ISAÍAS 28:29 - Dios Rimashcata Quillcashcami

²⁹ Chaitaca tucuita Mandac Diosllatacmi ruhuarca. Paica imata ruhuanata yuyarishcapish sumaimanami. Paipac yachaipish mai sumacmi.

ISAÍAS 28:29 ပူးပေါင်းရင်းမြစ်များ

JOB 37:23

Tucuita ruhuac Diosmantaca mana yachai pudinchicchu. Paica imatapish cashcata ruhuac, pitapish mana llaquichic Diosmi can.

JOB 5:9

Paica pipish mana ruhuaipac mancharinacunata, shinallatac mana yupaipac sumaimanacunatami ruhuan.

SALMOS 118:23

Chaitaca Mandac Diosmi ruhuashca. Chaica ñucanchicmanca sumaimanami ricurin.

SALMOS 40:5

Mandac Dioslla, ñuca Dioslla, jatun mancharinacunataca achcatami ruhuashcangui. Ñucanchicman allita ruhuana yuyaillami cangui. Can ruhuashca allicunaca mana yupaipacmi. Can tucui allicunata ruhuashcata cambac ñaupapi yupashpa huillasha nishpapish maita mana yupaipacmi can.

SALMOS 92:5

¡Mandac Dioslla, can ruhuashcacunaca mai jatunmi! ¡Cambac yuyaica pi mana entendipac yallita jatunmi!

SALMOS 92:6

Mana entendic runaca caitaca mana yachanchu. Yuyai illac runaca mana entendinchu.

PROVERBIOS 8:14

Cunanapish, allita yuyarishpa yachac canapish ñucapacmi. Allita yachac canapish, sinchi canapish ñucapacmi.

ISAÍAS 28:28

Grano urmangacamanllami trillan. Carreta ruedahuan saruchishpaca, mana trillana rueda quirucunahuanchu granota ñutuchin.

ISAÍAS 31:2

Ashtahuanpish Mandac Diosca alli yachacmi. Chaimanta paica llaquichingami. Pai llaquichisha nishpaca llaquichintacmi. Millaita ruhuaccunatapish, chai millaita ruhuanata ayudaccunatapish piñarishpa llaquichingami.

ISAÍAS 41:20

Israelcunapac jucha illac Mandac Dios ñuca maquihuan ruhuacta tucui mashna ricushpa entendichunmi chashnaca ruhuasha» ninmi.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

JEREMÍAS 32:19

Can ruhuashcacunaca yalli jatunmi, shinallatac sumaimanami. Cada shuc aichayuc runacunaman paicuna imata ruhuashca shinallatac cungapacmi, tucui paicuna ima shina causacucta ricucungui.

ROMANOS 11:33

¡Dios mandanapish, yachaipish, yuyaipish yalli jatunmi! Pai yuyacushcapish, maita mana yachaipacmi. Pai ruhuashcapish mana entendipacchu.