ISAÍAS 27:9 - Dios Rimashcata Quillcashcami

⁹ Chashnami Jacobopac huahuacunapac yalli juchacunataca cungaringa. Paicuna rumimanta ruhuashca altarcunataca cabia rumita shina ñutuchishpa, Asera huarmi diosman riccha caspicunatapish, intiman riccha yanga dioscunatapish urmachishpa, Jacobopac huahuacunapac juchataca perdonanga.

ISAÍAS 27:9 ပူးပေါင်းရင်းမြစ်များ

2 REYES 10:26

Baal diosta yuyarina ucumanta ruhuashcalla dioscunata llucchishpa rupachirca.

2 REYES 23:14

Ruhuashcalla dioscunatapish, Asera diosta yuyarina yuratapish ñutuchishpami shitarca. Chai pushtucunapica gentecunapac tullucunatami jundachirca.

2 REYES 25:9

Chashna shamushpami, Mandac Diospac huasitapish, mandana huasitapish, Jerusalenpi tucui huasicunatapish, mandaccunapac tucui huasicunatapish rupachirca.

2 CRÓNICAS 14:5

Shinallatac Judá llactapi cac pueblocunamantaca lomacunapi tiyac altarcunatapish, imamanpish riccha dioscunatapish chingachircami. Pai mandacui punzhacunapica casilla sumac causaimi chai llactapica tiyarca.

2 CRÓNICAS 34:4

Paipac ñaupapimi Baal diospac altarcunataca tigrachirca. Patapi tiyac inciensota rupachina altarcunatapish, Asera huarmi diosta yuyarina yuratapish, labrashpa ruhuashca dioscunatapish, yacuyachishpa ruhuashca dioscunatapish paquishpami polvorca. Chai polvotaca chai dioscunaman animalta cushpa rupachiccunata enterrashca jahuapimi shitachun cacharca.

2 CRÓNICAS 36:19

Chai quipaca Mandac Diospac huasita rupachishpami, Jerusalén muyundi jatun pircatapish urmachirca. Mandashpa tiyana huasitapish rupachishpami, chai huasipi imalla sumaimana tiyashcacunatapish tucui chingachirca.

SALMOS 119:67

Ñaupa can manarac llaquichicpimi pandarishpa causarcani. Ashtahuanpish cunanca cambac rimashcacunata cazushpami causani.

SALMOS 119:71

Allitami llaquichircangui. Chashna ruhuacpimi, can mandashcacunataca cazuni.

ÉXODO 34:13

Ashtahuanpish paicunapac altarcunata urmachishpa shitangui. Adorana rumi dioscunatapish paquingui. Asera huarmi diosta yuyarina yuracunatapish pitingui.

PROVERBIOS 20:30

Macashpa chugrichishcaca millai runapacca jambimi. Llaquichishcapish shungumanta mapa yuyaita anchuchinmi.

ISAÍAS 1:29

Chashna ruhuacpimi, cancunaca encina yuracunata cuyashcamanta pingaichishca canguichic. Cancuna acllashca huertacunatapish burlashpami pingaichinga.

ISAÍAS 17:8

Paicunapac maquihuan ruhuashca altarcunatapish, Asera huarmi diosta yuyarina yuratapish, paicunapac maquihuan ruhuashca dioscunatapish, inciensota rupachina altartapish mana ricungachu.

ISAÍAS 30:22

Cullquimanta ruhuashca cancuna ruhuashcalla dioscunata, jahuata curihuan llutashpa ruhuashca dioscunatapish millaichic. Chaicunataca millana mapa llachapata shina: «¡Caimanta llucshi!» nishpa, caruta shitaichic.

ISAÍAS 4:4

Mandac Dios llaquichishpa, tucuchic Espirituhuan Sión llactapi causac huarmicunapac tucui mapacunata, Jerusalenpi causaccuna huañuchishca yahuarta maillacpimi, chashnaca canga.

ISAÍAS 40:2

Jerusalenpi causaccunaman sumacta huillashpaca: “Cancunapac juchacunata perdonana huatacunaca ñami pactamushca. Cancunapac juchacunamantaca ñami chaupi yalli llaquihuan Mandac Diosca llaquichishca” nichic» ninmi.

ISAÍAS 48:10

Riquichic, cancunataca mapa illactami ruhuarcani. Hornopi rupachic shinami llaquichishpa cancuna ima shina cashcata ricurcani. Ashtahuanpish mana cullquita shinachu ruhuarcanichu.

EZEQUIEL 11:18

Cai Israel llactaman cutishpami ruhuashcalla dioscunatapish, millaita ruhuanatapish saquinga.

EZEQUIEL 20:38

Chashnami cancunapuramantaca ñucata mana cazushpa cariyaccunata anchuchisha. Paicunaca mana Israel llactamanca yaicungacunachu. Shina ruhuacpimi, ñucataca Mandac Dios cashcata yachanguichic.

EZEQUIEL 6:4

Cancunapac altarcunatapish, inciensota rupachina altarcunatapish ñutuchishpami chingachisha. Runacunaca ruhuashcalla dioscunapac ñaupapimi huañunga.

DANIEL 11:35

Shinallatac maijan allita yachaccunapish Dios acllashca punzha tucuringacaman mapa illac chuyayachishpa yuranlla cangapacmi huañunga. Chaipacca achca punzhacuna faltanracmi.

OSEAS 14:8

Efrainca: «Yanga dioscunataca, ¿imapactac catina cani?» ningami. Paicuna mañashcataca uyashami. Paicunapacca ciprés yura shina verdinllami casha. Ñucamantami pucushca granotaca japinga.

LEVÍTICO 26:30

Loma jahuapi tiyac altarcunatapish, ruhuashcalla dioscunatapish ñutuchishpa tucuchishami. Cancunataca huañuchishpami cancunapac huañushca dioscunapac jahuapi shitasha. Cancunataca millashami.

MIQUEAS 5:11

Cancunapac llacta pueblocunatapish, torrecunatapish tucui urmachishpami tucuchisha.

ZACARÍAS 13:2

Tucuita Mandac Diosca: «Chai punzhapica cai llactapi tiyac ruhuashcalla dioscunapac shuticunataca tucuitami anchuchisha. Chai dioscunataca mana ashtahuan yuyaringacunachu. Llulla huillaccunatapish, mapayachic espiritutapish cai llactamanta anchuchishami.

ROMANOS 11:27

Diosca: “Paicunapac juchacunata anchuchingapacmi, ari nircani” nin» ninmi.

1 CORINTIOS 11:32

Apunchic Jesús llaquichishpaca ñucanchicpish cai pachapaclla causaccunahuan ama jatun llaquiman richunmi llaquichin.

DEUTERONOMIO 12:3

Altarcunatapish, adorana rumicunatapish tigrachinguichic. Asera huarmi diosta yuyarina yuracunatapish ninapi rupachishpa, polvoshpa, paicunapac shuticunata chai llactapi chingachinguichic.

HEBREOS 12:6

Chaica, Diosca pitapish cuyashpami llaquichin. Paipac huahuacuna cachun, chasquishpami llaquichin» ninmi.