ISAÍAS 30:6 - Dios Rimashcata Quillcashcami

⁶ Neguevpi tiyac sacha animalcunata Dios llaquichinamanta huillashpaca: «Llaquihuan huacana pambata, leoncuna, millai culebracuna, alasyuc manchana culebracuna causana pambatami paicunapac charishcacunata, sumac valishcacunata burrocunapi, camellocunapi cargashpa, manapish ayudai pudic runacunaman cungapac apancuna.

ISAÍAS 30:6 ပူးပေါင်းရင်းမြစ်များ

GÉNESIS 12:9

Chaimantaca Abramca ashancaman rishpami, Neguev llactaman chayarca.

1 REYES 10:2

Chai huarmica paita cuidac achca gentecunata pushamushpami, Jerusalenman shamurca. Paica mishquilla ashnacuc jambicunata, achca curita, alaja rumicunata camellocunapi apachishpami shamurca. Salomonpacman chayamushpaca, paipac shungupi tucui ima yuyashcatami parlarca.

2 CRÓNICAS 16:2

Chaimantami Judá llactata jatun mandac Asaca Mandac Diospac huasimanta, mandashpa tiyana huasipi imapish yalli valishcacunata huacaichinamanta cullquita, curita llucchishpa Siria llactata jatun mandac Damascopi causac Ben-adadman cuchun cacharca.

2 CRÓNICAS 9:1

Sabá llactata jatun mandac huarmica Salomontaca Mandac Diospac shutimanta tucui alli nishpa parlanacucta uyashpami, achca gentecunata pushashpa, Jerusalenman shamurca. Chai huarmica mishquilla ashnacucta, achca curita, alaja rumicunata camellocunapi apachishpami, mana cutichi pudipac tapuicunata Salomonman tapushpa yachangapac shamurca. Paipacman shamushpaca paipac shungupi tucui ima yuyashcatami parlarca.

JOB 39:11

¿Chai huagra fuerzasapa cashcamantaca yapungallami yuyanguichu? ¿Tucui trabajota chai huagrahuan tucuchi pudinguichu?

ÉXODO 1:14

Chashnami ladrillota ruhuangapac turuta ruhuachishpa, shuctac trabajocunata ruhuachishpa, yallita llaquichirca.

ISAÍAS 14:29

«Tucui Filistea llactapi causaccuna llaquichic varata paquishcamantaca ama cushicuichicchu. Culebrapac huahua huahuacunamantaca shuc millai culebrami llucshinga. Chai culebramantaca volac culebrami llucshinga.

ISAÍAS 15:7

Chaimantami ima charishcacunatapish, ima huacaichishcacunatapish sauce yuracuna tiyac chimba ladoman apanga.

ISAÍAS 19:4

Egiptopi causaccunataca yallita llaquichic millai amopac maquipimi churasha. Shina ruhuacpimi, jatun mandacca paicunataca sinchita mandanga» ninmi. Chaitaca tucuita Mandac Diosmi nin.

ISAÍAS 35:9

Chaipica leoncunapish mana tiyangachu. Chaitaca shuctac millai animalcunapish, mana huichai shamungachu. Chaipica ima animalcunapish mana tupangachu. Chaitaca quishpirishcacunallami puringa.

ISAÍAS 5:30

Chai punzhapica mama cucha huacashpa jataric shinami, yallita caparinga. Shina caparinacucpi, chai llactata ricpica, manchana puyu tapashca jatun llaquimi ricuringa. Jahua pacha achicpish ricuringami.

ISAÍAS 57:9

Jatun mandacpacmanmi jambicunahuan, mishquilla ashnacuc-huan cahuirishpa rircangui. Huillaccunata caru llactaman cachashpami, Seolcaman cachac shina pingaichircangui.

ISAÍAS 8:22

Shinallatac cai pachata urai ricushpapish mancharina purata, mancharina llaquillatami ricunga. Paicunaca maita mana llucshipac jutcupi shitashcami canga» nirca.

JEREMÍAS 11:4

Cai rimashcataca cancunapac ñaupa taitacunata Egiptomanta llucchimui punzhami mandarcani. Paicuna fierrota yacuyachina hornopi shina causacucpi, chaimanta llucchimushpami: Ñuca rimashcata uyashpa, ñuca mandashca shina causaichic. Shina causashpaca, ñuca acllashcacunami canguichic. Ñucapish cancunapac Diosmi casha.

JEREMÍAS 2:6

Paicunaca: “¿Maipitac Egiptomanta ñucanchicta llucchimuc Mandac Diosca? Paica shitashca pambapipish, huañui japina amsapipish, chaquishca pambacunata, pipish mana purishca, pipish mana causashca llactatami ñucanchictaca pushamurca” nishpaca mana nircacunachu.

EZEQUIEL 20:46

«Huañunalla runa, ura ladota ricushpa, Neguev pambapi tiyac sachata llaquichinata huillai.

OSEAS 12:1

Efraín ailluca huairata micuc shinami causacun. Punzhantami rupac huairata caticun. Asiriocunahuanmi ari nishca. Egiptomanmi aceiteta apancuna. Llullanapish, macanacuipish yallitami mirarin.

OSEAS 12:2

Mandac Diosca Judá llactapi causaccunahuanmi piñarishca. Jacobopac huahuacunataca paicuna mana alli ruhuashca shinallatacmi llaquichinga.

MIQUEAS 6:14

Micushpapish mana sacsanguichu. Yarcaica mana anchuringachu. Imata tandachishpapish mana huacaichi pudinguichu. Imata huacaichishcataca canta piñaccunamanmi cusha.

ZACARÍAS 6:6

Yana caballocuna aisashca carretaca jahua llactamanmi ricun. Yurac caballocunaca aisashca carretaca inti tigrana ladomanmi ricun. Muru caballocunaca aisashca carretaca ura lado llactamanmi ricun— nirca.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

NÚMEROS 21:8

Chaimantami Mandac Diosca Moisestaca: «Huañuchic culebralayata ruhuashpa, banderata huarcuna caspipi churai. Maijanpish culebra canishca cashpa, chai culebrata ricushpaca, mana huañungachu» nirca.

SAN MATEO 12:42

Sabá llactata jatun mandac huarmipish alli yachac Salomón ima nishcata uyangapacmi, caru llactamanta shamurca. Cunan ñucaca Salomontapish yallimi caipica cani. Chaimantami Dios taripana punzhapica, chai huarmipish cunan punzhapi causaccuna mana allita ruhuashcamantaca juchanchingapac jataringa.

DEUTERONOMIO 17:16

Chai jatun mandacca mana achca caballota charina yuyaita charinachu can. Caballocunata charingaraicu israelcunata Egipto llactaman mana cachanachu can. Mandac Diosca: “Chai llucshishca ñantaca jaicapi mana cutinachu canguichic” nircami.

DEUTERONOMIO 4:20

Mandac Diosca cancunataca Egipto llactapi fierrota nuyuchina hornopi shina causacucpimi llucchimurca. Cunan punzha shina, paipaclla acllashca cachunmi llucchimurca.

DEUTERONOMIO 8:15

Paimi huañuchic culebracuna, alacrancuna tiyac, maipipish mana yacu tiyac, shitashca pambata pushamurca. Yacunayachicpipish, paimi sinchi rumimanta yacuta llucchirca.