ISAÍAS 30:10 - Dios Rimashcata Quillcashcami

¹⁰ Paicunaca ima tucunata huillaccunataca: “Mana ashtahuan muscuipi shina, ricunachu canguichic” nincunami. Cutin Dios ima nishcata huillaccunataca: “Ama imapish allitaca huillaichicchu. Ashtahuanpish llullashpa, sumac shimicunata huillaichic.

ISAÍAS 30:10 ပူးပေါင်းရင်းမြစ်များ

1 REYES 21:20

Acabca Eliasta ricushpaca: —Ñucahuan mana alli cac runami caipi tupangapac shamushcangui— nirca. Shina nicpimi Eliasca: —Canllatac caturic shina, Mandac Diospac ñaupapi mana allita ruhuashcamantami canhuan tupangapac shamuni.

1 REYES 22:27

Paicunataca: “Jatun mandacca: ‘Cai runata carcelpi churashpa asha tandata, asha yacuta cushpa, ñuca allilla cutingacaman llaquichishpa charicuichic’ ninmi” nigrichic— nirca.

2 CRÓNICAS 16:10

Shina nicpimi, Asaca yallita piñarishpa, Dios ricuchishcata huillactaca carcelpi churarca. Chai huatacunapica yallitami Judá llactapi causaccunataca llaquichirca.

2 CRÓNICAS 25:16

Dios ima nishcata huillac shina nicpica, jatun mandacca: —Jatun mandacman alli yuyaita cuchunca, ¿pitac cantaca churarcayari? Canta ama huañuchichunca upalla cai— nirca. Shina nicpimi, cutinllatac Dios ima nishcata huillac runaca: —Alli yuyaita ñuca cushcata mana uyashpa mana allita ruhuashcamantami, Mandac Diosca canta tucuchinata yuyarirca— nirca.

JOB 41:3

¿Paica ama llaquichichun canta mañac shamungachu? ¿Cantaca cuilla rimaicunahuan mañangachu?

ISAÍAS 28:15

Cancunaca: «Ñucanchicca huañuihuanpish, Seolhuanpish ari ninacurcanchicmi. Ñucanchictaca llullami miticuna huasi shina jarcacun. Chaimanta yacu jataric shina, shamushpapish ñucanchictaca mana llaquichingachu. Llullana huasipimi miticushun» nircanguichic.

ISAÍAS 29:10

Mandac Diosmi cancunamanca sueñuchic espirituta cacharca. Paimanta huillaccunapac ñahuitaca huichcarcami. Ima tucunata huillaccunapac umataca pañohuanmi taparca.

ISAÍAS 5:20

¡Aij, mana allitaca allimi, allitaca mana allichu niccunalla! Paicunaca achictaca amsami, amsataca achicmi nincunami. Cutin jayactaca mishquimi, mishquitaca jayacmi nincunami.

JEREMÍAS 11:21

Anatot runacunaca: «Ñucanchic maquipi mana huañungapacca, Mandac Diospac shutipi ama ashtahuan huillaichu» nircami.

JEREMÍAS 23:17

Paicunaca ñuca rimashcata piñaccunataca: “Cancunaca cushillami causanguichic” nincunami. Shinallatac maijanpish paicunapac shungu munashcata ruhuashpa causaccunataca: “Cancunaca mana llaqui tucunguichicchu” ninmi» nirca.

JEREMÍAS 26:11

Curacunapish, huillaccunapish mandaccunata, tucui gentecunata rimashpaca: «¡Cai runaca cancuna uyashca shinallatacmi cai llactata llaquichinata huillacun! Chaimanta cai runaca huañunami can» nirca.

JEREMÍAS 29:27

Chaimanta cunanca, ¿imamantatac Anatot llactamanta Jeremías cancunaman huillacpica, mana rimangui?

JEREMÍAS 36:29

Chai quipaca Judá llactata jatun mandac Joacimtaca: “Mandac Diosca: Punta quillcata can rupachishpaca: ‘Cai carapica, ¿imamantatac Babilonia llactata jatun mandac shamushpa, cai llactatapish, gentecunatapish, animalcunatapish tucui tucuchinga’ nircangui?

JEREMÍAS 38:4

Shina nicpimi, mandaccunaca jatun mandactaca: «¡Cai runaca huañunami can! Pai chashna huillashpaca cai llactapi saquirishca macanacuc runacunatapish, tucui gentecunatapish maquita irquiyachic shinami manchaipi churan. Cai runaca gentecuna alli causachunca, mana munanchu. Ashtahuanpish mana allillatami munan» nirca.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

AMÓS 2:12

Ashtahuanpish cancunaca nazareo runacunamanmi vinota ubiachircanguichic. Cutin ñuca ima nishcata huillaccunataca: “¡Ama huillaichicchu!” nishpami jarcarcanguichic.

AMÓS 7:13

Ama ashtahuan Bet-elpi huillaichu. Caipimi jatun mandacca Diosta mañan. Cai llactaca llactata mandana jatun llactami— nirca.

MIQUEAS 2:11

Maijan llullac espirituhuan cashpaca: “Ñucaca vinopish, sidrapish tiyangami” nishpa huillacca cai llactapi causaccunapac huillacmi canga.

MIQUEAS 2:6

Paicunaca: “¡Ama huillaichicchu! ¡Chaicunamanta ama huillaichicchu! ¡Ima llaquipish mana japingachu!” nincunami.

SAN JUAN 7:7

Cai pacha gentecunaca cancunataca mana piñanchu, ashtahuanpish paicuna mana allita ruhuashcata ñuca huillashcamantami, ñucataca piñancuna.

SAN JUAN 8:45

Chaimantami ñuca imapish cashcallata nicpica, mana cringuichic.

HECHOS 4:17

Chashna cacpipish, caicuna ama shuctac llactacunapi yacharichunca: “Cunanmanta pacha pacta piman chai Jesusmanta huillanguichicman” nishpa manchachishun— ninacurca.

HECHOS 5:28

—¿Manachu ñucanchicca chai runamanta ama cutin yachachun mandarcanchic? Chashna nishca jahuami tucui Jerusalenpi yachachishcanguichic. Jesús huañushcamantapish ñucanchictami juchanchinguichic— nirca.

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

GÁLATAS 4:16

¿Cancunaman cashcata huillashcamantachu ñucataca piñanguichic?

2 TIMOTEO 4:3

Cashcata nic huillashcata mana uyashun nina punzhacuna chayamungami. Gentecunaca paicuna munashca shinata yachachichunmi, shuctac shuctac yachachiccunata mashcanga.

2 TIMOTEO 4:4

Cashcata nic huillashcata mana uyashun nishpami, imapish yanga parlocunallata uyangacuna.

APOCALIPSIS 11:7

Tucuita huillashca quipaca, manchaipac animal jatun jutcumanta llucshishpami, paicunahuan macanacushpa, atishpa huañuchinga.

1 SAMUEL 9:9

Ñaupa punzhacunaca Israel llactapi maijanpish Diosman imata tapusha nishpaca: «Dios ricuchishcata huillac runaman jacuchic tapushun» nicmi carca. Chashna huillac runallatatacmi cunan punzhacunaca Dios ima nishcata huillac nincuna.