ISAÍAS 30:31 - Dios Rimashcata Quillcashcami

³¹ Mandac Dios rimashcata uyashpa, llaquihuan cashpami, Asiria llacta runacunaca yallita mancharinga.

ISAÍAS 30:31 ပူးပေါင်းရင်းမြစ်များ

SALMOS 125:5

Ashtahuanpish Diosmanta anchurishpa, millaita ruhuaccunataca millaita ruhuaccunallahuantacmi cachanga. ¡Israelcunamanca cushi causai tiyachun!

ISAÍAS 10:12

Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

ISAÍAS 10:15

¿Hachaca yantata chictac runata yallichu canga? ¿Serruchopish cuchuc runataca yallichu canga? ¡Shina cashpaca, tauna caspipish paita apacuc runata apanmanmi! ¡Shinallatac ñañu varapish, racu caspita apanmanmi!

ISAÍAS 10:24

Tucuita Mandac Diosca: «Sión urcupi causac ñuca acllashcacunalla, Asiria llacta jatun mandactaca ama manchaichicchu. Paicunaca Egiptopi causaccuna shinami varallahuan macanga.

ISAÍAS 10:26

Tucuita Mandac Diosca Oreb jatun quingrai ladopi, Madián llactapi huañuchishca shinami, paicunataca huañuchinga. Varata alzashpa, Egipto runacunata yacupi ucuyachishca shinami, paicunatapish tucuchinga.

ISAÍAS 10:5

Mandac Diosca: «¡Asiria llactata jatun mandaclla, ñuca yallita piñarishpa macana varami cangui! Ñuca yallita piñarishpa macana caspica cambac maquipimi.

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

ISAÍAS 14:25

Asiria llacta runacunataca ñuca llactapimi huañuchisha. Ñuca urcucunapimi sarushpa tucuchisha. Shinami ñuca gentecunamanta yugota anchuchisha. Aparishca llashac quipitapish anchuchishami.

ISAÍAS 27:7

Dios paicunataca mana piña runacunata shinachu llaquichirca. Mana huañuchic runacunata shinachu huañuchirca.

ISAÍAS 30:30

Mandac Diosca sinchita rimashcatami uyachinga. Jatun poderyuc paipac rigratapish urai ricuchingami. Manchana paipac piñarishca ñahuihuanpish, tucuchic ninahuanpish, sinchi huaira tamyahuanpish, jatun rumi shina, runduhuanpish tucuchingami.

ISAÍAS 31:8

Chai punzhapica Asiria llacta runacunaca jatun macanacuipimi huañunga. Shina cashpapish mana runacunachu paicunataca huañuchinga. Mana runacunapac espadahuanchu tucuringa. Jatun macanacuimantami miticushpa callpanga. Mosocunaca sinchita servishpami causanga.

ISAÍAS 9:4

Canmi paicunapac llashac yugota paquircangui. Hombrospi cac caspitapish, paicunata llaquichina varatapish paquircanguimi. Madián llactata tucuchic shinami tucuchircangui.