ISAÍAS 29:9 - Dios Rimashcata Quillcashcami

⁹ ¡Cancunaca mancharichicyari! ¡Ñahui mana ricuccuna shina tucuichicyari! ¡Machashca caichicyari, shinapish mana vinohuan! ¡Machashpa caiman chaiman tigracuichicyari, shinapish mana machana yacuhuan!

ISAÍAS 29:9 ပူးပေါင်းရင်းမြစ်များ

ISAÍAS 1:2

Jahua pachapish, cai pachapish uyaichic. Mandac Dios ñucaca: «Cai huahuacunataca ñucami huiñachishpa jatunyachircani. Ashtahuanpish paicunaca ñucata piñashpami, mana cazurca.

ISAÍAS 19:14

Mandac Diosmi paicunapac chaupipi muspachic yuyaita churashca. Egiptopi causaccunataca shuc machashca runa shitachishca jahuallapitac sansan nicuc shinata ruhuashpami pandachirca.

ISAÍAS 29:1

¡Aij, Ariel llactalla! ¡David causana Ariel llactalla! Ima fiestacunata huatanta ruhuashpa cushicuichiclla.

ISAÍAS 29:10

Mandac Diosmi cancunamanca sueñuchic espirituta cacharca. Paimanta huillaccunapac ñahuitaca huichcarcami. Ima tucunata huillaccunapac umataca pañohuanmi taparca.

ISAÍAS 49:26

Saruc shina canta llaquichiccunataca paicunapuratami micunacuchisha. Quiquin yahuarllahuantacmi vinohuan machac shina machanga. Chashna ruhuacpimi, cai pachapi causaccunaca ñucaca Mandac, llaquimanta quishpichic, Jacobota sinchiyachic Mandac Dios cashcata yachanga» nini

ISAÍAS 51:17

¡Jerusalenlla, ricchariyari, ricchariyari, jatariyari! Canca Mandac Dios piñarishca junda copatami paipac maquimanta japishpa tucuringacaman ubiarcangui.

ISAÍAS 56:10

Israelcunata chapac runacunami ñahui mana ricuccuna shina, imata mana yachaccuna can. Paicunaca mana ladranata pudic allcucuna shinami, upalla siricun. Sueñunallatami munancuna.

ISAÍAS 6:10

Chai quipaca gentecunapac shunguta sinchiyachingui. Ñahuihuanpish ama ricuchun, ringrihuanpish ama uyachun, paicunapac ringritapish, ñahuitapish huichcangui. Shungupipish yuyaita ama japichun, ñucapacmanpish ama cuti richun, ñuca paicunata ama alliyachichunmi chashnaca ruhuana cangui— nirca.

ISAÍAS 63:6

Ñuca yallita piñarishpami, gentecunataca sarurcani. Chashna yallita piñarishpami machashca shinata saquishpa, paicunapac yahuartaca allpapi jicharcani.

JEREMÍAS 13:13

Shina nicpica canca: Mandac Diosca: “Ñucaca cai llactapi causaccunatapish, David tiyarinapi tiyaric jatun mandaccunatapish, curacunatapish, ñucamanta huillaccunatapish, shinallatac tucui Jerusalenpi tucui causaccunatapishmi yallita machachigrini.

JEREMÍAS 2:12

¡Jahua pachalla, caita ricushpaca mancharishpa chucchuiyari! Chaitaca Mandac Dios ñucami nini.

JEREMÍAS 23:9

Jeremiasca: «Llullashpa huillaccunamantaca shungu nanarishpa, yallita llaquirishpami tucui ñuca tullucunacaman chucchucuni. Jucha illac Mandac Dios rimashcata uyashpaca, paipac ñaupapi yuyai chingaricta vinota ubiashca runa shinami tucuni.

JEREMÍAS 25:27

Canca: “Israelcunapac tucuita Mandac Diosca: Caita ubiashpa, macharishpa arcadashpa urmaichic. Jatun macanacuita llaquichichun ñuca cachacpimi, mana jataringuichic” ninmi ningui.

JEREMÍAS 4:9

Mandac Diosca: «Chai llaqui punzhacunapica, jatun mandacpac shungupish, pai churashca mandaccunapac shungupish yallita manchaihuanmi shaicushca shina tucunga. Curacunapish mancharishpami musparinga. Ñucamanta huillaccunapish manchaihuan chucchungami» ninmi.

JEREMÍAS 51:7

Babilonia llactaca Mandac Diospac maquipica curi copa shinami carca. Chai copa vinohuanmi tucui llactapi causaccunata machachirca. Chaita ubiashpaca tucuimi yuyaita chingachirca.

LAMENTACIONES 4:21

Uz llactapi causac Edom runacunalla, cushicushpa asicuichiclla. Cancunapish jayacta ubiashpa musparishpami lluchulla siricunguichic.

HABACUC 1:5

Mandac Diosca: «Shuctac llactacunata ricushpa manchaichic. Ñucaca cancuna causacui punzhacunapimi chai shina mancharinacunata ruhuasha. Chai ruhuashcata maijan huillacpipish, mana cringuichicchu.

SAN MATEO 26:45

Chashna mañashpa, yachacuccunapacman cutimushpaca: —¿Samarishpa sueñucunguichicllachu? Ña jatarichic, ñami Runa Tucungapac shamushca ñucata, juchayuc runacunaman japichina horasca pactamushca.

MARCOS 14:41

Jesús quimsa cutin cutimushpaca, paicunataca: —¿Cancunaca samarishpa sueñucunguichicllachu? Ña jatarichic, Runa Tucungapac shamushca ñucataca, juchayuc runacunapac maquipi churana horasca pactamushcami.

APOCALIPSIS 17:6

Chai huarmitaca Diospaclla caccunapac, shinallatac Jesusmanta huillaccunapac huañuchishca yahuarhuan machashca cashcatami ricurcani. Chaita ricushpaca, yallitami mancharishpa saquirircani.