ISAÍAS 28:12 - Dios Rimashcata Quillcashcami

¹² Paicunatami Diosca: «Caimi samarinaca. Shaicushca runata samachichic. Caica samarina pushtumi» nirca. Ashtahuanpish paicunaca mana uyashun nircachu.

ISAÍAS 28:12 ပူးပေါင်းရင်းမြစ်များ

2 CRÓNICAS 14:11

Asa paita Mandac Diosta caparishpa mañashpaca: «¡Mandac Dioslla, jatun poderta charicta, mana fuerzata charicta ayudacca shuctac can shinaca mana tiyanchu! Ñucanchicta Mandac Dioslla, ñucanchicta ayudaiyari. Canllapimi shunguta churanchic. Cai soldadocunahuan macanacungapacca cambac shutipimi rinchic. ¡Mandac Dioslla, canmi ñucanchic Mandac Dios cangui! Runacuna canta mishanataca mana pudinchu» nirca.

ISAÍAS 11:10

Chai punzhacunapica Isaipac sapimanta huiñashcatami llactacunapi causaccuna mashcanga. Paica banderata shayachishca shinami, tucuipac ricuipi shayacunga. Pai causana huasica sumaimanami canga.

ISAÍAS 29:12

Cutin, rezanata mana yachacta: «Caita rezashpa uyachi» nicpica: «Mana rezanata yachanichu» ningami.

ISAÍAS 30:15

Israelcunata Mandac, jucha illac Diosca: «Juchacunata saquishpa, cushilla causashpami quishpiringuichic. Ñucapi shunguta churashpa shuyacushpaca sinchiyanguichicmi» nirca. Shina nicpipish, chaita mana munarcanguichicchu.

ISAÍAS 32:17

Cashcata ruhuashcamantaca cushi causaimi tiyanga. Cashcata ruhuashpa, causashcamantami samanapish, cushi causaipish huiñaita tiyanga.

ISAÍAS 32:18

Ñuca acllashcacunaca cushilla llactapimi causanga. Ima llaquipish illac huasipimi cushilla samaringa.

JEREMÍAS 44:16

«Mandac Diospac shutipi can huillashcata mana cazushunchu.

JEREMÍAS 6:16

Mandac Diosca: «Ñancunapi shayarishpa ricuichicyari. Ñaupa ñancunata tapushpa, maijan ñan alli cashcata acllashpa purichicyari. Chashna ruhuacpica, cancunapac alma samaringami» nirca. Shina nicpipish cancunaca: «Chai ñantaca mana purishunchu» nircanguichicmi.

ZACARÍAS 7:11

Shina nicpipish, mana uyashun nircachu. Ashtahuanpish huashaman tigrarishpa, mana uyasha nishpami, ringrita taparca.

ZACARÍAS 7:14

Ashtahuanpish paicunataca jatun acapana huairahuanmi paicuna mana ricsishca llactacunaman shic-huashpa cacharcani. Paicuna rishca quipaca, paicunapac llactaca shitashca pambami saquirirca. Chai llactaman yaicunataca pipish mana munangachu. Paicuna munashca llactataca shitashca pambatami saquirirca» nirca.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.