ISAÍAS 30:4 - Dios Rimashcata Quillcashcami

⁴ Mandaccunaca Zoán llactapimi canga. Jatun mandacpac huillaccunaca Hanes llactamanmi chayanga.

ISAÍAS 30:4 ပူးပေါင်းရင်းမြစ်များ

2 REYES 17:4

Ashtahuanpish Asiria llactata jatun mandacca Oseas pacalla parlanacuctami yacharca. Oseasca Egipto llactata jatun mandac Somanmi huillaccunata cacharca. Shinallatac Asiria llactata jatun mandacman huatanta impuestota cunatapish mana ashtahuan curcachu. Chaimantami jatun mandacca paita prezushpa carcelpi churarca.

SALMOS 78:12

Diosca Egiptopi tiyac Zoán pambacunapimi sumaimanacunata ñaupa taitacunaman ruhuashpa ricuchirca.

ISAÍAS 19:11

Zoán llactata mandaccunaca imata mana entendiccunami. Faraonpac alli yachac runacunapish yangallatami cunashca. ¿Ima shinatac Faraonmanca: “Ñucanchicca alli yachaccunapac churicuna, ñaupa jatun mandaccunapac huahua huahuacunami canchic” ninguichic?

ISAÍAS 57:9

Jatun mandacpacmanmi jambicunahuan, mishquilla ashnacuc-huan cahuirishpa rircangui. Huillaccunata caru llactaman cachashpami, Seolcaman cachac shina pingaichircangui.

JEREMÍAS 43:7

Mandac Dios mandashcata mana cazushpami, Egiptoman rishpa, Tafnes llactaman chayarca.

JEREMÍAS 49:14

Shuc huillacta cachashcatami yachac chayarcani. Mandac Dios chai huillacta llactacunapi huillachun cachashpaca: «¡Tucui mashna tandanacuichic! ¡Edom llactapi causaccunahuan macanacungapac tandanacuichic!

EZEQUIEL 30:14

Patros llactatapish llaquinayaitami tucuchisha. Zoán llactapica ninatami japichisha. Tebas llactataca cashcata ruhuashpami taripashpa llaquichisha.

EZEQUIEL 30:18

Jatun tucushca Egipto llactata llaquichicui punzhami Tafnes llactapica punzha tutayanga. Chaipimi jatun tucushca mandacca tucuringa. Chai llactataca manchana puyumi tapanga. Muyundi uchilla llactapi causaccunataca prezumi apanga.

OSEAS 7:16

Paicuna cutirishpapish mana jahua pachapi causac Diospacman cutirircachu. Ashtahuanpish espadata mana alli shitac shinami llullarca. Jatun tucushpa, mana allita rimashcamantami mandaccunapish espadapi huañurca. Chashna millai cashcamantami, Egipto llactapi causaccunaca burlashpa asingacuna» ninmi.

ABDÍAS 1:1

Mandac Diosmi Abdiasman muscuipi shina ricurishpa, Edom llactapi causaccuna ima tucunamanta huillashpaca: «Mandac Dios ñuca shuc huillac tucui llactacunaman cachashpaca: “¡Edom llactapi causaccunahuan macanacungapac jatarichic, tucui jatarishunchic!” ningui nircani.

NÚMEROS 13:22

Neguevta huichai rishpaca, Anacpac huahua huahua Ahimán, Sesai, Talmai causana Hebronmanmi chayarca. Hebronca Egiptopi cac Zoán llacta manarac tiyacpi, canchis huata ñaupaman ñami tiyashca.