ISAÍAS 28:9 - Dios Rimashcata Quillcashcami

⁹ Paicunaca: «Alli yachaica, ¿pitatac yachachin? Chai huillashcacunaca, ¿pitatac entendichin? ¿Chuchumanta cunanlla raquishca huahuacunatachu yachachin? Mana cashpaca, ¿raquishca huahuacunatachu yachachin?

ISAÍAS 28:9 ပူးပေါင်းရင်းမြစ်များ

SALMOS 131:2

Ashtahuanpish ñuca almaca mamapac chuchumanta huahua anchurishpa cushilla cac shinami, cushilla can.

SALMOS 50:17

Ñuca cunacpipish piñaringuimi. Ñuca rimashcatapish mana uyasha nishpa saquinguimi.

PROVERBIOS 1:29

Alli yachaita piñashpami, Mandac Diosta mana manchasha nircacuna.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

ISAÍAS 28:26

Tarpuc runataca paipac Diosmi allita ruhuanata yachachicun.

ISAÍAS 30:20

Mandac Dios micunata carac shina llaquichishpapish, yacuta ubiachic shina huacachishpapish allipacmi ruhuashca. Chashna llaquichishpapish cancunata yachachiccunataca jaicapi mana ashtahuan anchuchingachu. Chaipac randica, cancunapac ñahuihuantacmi yachachiccunataca ricunguichic.

ISAÍAS 48:17

Cancunata quishpichic, israelcunapac jucha illac, Mandac Diosca: «Ñucami cancunata Mandac Dios cani. Ñucami cancunapac allipac yachachini. Cancuna maita rina ñantapish ñucami ricuchishpa pushani.

ISAÍAS 50:4

Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

ISAÍAS 53:1

Ñucanchic huillashcataca, ¿pitac crishcayari? Mandac Diospac podertaca, ¿pitac ricushcayari?

ISAÍAS 54:13

Cambac huahuacunataca Mandac Dios ñucami yachachisha. Cambac huahuacunaca ashtahuan cushi causaitami causanga.

JEREMÍAS 35:13

«Israelcunapac tucuita Mandac Diosca: Judá llactapi, Jerusalenpi causaccunapacman rishpa: ¿Ima nishpatac ñuca yachachishcataca mana yachacunguichic? ¿Ima nishpatac ñuca mandashcacunataca mana cazunguichic? Chaitaca Mandac Dios ñucami nini.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

JEREMÍAS 6:10

Ñucaca: «¿Pitatac ama chashna ruhuaichu nishpa rimashayari? Paicunaca ringri huichcashca cashcamantami mana uyancuna. Can Mandac Dios rimashcataca pingashpami mana uyasha nin.

SAN MATEO 11:25

Chai quipami Jesusca: «Jahua pachata, cai pachata Mandac ñuca Taitalla, cantaca “allimari cangui” ninimi. Canca, cai yachanacunataca alli yuyaiyuc, alli yachaccunamanta pacashpami, huahuacuna shinamanmi, yachana yuyaita cushpa yachachishcangui.

MARCOS 10:15

Maijanpish shuc huahua shina, Dios mandacucta mana chasquicca, Dios mandacucmanca mana yaicungachu. Chaica chashnatacmi canga— nirca.

SAN JUAN 12:38

Dios ima nishcata huillac Isaías huillashca pactachunmi chashna tucurca. Pai huillashpaca: «Dioslla, ¿pitac huillashcataca crishcayari? Diospac podertaca, ¿pitac ricushcayari?» nishcami.

SAN JUAN 3:19

Paicunapac mana alli ruhuacushcacuna ama ricurichunmi Achicyachic shamucpica, mana munashpa amsapi causanallata ashtahuan munarca. Chaimantami juchanchishca canga.

1 PEDRO 2:2

cunanlla huacharishca huahuacuna lechellata munac shina, imahuanpish mana chapushca, Dios rimashca shimillata yachanata munaichic. Chashna yachacushpami allita huiñashpa quishpiringuichic.