ISAÍAS 30:28 - Dios Rimashcata Quillcashcami

²⁸ Paipac samaica yacu jundamuc shinami cungacaman tapanga. Paica tucui llactapi causaccunatami harneropi shushuc shina, tucuchingapac shamunga. Llactacunapi causaccunata pandachingapacmi frenota jazapi churanga.

ISAÍAS 30:28 ပူးပေါင်းရင်းမြစ်များ

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

2 REYES 19:28

Canca, ñucahuan piñarishpami, ñuca ringriman uyaricta, jatun tucushpa rimarircangui. Cunanca argollata singapi churashpa, frenota shimipi churashpami cantaca maita shamushcallatatac cutichishpa cachasha’ nirca.

JOB 39:17

Chaicunamanca ñucallatacmi yuyaitapish, ima shina entendinatapish mana curcani.

SALMOS 18:15

Mandac Dioslla, can piñarishpa pucucpica, mama cucha ucu allpapish, cai pacha callari rumicunapish ricurircami.

SALMOS 32:9

Ama caballo shina, mana cashpaca mula shina yuyai illac caichu. Chaicunataca anguhuan huatashpa, frenota shimipi churashpami cazuchincuna. Mana chashna ruhuashpaca mana cuchuyai pudinguichu» nircangui.

PROVERBIOS 26:3

Chicoteca caballota macangapacmi. Frenoca burrota cazuchingapacmi. Varaca yuyai illac runata lomopi shitangapacmi.

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

ISAÍAS 17:13

Chai gentecunaca achca yacu huaj nicuc shinami, yallita caparinga. Shina cacpipish, Dios rimashpa jarcacpica, urcupi tiyac ucsha shina, ñuto allpa acapana huairapi shinami, maita miticungapac ringa.

ISAÍAS 17:14

Chishiyanata cungailla manchana llaqui japishpaca cayandi tutamantaca tucuringami. Chashnami ñucanchictaca yallita llaquichishpa shuhuaccunaca tucunga.

ISAÍAS 19:3

Egiptopi causaccunapac yuyaita yanga ruhuashpami, paicuna parlanacushcatapish tucuchisha. Shina ruhuacpimi, paicunapac ruhuashcalla dioscunata, adivinocunata, huañushcacunata tapungapac ringacuna.

ISAÍAS 28:15

Cancunaca: «Ñucanchicca huañuihuanpish, Seolhuanpish ari ninacurcanchicmi. Ñucanchictaca llullami miticuna huasi shina jarcacun. Chaimanta yacu jataric shina, shamushpapish ñucanchictaca mana llaquichingachu. Llullana huasipimi miticushun» nircanguichic.

ISAÍAS 28:2

Riquichic, Mandac Diosca manchana rundu shina, jatun acapana huaira shina, pi mana jarcaipac yacu shina, imatapish tucuchiclla, jatun poderyuc runatami cachan. Paimi cai llactataca pambaman urmachinga.

ISAÍAS 29:6

Tucuita Mandac Diosca tulun nishpa, allpata chucchuchishpa, sinchita tulun nichishpa, yalli rundu tamya huairahuan, tucuchic ninahuan llaquichingapacmi shamunga.

ISAÍAS 30:29

Shina cacpipish, cancunaca Pascua tutapi fiestata ruhuashpa, cantac shinami, cushilla canguichic. Israelcunata sinchiyachic Mandac Diospac urcuman rishpami, flautapi tocac shina, cushilla shungu canguichic.

ISAÍAS 30:33

Asiria llacta jatun mandacta llaquichingapacca utcamanta pachami Tofet jatun hornota huacaichishpa charicun. Chai jatun hornoca achca yantahuanmi rupacyachicun. Mandac Dios chai hornota pucucpica, azufre rupacuc shina culun ningami.

ISAÍAS 37:29

Canca ñucata yallita piñarishpami, jatun tucushpa ñuca ringriman uyaricta rimarcangui. Cambac singapica argollata, shimipica frenota churachishpami, can maita shamushca ñanllatatac cutichishpa cachasha” ninmi.

ISAÍAS 59:19

Mandac Diospac shuti achic nicucta ricushpaca, inti llucshina ladomanta, inti tigrana ladocamanmi manchanga. Paica, paipac huaira tangacpi, jatun yacu shamuc shinami shamunga. Chashnami Mandac Diospac Espirituca shamunga.

ISAÍAS 63:17

Mandac Dioslla, ¿ima nishpatac ñucanchictaca cambac ñanta ama catichun pandachircangui? ¿Ima nishpatac canta ama manchachun ñucanchic shunguta sinchiyachircangui? ¡Canta serviccunata, can cushca allpacunapi causac aillucunata cuyashcamantaca alli tucuiyari!

ISAÍAS 8:8

Yallita mirashpami Judá llactata pasashpa chaipi causaccunataca cungacaman ucuyachinga. ¡Emanuel-lla, alasta pascac shina, shamushpami tucui cambac llactapi jundanga!

OSEAS 13:3

Chaimantami tutamanta puyu llucshishpa chingaric shina, pacarimucta tamya urmashpa chaquic shina, trillana pambamanta tamota huaira apacuc shina, huasi ventanamanta cushni llucshishpa chingaric shina chingaringa.

AMÓS 9:9

Israelcunataca tucui llactacunapi, harneropi shushuc shina ruhuachunmi mandasha. Chashna ruhuacpica, shuc granollapish mana allpaman urmangachu.

SAN MATEO 3:12

Paica huairachinahuanmi trigota tamomanta chicanyachic shina ñalla chicanyachinga. Granotaca huacaichinapimi huacaichinga. Cutin tamotaca jaicapi mana huañuc ninapimi rupachinga» nirca.

SAN LUCAS 22:31

Shinallatac Jesusca: —Simón, Simón, Satanasca trigota shushuc shina ruhuangapacmi, Cancunataca mañashca.

2 TESALONICENSES 2:11

Chaimantami Diosca llullashpa crichichun, shinallatac llullashcata crichunpish poderta cunga.

2 TESALONICENSES 2:8

chai millaita ruhuac runaca ricuringami. Paitami Apunchic Jesusca paipac shimihuan pucushpa huañuchinga, pai shamucushca sumac achicyachishcahuanmi chingachinga.

HEBREOS 4:12

Dios rimashca shimica causacmi. Tucui imatapish ruhuacmi. Ishcai filoyuc espadatapish yallimi. Chaimantami almatapish, espiritutapish, mucucunatapish, tullu ñutcutapish chaupishpa, yaicui pudin. Shinallatac shungu imata munashcatapish, yuyashcatapish yachanmi.

APOCALIPSIS 1:16

Paipac alli maquipica canchis lucerocunatami charicurca. Paipac shimimantaca ishcai filoyuc puntasapa espadami llucshicurca. Shinallatac paipac ñahuica inti tucuita achicyachicuc shinami carca.

APOCALIPSIS 2:16

Shina cashcamanta Diosman llaquirishpa cutiri. Chaita can mana ruhuacpica, utca cambacman shamushpami, ñuca shimimanta llucshicuc espadahuan chaicunahuanca macanacusha.