachapish, cai pachapish uyaichic. Mandac Dios ñucaca: «Cai huahuacunataca ñucami huiñachishpa jatunyachircani. Ashtahuanpish paicunaca ñucata piñashpami, mana cazurca.

ISAÍAS 18:3

Tucui cai pachapi causaccuna urcucunapi banderata shayachishcata ricuichic. Cornetapi tocashcata uyaichic.

ISAÍAS 33:13

Caru llactapi causaccunalla, ñuca ruhuashcata ricuichicyari. Cuchulla llactapi causaccunalla, ñuca poderta ricsichicyari» ninmi.

ISAÍAS 41:1

Mama cucha patapi causaccuna uyaichic. Tucui mashna sinchiyashpa, ñucapacman shamuichic. Ñucapacman cuchuyashpa rimaichic. Taripangapac caiman tandanacuichic.

ISAÍAS 43:9

Tucui llactapi causaccunapish, tucui cai pachapi causaccunapish tandanacuichic. Cancunapurapica, ¿caicunata huillacpish, sarun huatacuna ima tucushcata huillacpish tiyanchu? Tiyashpaca shuccuna uyashpa: «Chaica chashnatacmi» nichun huillaccunata apamuichic.

ISAÍAS 48:16

Ñuca ñaupaman cuchuyashpa caita uyaichic. Ñucaca callarimanta pachami maipipish mana pacashpa huillarcani. Tucuita ruhuai callarishcamanta pachami ñucaca chaipi carcani» ninmi. Cunanca, Mandac Diosmi paipac Espirituhuan cacharca.

ISAÍAS 49:1

¡Mama cucha patapi causaccunalla, caru llactapi causaccunalla, alli uyaichic! Mandac Diosca mamapac huicsapi cacllapitacmi ñucataca cayarca. Ñucata manarac huacharicpimi, ñuca shutitaca cayarca.

ISAÍAS 63:1

¿Pitac chai Edom llactamanta, Bosra llactamanta puca churanata churarishca shamucun? ¿Pitac jagan nicuc churanata churarishca jatun poderhuan shamucun? Quishpichingapac jatun poderyuc, cashcata rimac Diosmi cani.

JEREMÍAS 22:29

¡Cai pacha llactacuna, Mandac Dios rimashcata uyaichicyari!» ninmi.

JEREMÍAS 49:7

Mandac Dios Edom llactata llaquichinamanta rimashpaca: «Temán llactapica, ¿ñachu yachaccuna tucurirca? Yachaccuna cunashcacunapish, ¿ñachu tucurirca? Paicunapac yachaica, ¿ñachu huacllirirca?

EZEQUIEL 38:17

Mandac Diosca: Ñaupa huatacunamanta canmanta ñucata serviccunata Israel huillaccunata huillachircani. Chai huillaccunami israelcunata ñuca llaquichinamanta huillarca. Chaitaca pactachishatacmi.

ABDÍAS 1:1

Mandac Diosmi Abdiasman muscuipi shina ricurishpa, Edom llactapi causaccuna ima tucunamanta huillashpaca: «Mandac Dios ñuca shuc huillac tucui llactacunaman cachashpaca: “¡Edom llactapi causaccunahuan macanacungapac jatarichic, tucui jatarishunchic!” ningui nircani.

1 CORINTIOS 10:26

Chaica, cai pachapish, tucui cai pachapi tiyashcapish Mandac Diospacmi.

DEUTERONOMIO 32:1

«Jahua pachalla, rimashcata uyaiyari. Cai pachapish ñuca rimashcata uyaiyari.

DEUTERONOMIO 4:26

Chaimantami cunanca tucurinata ricuchichunmi jahua pachatapish, cai pachatapish churani. Jordán yacuta pasashpa, chai llactapi causacushpa, utca tucurina cashcata ricuchichunmi churani. Mana unaitachu chai llactapica causanguichic.

APOCALIPSIS 2:7

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca Diospac llactapi cac causaita cuc yuramantami carasha” ninmi.

JUECES 5:3

Jatun mandaccunapish, quipa mandaccunapish uyaichicyari. Mandac Diostami cantagrini. Israelcunata Mandac Diostami salmocunahuan cantagrini.

JUECES 5:31

Mandac Dioslla, tucui canta piñaccuna chashna chingarishpa tucurichun. Shinallatac cuyaccunaca inti llucshishpa tucuita achicyachic shina cachun” nishpami cantarca. Chaimanta quipamanca chuscu chunga huatatami israelcunaca cushilla causarca.