ISAÍAS 30:7 - Dios Rimashcata Quillcashcami

⁷ Egiptopi causaccuna ayudashcaca imapac mana valingachu. Chaimantami paicunataca: “Mana cuyuric Rahab” nishpa shutichircani.

ISAÍAS 30:7 ပူးပေါင်းရင်းမြစ်များ

JOB 9:13

Diosca yallita piñarishcataca mana cungaringachu. Jatun tucushcacunata ayudaccunapish, paipac chaqui ucupimi cumurincuna.

SALMOS 87:4

Ñucata ricsic llactacunaca: «Rahab shinallatac Babilonia llactamantami rimasha. Filistea, Tiro shinallatac Etiopía llactacunapi causaccunapish, chaillapitacmi huacharishca» nishami.

SALMOS 89:10

Canmi Rahab manchana animaltaca macanacuipi chugrichic shina llaquichircangui. Canta piñaccunatapish cambac tucuita ruhuac maquihuanmi shic-huarcangui.

ÉXODO 14:13

Shina nicpimi, Moisesca israelcunataca: —¡Ama manchaichicchu! Sinchiyashpa, Mandac Dios ima shina quishpichicta ricuichic. Cunanllami Egipto runacunata ricucunguichic. Cutinca manatac ricunguichicchu.

PROVERBIOS 25:19

Llaqui punzhacunapi cashpa, mana cazuc runa ayudachun shuyanaca quiru paquirishca shina, chaqui quihuishca shinami.

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

ISAÍAS 2:22

¡Ama runacunapi shunguta churashpa causaichicchu! Paipac causaica huaira shinallami. ¿Runa ima cacpitac, shunguta churanguichic?

ISAÍAS 20:6

Chai punzhacunapimi mama cucha patapi causaccunaca: “¡Riquichic, ñucanchicca paicunapimi shunguta churarcanchic! ¡Asiria llactata jatun mandacpacmanmi ñucanchicta quishpichichun ric carcanchic! ¿Cunanca ima shinatac ñucanchicca quishpirishun?” ninacunga» nirca.

ISAÍAS 28:12

Paicunatami Diosca: «Caimi samarinaca. Shaicushca runata samachichic. Caica samarina pushtumi» nirca. Ashtahuanpish paicunaca mana uyashun nircachu.

ISAÍAS 30:15

Israelcunata Mandac, jucha illac Diosca: «Juchacunata saquishpa, cushilla causashpami quishpiringuichic. Ñucapi shunguta churashpa shuyacushpaca sinchiyanguichicmi» nirca. Shina nicpipish, chaita mana munarcanguichicchu.

ISAÍAS 30:5

Chai gentecuna mana ayudai pudicpimi, pingai tucunga. Chai gentecunaca mana ayudai pudingachu. Ima allita mana ruhuai pudingachu. Ashtahuanpish burlashpa, pingaichishcami canga» ninmi.

ISAÍAS 36:9

Egiptomanta carretacunapi, caballopi ric soldadocunapi shunguta churashpaca ñuca amopac soldadocunapuramanta yangalla soldadocunahuanpish, ¿ima shinatac sinchiyashpa macanacui pudinguiyari?

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

ISAÍAS 7:4

Acaztaca: “Siria llactamanta Rezinhuan, Remalias-huanmi piña shamucun. Shina cacpipish, canca alli yuyaihuan, mana manchashpa shuyailla. Paicunaca nina chiriyashca, ishcai cushnicuc caspi shinami.

JEREMÍAS 37:7

«Israelcunata Mandac Dios ñucaca cancunata ñucaman tapuchun cachac Judá llactata jatun mandactaca: “Cancunata ayudangapac shamuc Faraonpac soldadocunaca Egiptollamantac cuti rigrinmi.

LAMENTACIONES 3:26

Mandac Dios quishpichinata upalla shuyanaca allimi.

OSEAS 5:13

Efraín ailluca ungüihuanmi llaquichishca canga. Judá llactapi causaccunataca sisu ungüimi tucuchinga. Chaimantami Efraín ailluca Asiria llactata jatun mandac Jarebman huillachun cachanga. Shina ricpipish, sisu ungüitaca mana jambingachu.