ISAÍAS 28:26 - Dios Rimashcata Quillcashcami

²⁶ Tarpuc runataca paipac Diosmi allita ruhuanata yachachicun.

ISAÍAS 28:26 ပူးပေါင်းရင်းမြစ်များ

JOB 32:8

Runataca paipi tiyac espiritumi yachachin. Tucuita ruhuac Diospac samaimi alli yuyaita cun.

JOB 35:11

Ñucanchictaca cai pachapi tiyac animalcunata ricuchishpa ashtahuan alli yachacta, jahuata volac animalcunatapish ricuchishpa yalli yuyaita charictami ruhuarca” nicca, shucllapish mana tiyanchu.

JOB 39:17

Chaicunamanca ñucallatacmi yuyaitapish, ima shina entendinatapish mana curcani.

SALMOS 144:1

Ñuca miticuna jatun rumi shina Mandac Diosca alli nishca cachun. Paimi ñuca maquitapish, dedotapish jatun macanacuipi macanacuchun yachachin.

SALMOS 94:10

Llactacunapi causaccunata llaquichicca, ¿manachu sinchita rimashpa entendichinga? Gentecunata allita yachachicca, ¿manachu imata yachanga?

ÉXODO 28:3

Canmi Aaronman churanacunata ruhuachun alli yuyaiyuc, yachac espirituyuc runacunahuan parlana cangui. Chashna ruhuashpa churachicpimi, ñucapaclla chicanyachishca cura canga.

ÉXODO 36:2

Moisesca Bezaleeltapish, Aholiabtapish, Mandac Dios alli yuyaita cushca runacunatapish, shungumanta Diospacta ruhuana munaita charic runacunatapishmi cayarca.

ISAÍAS 28:25

Allpata ñutuchishca quipaca, ¿manachu eneldo muyuta cashpa, comino muyuta shic-huan? ¿Manachu trigotaca huachupi tarpun? ¿Manachu cebadatapish, avenatapish maipi tarpunallapitac tarpun?

ISAÍAS 28:27

Eneldo granotaca mana trillana pambapichu trillan. Comino granotapish mana carretahuanchu trillan. Ashtahuanpish eneldotaca varallahuanmi huactan. Cominotaca caspillahuanmi huactan.

ISAÍAS 28:9

Paicunaca: «Alli yachaica, ¿pitatac yachachin? Chai huillashcacunaca, ¿pitatac entendichin? ¿Chuchumanta cunanlla raquishca huahuacunatachu yachachin? Mana cashpaca, ¿raquishca huahuacunatachu yachachin?

DANIEL 1:17

Diosmi chai chuscu mosocunataca alli yachaita, tucuilaya quillcanata yachachirca. Danielca muscuipi shina ricurishcatapish, muscushcatapish alli yachacmi carca.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.