ISAÍAS 29:5 - Dios Rimashcata Quillcashcami

⁵ Canta piñac achca runacunaca ñuto allpa shinami tucunga. Cutin, mana llaquic runacunaca huairapi ric tamo shinami tucunga. Chaica, cungaillami chashna tucunga.

ISAÍAS 29:5 ပူးပေါင်းရင်းမြစ်များ

JOB 21:18

Paicunaca huaira apanalla ucsha shina, mana cashpaca jatun huaira apanalla tamo shinami.

SALMOS 1:4

Ashtahuanpish millaita ruhuaccunaca huaira apana ucsha shinami can.

SALMOS 35:5

Tamota huaira apashca shina callpachun. Mandac Diospac ángel catishca cachun.

ISAÍAS 13:11

Mandac Diosca: «Cai pachapi causaccunataca millaita ruhuashcamantami llaquichisha. Ñucata mana manchaccunataca paicunallatac mana allita ruhuashcamantami tucuchisha. Jatun tucushpa puriccunatapish tucuchishami. Cariyashpa sinchi tucushpa puriccunatapish cumurichishami.

ISAÍAS 25:3

Chaimantami sinchi runacunaca canta alli nincuna. Mana llaquic llactacunaca manchancunami.

ISAÍAS 25:4

Canca huacchacunapac jarcarinami cangui. Imata mana chariccuna llaquihuan cacpica, canmi jatun torre shina pacarcangui. Canca tamya huairamantaca pacarcanguimi. Inti rupachinamantaca llandurcanguimi. Mana llaquic runacunapac samai huaira shina shamushpapish patapi huactaric shinami tucun.

ISAÍAS 25:5

Chaquishca allpata inti rupachic shinami, shuctac llacta cari tucushca runacunataca cumurichingui. Puyu ucupi rupachic shinami, mana llaquic runacunataca cumurichingui.

ISAÍAS 29:20

Mana llaquic runacunaca tucuringami. Burlac runacunapish tucui chingaringami. Millaita ruhuana yuyailla causaccunapish, mana allita rimashpa,

ISAÍAS 30:13

Chaimantami cancunapac juchaca jatun pirca chictarishpa urmac shina, jatun pirca chaupirishpa, cungailla urmashpa cancunata ñitinga.

ISAÍAS 31:3

Egipto runacunaca mana dioscunachu. Paicunapac caballocunapish aichallami, mana espirituchu. Mandac Dios maquita alzacpica, ayudaccunapish, ayudachun mañaccunapish tucuimi urmashpa tucuringa.

ISAÍAS 31:8

Chai punzhapica Asiria llacta runacunaca jatun macanacuipimi huañunga. Shina cashpapish mana runacunachu paicunataca huañuchinga. Mana runacunapac espadahuanchu tucuringa. Jatun macanacuimantami miticushpa callpanga. Mosocunaca sinchita servishpami causanga.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

ISAÍAS 40:15

Diosmanca gentecunaca baldepi tamya urmacuc shinami. Ñuto allpata balanzapi churashca shinami. Riquichic, islacunataca ñuto allpata shinami pezan.

ISAÍAS 41:11

Riquichic, tucui cancunata piñaccunami pingaihuan musparinga. Cancunata piñashpa rimariccunaca mana tiyashca shinami tucuringa.

ISAÍAS 41:15

Riquichic, cancunataca trillana mushuc fierrota shinami churani. Quirusapa mushuc lastrillo shinatami ruhuani. Urcucunataca trillac shinami polvonguichic. Lomacunataca cupata trillac shinami ñutuchinguichic.

ISAÍAS 41:16

Cancuna huairachicpica, huairami apanga. Acapana huairami caita chaita apanga. Ashtahuanpish cancunaca Mandac Dios-huanmi cushicunguichic. Israelcunapac jucha illac Dios-huanmi yallita cushicunguichic.

ISAÍAS 47:11

Cantaca cungaillami jatun llaqui japinga. Chai llaqui maimanta shamuctaca mana yachanguichu. Shinallatac chai llaquimantaca mana llucshi pudinguichu. Can mana yachashca horas shamushpami chai llaquica yallita llaquichinga.

ISAÍAS 48:3

Mandac Diosca: «Ñaupa ima tucushcacunataca ñucallatacmi huillarcani. Chaitaca ñuca shimihuanmi huillashpa ricuchircani. Chaicunaca chashnatacmi tucurca.

AMÓS 5:9

Paica, sinchi runacunata tucuchishpa, muyundita jatun pircahuan pircashca plazatapish urmachinmi.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.