ISAÍAS 31:4 - Dios Rimashcata Quillcashcami

⁴ Mandac Diosca: «Shuc león ovejata japishpa micushpaca, tucui michiccuna tandanacushpa manchachingapac shamucpipish, mana manchanchu. Chashnami tucuita Mandac Dios ñucapish, ñucapac Sión urcupi macanacungapac urai shamusha.

ISAÍAS 31:4 ပူးပေါင်းရင်းမြစ်များ

2 CRÓNICAS 20:15

Chai quipami paica: «Judá llactapi causaccuna, Jerusalenpi causaccuna, can jatun mandac Josafatpish uyaichic. Mandac Diosca cancunataca: “Chai achca gentecunata ricushpapish ama manchaichicchu, ama chucchuichicchu. Chai macanacuica mana cancunapacchu, ashtahuanpish Diospacmi.

ÉXODO 14:14

Cancunaca chaillapi caichic. Mandac Diosmi cancunamanta macanacunga— nirca.

ÉXODO 14:25

Paicunapac carretacunamanta ruedacuna llucchishpa caticpimi, mana ri pudirca. Chaimantami Egipto runacunaca: —¡Israelpac ñaupamanta callpashunchic, Mandac Diosmari paicunamanta ñucanchic-huan piñarishpa, macanacui callarin!— nirca.

ISAÍAS 10:16

Chaimantami tucuita Mandac Diosca sinchi soldadocunaman ungüita cachanga. Paicuna sumaimana cacpipish paicunapac chaupipi ninata japichicpimi, ninaca ucllaric shina tucuchinga.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 30:30

Mandac Diosca sinchita rimashcatami uyachinga. Jatun poderyuc paipac rigratapish urai ricuchingami. Manchana paipac piñarishca ñahuihuanpish, tucuchic ninahuanpish, sinchi huaira tamyahuanpish, jatun rumi shina, runduhuanpish tucuchingami.

ISAÍAS 30:32

Mandac Dios macashpa, llaquichicucpica, tamborcunapi, arpacunapi tocashcami uyaringa. Jatun macanacuipica Mandac Diosmi macanacunga.

ISAÍAS 42:13

Mandac Diosca sinchita macanacuc jatun soldado shinami, tucuchina yuyaihuan shayaringa. Paita piñaccunahuanca caparishpa, sinchita rimashpami manchachishpa mishanga.

JEREMÍAS 50:44

León animalta japingapac Jordán yacu pata sachamanta llucshic shinami, paicunata llaquichishpa callpachisha. Ñuca acllashca runamanmi mingasha. ¿Pitac ñuca shinaca cangayari? ¿Pitac ñucahuan chimbapurai pudingayari? Ñuca llaquichicucpica, ¿pi michictac misai pudingayari?

OSEAS 11:10

Paicunaca Mandac Dios ñucata catishpami puringa. Ñuca león huacac shina, rimashcata uyashpami, paicunapac huahuacunaca inti tigrana ladomanta chucchushpa shamunga.

AMÓS 3:8

León huacacpica, ¿pitac mana mancharinga? Mandac Dios rimacpica, ¿pitac mana huillanga?

ZACARÍAS 12:8

Chai punzhapica Mandac Dios ñucami Jerusalenpi causaccunataca cuidasha. Chaimantami paicunapuramanta maijan fuerza illacca jatun mandac David shina sinchi canga. Cutin Davidpac huahuapuramantaca Dios shina, Mandac Dios ñucapac ángel shinami, paicunapac ñaupapica canga.

ZACARÍAS 14:3

Chai quipami Mandac Diosca jatun macanacuipi macanacuc shina, chai llaquichic llactacunahuan macanacungapac llucshinga.

ZACARÍAS 2:5

Ñucaca Jerusalén muyundi nina rupacuc pirca shinami casha. Ñucapac sumaimana achic nicuctami Jerusalén chaupipi ricuchisha. Chaitaca Mandac Dios ñucami nini” ninmi ningui» nirca.

ZACARÍAS 9:15

Tucuita Mandac Diosmi paicunataca ayudanga. Chaimantami paicunaca, paicunata piñaccunataca tucui tucuchishpa, huaraca rumicunatapish sarunacunga. Vinota ubiac shinami yahuarta ubianga. Tazonpi jundachishca shina, gachucuna altarpi yahuarta jundachishca shinami ruhuanga.

ZACARÍAS 9:8

Ñucaca pipish ama llucshichun, ama yaicuchunmi carpa huasita muyundita cuidashpa shayacusha. Cunan ñuca ñahuihuan ricushpa, cuidacucpica, llaquichiccunaca mana ashtahuan yaicui pudingachu.

APOCALIPSIS 10:3

Shina shayacushpaca, león shinami sinchita caparirca. Shina caparicpica, canchis tulun nishca caparishcami uyarirca.

APOCALIPSIS 5:5

Chashna cacpimi yuyaccunapuramanta shucca: «Ama huacaichu. Judá aillumanta león shina Mandacmi, pillushca pangata pascangapac, shinallatac canchis sellotapish anchuchingapac tucui mana allita mishashca. Paica ñaupa mandac Davidpac huahua huahuacunapurami can» nirca.