ISAÍAS 30:20 - Dios Rimashcata Quillcashcami

²⁰ Mandac Dios micunata carac shina llaquichishpapish, yacuta ubiachic shina huacachishpapish allipacmi ruhuashca. Chashna llaquichishpapish cancunata yachachiccunataca jaicapi mana ashtahuan anchuchingachu. Chaipac randica, cancunapac ñahuihuantacmi yachachiccunataca ricunguichic.

ISAÍAS 30:20 ပူးပေါင်းရင်းမြစ်များ

1 REYES 22:27

Paicunataca: “Jatun mandacca: ‘Cai runata carcelpi churashpa asha tandata, asha yacuta cushpa, ñuca allilla cutingacaman llaquichishpa charicuichic’ ninmi” nigrichic— nirca.

2 CRÓNICAS 18:26

Paicunataca: “Jatun mandacca, Micaiastaca carcelpi churashpa, asha tandata asha yacullata cushpa, ñuca allilla cutimungacaman llaquichishpa charicuichic” ninmi nigrichic— nirca.

SALMOS 102:9

Chaimantami tandata shina uchupata micurcani. Ñuca ubianataca huiquihuanmi chapuni.

SALMOS 127:2

Yangallami cancunaca utca trabajoman llucshishpa, tutayanata samaringapac cutinguichic. Micungapacllami shaicucta trabajanguichic. Diosca pai cuyashcacunataca sumactami samachin.

SALMOS 30:5

Paica ashacamanllami piñarin. Ashtahuanpish huiñaitami paica cuyan. Tutaca huacaimi tiyan, tutamantaca cushicuimi shamun.

SALMOS 74:9

Can ñucahuan cashcata ricuchic señaltapish mana ricunchicchu. Can ima nishcata huillaccunapish mana tiyanchu. Maicaman cai llaquicuna tiyanatapish ñucanchicpurapica pi mana yachanchicchu.

SALMOS 80:5

Huiquitami micunata shina carashcangui. Huiquitami yacuta shina yallita ubiachishcangui.

ISAÍAS 28:9

Paicunaca: «Alli yachaica, ¿pitatac yachachin? Chai huillashcacunaca, ¿pitatac entendichin? ¿Chuchumanta cunanlla raquishca huahuacunatachu yachachin? Mana cashpaca, ¿raquishca huahuacunatachu yachachin?

ISAÍAS 33:16

mana manchashpa causanga. Paita jarcac rumica jatun torrecunami canga. Paimanca micunapish, yacupish mana illangachu.

ISAÍAS 51:14

Utcami prezu caccunaca llucchishca canga. Mana huañungacaman prezu causangacunachu. Paicunamanca micunapish mana illangachu.

SAN MATEO 9:38

Chaimanta ashtahuan tandaccunata cachachun, Chagrayucta mañaichic— nirca.

HECHOS 14:22

Chaiman chayashpaca, chaipi causac criccunata tucui shunguhuan Jesusta crichunmi cunarca. Shinallatac: «Tucuilaya llaquicunata apashpami, Dios mandacucmanca yaicuna canchic» nircami.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

DEUTERONOMIO 16:3

Chai aichataca levadura illac tandahuan micunguichic. Egipto llactamanta ima shina llucshishca punzhataca tucui cancunapac causaipi yuyaringuichic. Canchis punzhacunata levadura illac tandata micunguichic. Chai tandaca llaquita yuyarina tandami. Egiptomantaca huacta huactami llucshircanguichic.