ISAÍAS 29:23 - Dios Rimashcata Quillcashcami

²³ Chaica, paicunapac chaupipi ñuca mancharinacunata ruhuashcata ricushpami, ñuca shutitaca jucha illacmi ninga. Israelcunapac Diostami alli ninga.

ISAÍAS 29:23 ပူးပေါင်းရင်းမြစ်များ

ISAÍAS 19:25

Chaica tucuita Mandac Diosmi paicunataca: «¡Egiptopi causac gentecunaca ñucapacmi, Asiria llactapi causaccunapish ñuca maquihuan ruhuashcami! ¡Israelcunaca ñucapaclla chicanyachishcami! ¡Paicunatami bendiciani!» ningami.

ISAÍAS 26:12

Mandac Dioslla, cushi causaitaca canmi ñucanchicmanca cungui. Tucui imatapish can ayudacpimi ruhuanchic.

ISAÍAS 28:21

Mandac Diosca Perazim urcupi shinami shayaringa. Gabaón pambapi shinami, yallita piñaringa. Paica cancuna mana ricushca, mana entendipac mancharinata ruhuangapacmi piñaringa.

ISAÍAS 43:21

Cai acllashcacunataca ñucapac cachunmi ruhuarcani. Tucui paicunami ñucataca alli nishpa cantanga.

ISAÍAS 43:7

Ñuca shutipi cayashcacunataca tucuita cachaichic. Paicunataca sumaimana cachunmi ruhuarcani» ninmi.

ISAÍAS 45:11

Israelcunata ruhuac jucha illac Mandac Diosca: «¿Quipa punzha ima tucunatachu tapunguichic? ¿Ñuca maquihuan ruhuashca huahuacunamantachu tapunguichic?

ISAÍAS 5:16

Tucuita Mandac Diosca pai allita Mandac cashcamantami jatunyachishca canga. Jucha illac Diosca cashcata ruhuac cashcamantami “Jucha illacmi cangui” nishca canga.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 8:13

Tucuita Mandac Dios ñucallata jatunyachichic. Ñucallata manchashpa chucchuichic.

EZEQUIEL 38:16

Puyu shina rishpa, ñuca acllashcacunata tucuita tapashpa llaquichingui. Jatun mandac Goglla, quipa punzhacunapimi shuctac llactacunapi causaccunapac ñaupapi ñuca jucha illac cashcata ricuchichun, ñuca acllashcacunata llaquichichun cantaca ñucallatac cachasha.

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

SAN MATEO 6:9

Cancuna mañashpaca: “Jahua pacha ñucanchic Taitalla, cambac shutitaca, tucuilla alli nishca cachun.

EFESIOS 2:10

Diosmi ñucanchictaca ruhuarca. Chashna ruhuashpaca, Jesucristohuan shuc tucushcamanta allicunata ruhuachunmi mushucta ruhuarca. Chai allicunata ruhuachunmi, ñucanchictaca ñaupamanta pacha allichishca.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

APOCALIPSIS 19:5

Chai quipaca mandashpa tiyarinamantami shuc rimashca uyarishpaca: «¡Diosta cazushpa paipacta ruhuaccunaca uchillacunapish, jatuncunapish ñucanchicta Mandac Diosta alabaichic!» nirca.