ISAÍAS 3:12 - Dios Rimashcata Quillcashcami

¹² Ñuca acllashca llactalla, paitaca huambracunami llaquichicun. Paicunami mandacun. Ñuca acllashca llactalla, cantaca mandaccunami pandata yachachishpa, mana alli pushacun.

ISAÍAS 3:12 ပူးပေါင်းရင်းမြစ်များ

2 REYES 11:1

Ocoziaspac mama Atalía paipac huahua huañushcata yachashpami, jatun mandacpac tucui huahua huahuacunata huañuchirca.

JOB 30:13

Ñuca llaqui tucuchunmi ñuca purina ñantapish jarcancuna. Ñuca llaquipi cacta ricushpami chashna ruhuarcacuna. Paicunataca pipish mana jarcarcachu.

PROVERBIOS 28:16

Yuyai illac mandacca gentecunata llaquichishpallami mandan. Ashtahuanpish chayucyanata mana munac mandacca unaitami mandanga.

ECLESIASTÉS 10:16

Huambrarac jatun mandac mandacuc llactalla, ¡aij imachari tucungui! Chaipi mandaccuna tutamanta pacha, jatun micui ruhuashpa, fiestata ruhuaccunalla, ¡aij imachari tucunga!

ISAÍAS 19:14

Mandac Diosmi paicunapac chaupipi muspachic yuyaita churashca. Egiptopi causaccunataca shuc machashca runa shitachishca jahuallapitac sansan nicuc shinata ruhuashpami pandachirca.

ISAÍAS 3:4

Chai quipaca huambrarac mandaccunatami mandachun churanga. Huambracunami paicunataca mandanga.

ISAÍAS 51:22

Pai acllashcacunata cuidac, Mandac Diosca: «Ñuca yallita piñarishca copataca cambac maquimanta anchuchircanimi. Machana vasotaca ñami anchuchircani. Ñuca yallita piñarishca chai copamantaca mana ashtahuan ubianguichu.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

MIQUEAS 3:5

Mandac Diosca llactacunata pandachishpa huillaccunata rimashpaca: «Paicunaca: “Micuna tiyacpica, cushi causaimi tiyanga. Ashtahuanpish micuna mana tiyacpica, macanacuimi tiyanga” nincunami.

NAHÚM 3:13

Cambac soldadocunaca huarmicuna shinami manchanga. Llacta pungucunapish, canta piñaccuna yaicuchunmi, caiman chaiman pascaringa. Pungu aldabacunataca ninami tucuchinga.

SAN MATEO 15:14

Ñahui mana ricuc shina pushaccunataca saquichiclla. Ñahui mana ricucpura pushanacushpaca, ishcaitacmi jutcupi urmanga— nirca.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.