ISAÍAS 30:19 - Dios Rimashcata Quillcashcami

¹⁹ Sión urcupi tiyac Jerusalenpi causaccunalla, mana ashtahuan huacanguichicchu. Cancunata llaquic Mandac Diosca cancuna caparishpa huacashcata uyashpami, cancuna mañashcata uyanga.

ISAÍAS 30:19 ပူးပေါင်းရင်းမြစ်များ

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

ISAÍAS 10:24

Tucuita Mandac Diosca: «Sión urcupi causac ñuca acllashcacunalla, Asiria llacta jatun mandactaca ama manchaichicchu. Paicunaca Egiptopi causaccuna shinami varallahuan macanga.

ISAÍAS 25:8

Mandac Diosca huañuitaca huiñaipacmi tucuchinga. Tucuipac ñahuimantami huiquita pichanga. Pai acllashcacunata pingaichiccunatapish tucui cai pachamanta anchuchingami. Chaitaca Mandac Diosmi nin.

ISAÍAS 33:2

Mandac Dioslla, ñucanchicta llaquiyari. Canllatami shuyacunchic. Tutamanta cambac rigrahuan ayudaiyari. Ñucanchic jatun llaquipi cacpipish quishpichiyari.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

ISAÍAS 41:17

Huacchacunapish, imata mana chariccunapish yacuta mashcashpaca mana tarinchu. Shinami yacunayaihuan paicunapac calluca chaquishca. Ñucami paicuna mañashcata uyasha. Israelcunapac Dios ñucaca, manatac saquishachu.

ISAÍAS 46:13

Cashcata ruhuanaca mana carupichu. Mana caruyangachu. Ñuca quishpichinaca mana unayangachu. Sión llactapimi quishpirinataca churasha. Ñucaca Israel llactapica sumaimana nishcami casha” nini» nirca.

ISAÍAS 58:9

Shinallatac cancuna ñucata mañacpica, uyashami. Cancuna caparicpica ñucaca: “¡Caipimi cani!” nishami. Cancuna shuccunamanta yugota anchuchic shina, llaquichinata saquicpi, dedohuan ricuchishpa, juchanchinata saquicpi,

ISAÍAS 60:20

Intica mana tutayangachu, quillapish mana amsayangachu. Mandac Dios ñucami huiñaita cantaca achicyachisha. Llaqui punzhacunapish tucuringami.

ISAÍAS 65:18

Ashtahuanpish ñuca ruhuashcata ricushpami huiñaita cushicunguichic. Ñucami Jerusalenpi causaccunataca cushichisha. Chaimantami paicunaca yallita cushicunga.

ISAÍAS 65:19

Ñucapish Jerusalenmantami cushicusha. Ñuca acllashcacunahuanmi yallita cushicusha. Jerusalenpica llaquihuan huacashcaca jaicapi mana uyaringachu.

ISAÍAS 65:24

Manarac cayacpimi, ñucaca uyasha. Paicuna rimaricucllapitacmi ñucaca uyasha.

ISAÍAS 65:9

Jacobomantaca huahua huahuacunata mirachishami. Ñuca urcucunataca Judapac huahua huahuacunami japinga. Ñuca acllashcacunami llactataca paicuna causangapac japinga. Chaipica ñucata serviccunami causanga.

JEREMÍAS 30:12

Mandac Diosca: «Cambac llaquica mana allichipacchu. Cambac chugrica mana jambipacmi.

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

JEREMÍAS 31:16

Mandac Diosca: «Ama ashtahuan huacaichu, cambac ñahuimanta huiquita pichaiyari. Can llaquita apashcamantaca allitami cusha, piñaccunapac llactamantaca cutimungacunami.

JEREMÍAS 31:6

Cuidaccuna Efraín urcupi: ‘¡Mandac Diospacman jacuchic! ¡Sión urcuman huichai rishunchic!’ nishpa, caparina punzhacuna chayamungami” nircani» ninmi.

JEREMÍAS 31:9

Paicunaca huacashpami cutimunga. Ñucaca sumac yacu pugru pambata, maita mana mitcaripac sumac ñantami cushichishpa pushamusha. Ñucami israelcunapac taita cani. Efrainca ñuca punta churimi.

JEREMÍAS 33:3

Ñucata caparishpa mañailla, ñucaca uyashallami. Can mana yachashca, pacalla tiyacuc jatun yachaicunatami yachachisha.

JEREMÍAS 50:28

Babilonia llactamanta miticushpa shamuccuna caparishcatami uyani. Mandac Diosmi Babilonia llactapi causaccunata paipac huasita urmachishcamanta llaquichishami nishcata pactachicushcata Sionpi huillangapac shamun.

JEREMÍAS 51:10

Ñucanchictaca Mandac Diosmi ñucanchicman cashcata ruhuac cashcata ricuchishca. ¡Mandac Dios ruhuashcata jacuchic Sionpi parlashun!

EZEQUIEL 20:40

Israel llactapi cac ñucapaclla chicanyachishca jatun urcupimi israelcunaca ñucata servinga. Chaipimi paicunataca chasquishpa, ñucaman ofrendatapish, punta pucushca granotapish, ñucapaclla cachun tucui chicanyachishcatapish chasquisha.

EZEQUIEL 36:37

Mandac Dios ñucaca: Israelcuna cutin ñucata mañashcata uyashpami, ovejacunata mirachic shina mirachisha.

MIQUEAS 4:9

Cunanca, ¿ima nishpatac yallita caparinguichic? ¿Manachu jatun Mandacta charinguichic? ¿Cancunata cunac runachu huañurca? ¿Shuc huarmita sajuarina nanai japic shinachu, cancunatapish nanai japirca?

SAN LUCAS 6:21

¡Cunan yarcaihuan caccunaca cushicuichic! Mana nictami micunguichic. ¡Cunan huacaccunaca cushicuichic! Cushicushpa asinguichicmi.

ROMANOS 11:26

Chai quipaca, tucui israelcunami quishpiringa. Dios quillcachishcapica: «Sión pueblomantami Quishpichic shamunga. Jacobopac huahua huahuacunapac juchacunatami anchuchinga.

EFESIOS 3:20

Diosca ñucanchicpi imatapish ruhuaclla cashcata ricuchic shinallatacmi, ñucanchic yuyashcatapish, mañashcatapish yalli imatapish ruhuaclla can.

APOCALIPSIS 5:4

Chai pillushca pangata pi mana pascashpa ricuc tiyacpimi ñucaca yallita huacarcani.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.