ISAÍAS 29:3 - Dios Rimashcata Quillcashcami

³ Ñucami cancunapac muyundipi carpacunata shayachishpa, achca soldadocunahuan muyunacushpa chapasha. Baluartecunatapishmi shayachisha.

ISAÍAS 29:3 ပူးပေါင်းရင်းမြစ်များ

2 REYES 18:17

Chai quipami Asiria llactata jatun mandacca Tartán, Rabsaris shinallatac Rabsaces quimsa mandaccunata achca soldadocunahuan Jerusalenpi jatun mandac Ezequias-huan macanacuchun Laquis pueblomanta cacharca. Jerusalenman huichai shamushpaca, jahua ladopi tiyac tanqueman shamucuc yacu patapimi carpa huasicunata shayachishpa tiyarircacuna. Chaica tacshaccunapac pambaman rina ñanpimi carca.

2 REYES 19:32

Chaimantami Mandac Diosca, Asiria llactata jatun mandactaca: Cai pueblomanca mana yaicungachu, flechacunatapish mana shitangachu. Macanacuna escudota apashpa, cai pueblo ñaupapi shayarinatapish mana pudingachu. Baluarte nishcatapish mana shayachi pudingachu.

ISAÍAS 1:8

Sión llactaca uvas chagra chaupipi ruhuashca chuclla shina, melón chagra chaupipi ruhuashca chuclla shinami saquirishca. Chai llactaca piñaccunapac chaupipi shinami saquirishca» nini.

EZEQUIEL 21:22

Chashna tapucpica, jatun mandacca paipac alli lado maquihuanmi Jerusalén ladota ricuchirca. Chaica macanacuchun, huañui tiyachun, caparinacuchun, pungu ladocunapi ariete nishcata shayachichun, macanacuna pushtucunata ruhuachun, muyundi torrecunata shayachichunmi ricuchirca.

SAN MATEO 22:7

Chashna ruhuacpimi, jatun mandacca yallita piñarishpa, chai huañuchic runacunataca huañuchishpa, chai pueblotapish rupachichun soldadocunata mandarca.

DEUTERONOMIO 20:20

Ashtahuancarin maijan mana pucuc yuracunataca pitishpa, chai llactahuan macanacuna baluartecunata ruhuanguichiclla.