ISAÍAS 33:20 - Dios Rimashcata Quillcashcami

²⁰ Jatun fiestacunata ruhuac ñucanchic Sión llactata ricuichic. Jerusalenpica mana manchashpa causacuctapish, mana pascaipac carpa huasicunatapish ricunguimi. Carpacunata charicuc ishtacacunatapish pi mana llucchingachu. Carpacuna huatashca huascacunataca shucllatapish mana pitingachu.

ISAÍAS 33:20 ပူးပေါင်းရင်းမြစ်များ

SALMOS 128:5

¡Mandac Diosca cantaca Sionmantami bendicianga! Cambac tucui causaipimi Jerusalentaca alli cashcata ricungui.

SALMOS 46:5

Diosmi chai pueblo chaupipi tiyacun. Chai pueblotaca pi mana cuyuchingachu. Tutamanta achicyanataca Diosmi ayudanga.

SALMOS 46:6

Dios rimashca uyaricpica, allpapish yacuyanmi. Llactacunapi causaccunapish caparicunmi. Jatun mandaccunapish machashpa chucchunmi.

ISAÍAS 32:18

Ñuca acllashcacunaca cushilla llactapimi causanga. Ima llaquipish illac huasipimi cushilla samaringa.

ISAÍAS 33:6

Paica allitami mandanga. Cushi causaimi tiyanga. Shinallatac alli yuyaipish, quishpirinapish yallimi tiyanga. Mandac Diosta manchanami yalli valishcacunatapish yalli valin.

ISAÍAS 37:33

Mandac Dios Asiria llactata jatun mandacta rimashpaca: “Mana cai llactaman yaicungachu. Cai llactapica shuc flechallatapish mana shitangachu. Mana cai llacta ñaupapi Escudota shayachingachu. Baluartetapish mana ruhuangachu.

ISAÍAS 4:5

Chai quipami Mandac Diosca punzhaca yana puyuta, tutaca rupacuc achicyachic ninata Sión urcupi tiyac tucui huasicunapac jahuapi churanga. Diosca paicunataca sumaimana achic nicuc-huan shinami tapanga.

ISAÍAS 54:2

Carpa huasita ashtahuan jatunyachiyari. Ucu muyundi telatapish ashtahuan anchoyachiyari. Mana manchashpa, huascacunatapish ashtahuan largota churashpa, ishtacacunatapish ashtahuan sinchita churaiyari.

ISAÍAS 66:14

Cancunaca chaita ricushpami, tucui shunguhuan cushicunguichic. Cancunapac tullucunapish quihua sisac shinami mushucyanga. Mandac Diosca paipac poderta paita serviccunaman ricsichingami. Ashtahuanpish paita piñaccunataca piñangami.

EZEQUIEL 48:35

Chai llacta muyundica iscun huaranga metromi canga. Chai punzhamanta pachami chai puebloca, ‘Mandac Diosmi cai llactapica’ nishpa shutichishca canga» nirca.

EZEQUIEL 48:8

Judá aillupac allpa lindero ladopica, Diospac huasita ruhuangapac inti llucshina ladomantaca inti tigrana ladocaman chicanyachinguichic. Chai allpaca anchomanca chunga ishcai huaranga pichca patsac metro, largomanca caishuc allpacuna shinallatacmi canga. Chai chaupipimi Mandac Diospac huasica canga.

SAN MATEO 16:18

Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

DEUTERONOMIO 12:5

Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.

DEUTERONOMIO 16:16

Cancunapac llactapi causac tucui caricunami huatapi quimsa cutin Mandac Dios acllashca pushtuman, paipac ñaupaman rina can. Chai fiestacunaca: levadura illac tandata micuna fiesta, pentecostés fiesta, chucllacunata ruhuana fiestami can. Chai fiestacunamanca pipish mana chushacllachu shamuna can.

APOCALIPSIS 3:12

Maijanpish millaita mishacmanca, ñuca Diosta mañana huasi ucupi cac pilar shina canatami cusha. Chaimantaca jaicapi mana llucshingachu, shinallatac paipica ñuca Diospac shutitapish, ñuca Diospac pueblopac shutitapish quillcashami. Chaica jahua pacha Diospacmanta shamuc mushuc Jerusalenmi canga. Shinallatac paipica ñucapac mushuc shutitapish quillcashami.