ISAÍAS 33:17 - Dios Rimashcata Quillcashcami

¹⁷ Cambac ñahuihuanmi Jatun Mandactaca sumaimana tiyacucta ricungui. Llactatapish mai carucaman cashcatami ricungui.

ISAÍAS 33:17 ပူးပေါင်းရင်းမြစ်များ

2 CRÓNICAS 32:23

Achca gentecunami Mandac Diosman cungapac ofrendata Jerusalenman apamuccuna carca. Shinallatac Judá llactata jatun mandac Ezequiasmanpish sumac convidanacunatami apamurcacuna. Chai quipaca Ezequiasca tucui shuctac llactacunapi causaccunapac ñaupapimi yallita jatunyachishca carca.

JOB 19:27

¡Paitaca ñucallatami ricusha! Ñuca shungu ucupi llaquihuan huañucushpapish, ñuca ñahuihuantacmi ricusha. Pi shucca mana ricungachu.

SALMOS 31:8

Piñacpac maquipica mana churarcanguichu. Ashtahuanpish ñuca chaquicunataca pi mana llaquichina pushtupimi churarcangui.

SALMOS 45:2

Tucui caricunamanta yalli sumacmi cangui. Cambac shimimantaca uyanalla shimicunami llucshin. Diosmi huiñaita chashna cachun bendiciarca.

CANTARES 5:10

Ñuca cuyashcaca yuranllami. Ñahuipish pucallami. Chunga huaranga runacunapac chaupipi cashpapish ricsillami.

ISAÍAS 24:23

Quillapish pingangami, intipish musparingami. Chaica tucuita Mandac Diosmi Sión urcupi tiyac Jerusalenpi mandacunga. Pai acllashca pushac yuyaccunapac ñaupapimi sumaimana achic nicuc tiyacunga.

ISAÍAS 26:15

Mandac Dioslla, can acllashcacunataca ashtahuanmi mirachircangui. Chashna mirachishpami, canca yallita alli nishca cangui. Cai pacha tucuricamanmi jundachircangui.

ISAÍAS 33:21

Chaipimi Mandac Diosca ñucanchicta sinchiyachinga. Chaipica tendirishpa, callpacuc yacu shinami canga. Chaitaca uchilla barcocunapish, jatun barcocunapish mana puringachu.

ISAÍAS 33:22

Mandac Diosmi ñucanchic juez. Mandac Diosllatacmi mandashcacunata cucca. Mandac Diosllatacmi ñucanchic Jatun Mandacca. Paillatacmi ñucanchicta quishpichin.

ISAÍAS 37:1

Chashna nicpimi, jatun mandac Ezequiasca paipac churanata lliquirishpa, sharpa churanata churarishpa, Mandac Diospac huasiman shamurca.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

SAN MATEO 17:2

Chaipimi Jesusca paicunapac ñaupapi shuctaclaya tucushpa, ñahuica inti shina jagan nicuc, churanaca luz shina yurac achicyachicuc ricurirca.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

SAN JUAN 14:21

Maijanpish ñuca mandashcacunata chasquishpa cazucmi ñucata cuyan. Ñucata cuyactaca Taitapish cuyanmi. Ñucapish cuyashpami Taitaman ricsichisha— nirca.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

2 CORINTIOS 4:18

Ñucanchicca cai pachapi ima ricunalla tiyashcacunapica mana yuyaita churanchicchu, ashtahuanpish mana ricushcacunapimi yuyaita churanchic. Chai imapish ricushcacunaca chingarinllami, ashtahuanpish chai mana ricushcacunaca huiñaipacmi can.

1 JUAN 3:2

Cuyashca huauquicuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.