ISAÍAS 28:4 - Dios Rimashcata Quillcashcami

⁴ Pugru patapi tiyac chai sumaimana chagrapish, sisa shina coronapish punta pucushca grano shinami tucunga. Shinallatac usyai punzhacunapi punta pucushca higota pipish ricushcahuan japishpa micuc shinami tucunga.

ISAÍAS 28:4 ပူးပေါင်းရင်းမြစ်များ

ISAÍAS 28:1

¡Aij, machashpalla causac jatun tucushca Efraín aillulla! Sumac chagra pambamanta jahua uma quingraipi tiyac corona shinami. Vinota ubiashpallami causan. Paicunaca anguyaclla sisa shinami.

ISAÍAS 8:4

Chai huahuaca: “Ñuca taitito, ñuca mamita” ninata manarac yachacushpami, Damascopi, Samaria llactapi causaccuna ima charishcacunata quichushpa, Asiria llactata jatun mandacman cunga» nirca.

OSEAS 13:1

Efraín aillu rimaricpica, yallitami mancharic carca. Israel llactapica, alli nishcami carca. Ashtahuanpish Baal diosta mañashpa, juchallishcamantami huañurca.

OSEAS 13:15

Efraín aillupurapi yuracuna shina mirarimucucpipish, Mandac Dios ñuca shitashca pambamanta shamuc rupac huaira cachashpami tucuchisha. Shinallatac tucyacuc yacupish, jundu yacupish chaquingami. Paicunapac sumac charishcacunatapish quichungami.

OSEAS 6:4

Mandac Diosca: «Efraín aillulla, Judá llactapi causaccunalla, ¿cancunataca imatatac ruhuashayari? Cancunapac cuyaica tutamanta llucshimuc puyu shina, tutamanta páramo shamushpa, utca chingaric shinami.

OSEAS 9:16

Efraín ailluca ungushca yura shinami, sapi chaquishca. Chaimantami ima granopish mana pucunga. Huahuacunata charicpipish, chai cuyashca huahuacunataca ñucami huañuchisha» ninmi.

MIQUEAS 7:1

¡Aij, ñucalla! ¡Cosechana punzhapi granota tandachishca, tucuita uvasta pallashca, shuc uvasllapish mana tiyac pambapi shinami cani! Micungapacca shuc racimollapish mana tiyanchu. Ñucaca punta pucushca granota tucui shunguhuan micunatami munani.

NAHÚM 3:12

Can miticuna torrecunaca alli cargashca higo yura shinami canga. Yurata cuyuchicpi, granocuna shimipimi urmac shinami canga.

APOCALIPSIS 6:13

Shinallatac huaira sinchita cuyuchicpi yuramanta higocuna urmac shinami, jahua pachamanta cai pachaman lucerocunapish urmarca.