ISAÍAS 3:14 - Dios Rimashcata Quillcashcami

¹⁴ Mandac Diosca pushac yuyaccunatapish, pai acllashca llactata mandaccunatapish llaquichingapacmi shamunga. Paicunataca: “Cancunami uvas chagracunata quichushpa micurcanguichic. Huacchacunamanta imata quichushpaca huasipimi charicunguichic.

ISAÍAS 3:14 ပူးပေါင်းရင်းမြစ်များ

JOB 22:4

¿Can allita caticushcamantachu rimashpa taripacun yuyanguichu?

JOB 24:14

Huañuchic runaca, achic punzhami huacchacunata, imata mana chariccunata huañuchingapac jatarin. Tutaca shuhuacmi tucun.

JOB 24:9

Taita illac huahuacunatapish chuchumantami quichuncuna. Huacchacunatapish prendashpami japincuna.

JOB 34:23

Diosca paipac ñaupapi runa imamanta juchanchishca cachunca mana punzhata churanchu.

SALMOS 10:9

León shinami pacallapi huacchacunata japingapac chapacun. Huaccha runataca paipac tucllapi urmachishpami, aisashpa rin.

SALMOS 14:4

Mandac Diosta mana mañac, millai gentecunaca, ima allitaca mana entendincunachu Ñuca acllashcacunataca tandata micuc shinami tucuchincuna.

SALMOS 143:2

Cambac ñaupapica cashcata ruhuacmi cani nishpaca pi mana ningachu. Canta servictaca ama taripaichu.

PROVERBIOS 30:14

Maijan huahua huahuacunapac ñaupa quirucunaca espadata shina, cuchu quirucunaca cuchillota shinami can. Paicunaca llactapi causac huacchacunata, runacunapurapi yangalla gentecunata lambic shina tucuchingapacmi causancuna.

ISAÍAS 10:1

¡Aij, mana alli mandashcacunata churaccunalla! ¡Shuccunata llaquichingapac mandashcata churaccunalla!

ISAÍAS 10:2

¡Huacchacunata llaquichingapac, llaquilla causac ñuca acllashcacuna japina cashcata quichungapac, viudamanta, taita mama illac huahuacunamanta shuhuangapacmi chashnaca ruhuanguichic!

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

ISAÍAS 14:30

Huacchacunapac punta huahuacunaca micunata charingami. Imata mana charic huacchacunaca samaringami. Ashtahuanpish cambac huahua huahuacunataca yarcaihuanmi huañuchisha. Maijan saquirishcacunatapish tucuitami tucuchisha.

ISAÍAS 26:6

Chaipimi llaquilla causaccunapish, huacchacunapish paicunapac chaquihuan sarushca siricunga.

ISAÍAS 29:19

Chaimantami cuyailla caccunaca cutinllatac Mandac Dios-huan cushicunga. Yalli huacchapish israelcunapac jucha illac Dios-huanmi cushicunga.

ISAÍAS 30:12

Chaimantami israelcunapac jucha illac Diosca: «Cancunaca ñuca rimashcata mana cazushpami, yalli mana allita ruhuashpa, pitapish yallita llaquichinallata yuyarishpa causacunguichic.

ISAÍAS 5:7

Tucuita Mandac Diospac uvas chagraca israelcunami. Pai tarpushca sumac yuracunaca Judá llactapi causaccunami. Mandac Diosca allita ricushpa mandachunmi munarca. Ashtahuanpish yanga gentecunami tucushca. Cashcata ruhuachunmi munarca. Ashtahuanpish yallita caparinacuillami tiyan.

ISAÍAS 58:4

Riquichic, cancunaca caishuc chaishuc piñanacungapacllami ayunanguichic. Huactashpa chugrichingapacllami ayunanguichic. Cancuna mañashca jahua pachapi uyarichun nishpaca ama cunan shina, ayunanguichicchu.

JEREMÍAS 12:10

Achca michiccunami ñuca uvas chagrata tucuchishpa, ñuca allpatapish sarunacurca. Ñucapac sumac allpacunataca tucuchishpami, shitashca pambata shina saquirca.

JEREMÍAS 5:27

Volac animalcunata jaulapi jundachishca shinami, paicunapac huasipica tucuilaya shuhuashcacuna tiyacun. Chashnami chayucyashpa jatun tucun.

EZEQUIEL 18:12

huacchacunatapish, imata mana chariccunatapish llaquichic, shuhuac, debimanta prendashcatapish mana cutichic, ruhuashcalla dioscunata adorac,

EZEQUIEL 20:35

Llactacunapac shitashca pambaman pushamushpami ñahui ñahui tiyarishpa cancunataca llaquichisha.

EZEQUIEL 20:36

Ima shinami Egipto llactapi tiyac shitashca pambapi cancunapac taitacunata taripashpa llaquichircani, chashnallatacmi cancunatapish taripashpa llaquichisha. Chaitaca Mandac Dios ñucami nini.

LEVÍTICO 25:14

Cancunapac ricsishcaman allpata catushpa, mana cashpaca randishpaca ama umanguichicchu.

LEVÍTICO 25:17

Cancunapuramanta maijan cashpapish ama umanguichicchu. Chaipac randica, Mandac Dios ñucata manchaichic. Ñucaca cancunata Mandac Diosmi cani.

AMÓS 2:7

Huacchacunataca ñuto allpata shinami sarun. Humilde gentecunatapish pandachincunami. Taitapish, churipish, chai solterallahuantac chayarishpami, jucha illac ñuca shutitaca mapayachin.

AMÓS 4:1

Mandac Diosca: «Basán llacta huirayashca vacacuna shina Samariapi causac huarmicunalla, caita alli uyaichic. Cancunaca huacchacunata, imata mana chariccunata sarushpami llaquichinguichic. Cutin cancunapac cusacunataca: “¡Vinota apamushpa machashunchic!” ninguichicmi» ninmi.

MIQUEAS 2:1

¡Aij, millaillata yuyashpa causaccunalla! ¡Sueñushpa ima millaita ruhuanata yuyariccunalla! Ña pacarimucpica, paicuna yuyarishca shinallatacmi ruhuan. Paicunaca sinchi mandac cashpami chashna ruhuan.

MIQUEAS 2:2

Maijanpac allpacunatapish, huasicunatapish yallita munashpami quichun. Paicunaca shuc runata llaquichishpami, paipac familiatapish llaquichishpa, ima charishcacunatapish quichushpa llaquichin.

MIQUEAS 3:3

Shinallatac ñuca llactapuracunatami micunguichic. Paicunapac caratami anchuchinguichic. Paicunataca mangapi churangapac shinami pitinacushpa, tullucunatapish ñutuchinguichic. Chashnami paicunataca mangapi churana aicha shinata ruhuanguichic.

MIQUEAS 6:10

Paica: «Ñucata mana manchac runapac huasipica, ¿shuhuashcacuna tiyangaracchu? ¿Ñuca millana, mana alli medinacuna tiyangaracchu?

SAN MATEO 21:33

Jesusca: «Cai yuyaita japina parlota uyaichic. Chaica, shuc runami paipac allpapi uvasta tarpurca. Chai quipaca chagra muyundi pircatapish, chagrata chapana torretapish, uvasta cutanatapish ruhuarcami. Shina ruhuashpami uvas pucucpi, chaupinacungapac shuc runacunaman saquishpa, caru llactaman rirca.

SANTIAGO 2:6

Shina cacpipish cancunaca huacchami nishpami, paicunataca yangapi churanguichic. Cancunata llaquichishpa, juezpacman apaccunaca, ¿manachu chayuccuna can?