ISAÍAS 26:7 - Dios Rimashcata Quillcashcami

⁷ Cashcata ruhuacpac causaica jucha illacmi. Canca cashcata ruhuac Dios cashpami, cashcata ruhuaccunapac causaita ricucungui.

ISAÍAS 26:7 ပူးပေါင်းရင်းမြစ်များ

1 CRÓNICAS 29:17

Ñuca Dioslla, ñucanchic shungu imalaya cashcata yachashpami cashcata ruhuaccunataca alli ningui. Chaimantami tucui shunguhuan, tucui munaihuan tucui caicunataca curcani. Cunanca caipi tandanacushca can acllashcacunapish, cushicuihuan canman cuctami ricuni.

JOB 31:6

Dios cashcatatac pezac balanzapi pezashpa ñuca ima pandata ruhuashcata ricuchun.

SALMOS 1:6

Cashcata ruhuaccunapac causaitaca Mandac Diosmi ricucun. Ashtahuanpish millaita ruhuaccunapac causaica chingarinallami.

SALMOS 11:4

Mandac Diosca paipaclla huasipimi tiyacun. Mandac Diosca jahua pachapimi jatun tiyarinataca charin. Huañuclla aichayuc runa ima shina cashcataca tucuita ricucun.

SALMOS 11:7

Mandac Diosca cashcata ruhuac cashcamantami imatapish cashcallata ruhuachun munan. Paipac ñahuitaca cashcata ruhuaccunallami ricunga.

SALMOS 25:4

Mandac Dioslla, cambac ñanta ricuchiyari. Can munashca shina causanata yachachiyari.

SALMOS 25:5

Ñucata quishpichic Dioslla, cantami punzhanta shuyani. Cashcata ruhuanata yachachic ñanpi churashpa yachachiyari.

SALMOS 27:11

Piñaccunaca ñucata juchanchicunmi. Chaimanta Mandac Dioslla, alli ñanta pushashpa canhuan ima shina causanata yachachiyari.

SALMOS 5:9

Paicunaca llullallatami rimancuna. Paicunapac shunguca millai jundami. Paicunapac cungurica enterrana jutcuta pascashca shinami.

PROVERBIOS 11:5

Allita ruhuac runataca cashcata ruhuashcami alli ñanta pushanga.

PROVERBIOS 20:7

Mana pandarishpa alli causacca cashcata ruhuac runami. Paipac churicunaca pai shina causashpami cushicun.

PROVERBIOS 21:8

Jatun mana allita ruhuac runapac causaica pandaripac, mana ricsishca ñan shinami. Ashtahuanpish allicunallata ruhuacpacca imata ruhuashcapish allimi.

PROVERBIOS 3:6

Imata ruhuashpapish Diosta yuyaringui. Paimi cantaca alli ñanta pushanga.

PROVERBIOS 4:18

Ashtahuanpish cashcata ruhuaccunapac ñanca achicyamucucmanta chaupi punzhacaman achicyacuc luz shinami.

ISAÍAS 30:18

Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!

ISAÍAS 35:8

Chaipica chaqui ñanmi tiyanga. Chai ñantaca jucha illac ñan ningacunami. Chai ñantaca juchayuc runapish, yuyai illacpish mana puringachu. Chai ñantaca Mandac Dios munashca shina causaccunallami puringa.

ISAÍAS 42:16

Ñahui mana ricuccunataca paicuna mana ricsishca ñantami pushasha. Paicuna mana ricsishca chaqui ñantami allita pushasha. Paicunapac ñaupapica pura tutataca achictami ruhuasha. Mana puripac ñancunata sumac pamballata ruhuashpami, paicunataca mana saquisha.

ISAÍAS 52:12

Chai llactamantaca mana miticushpachu llucshinguichic, shinallatac mana callpashpachu llucshinguichicchu. Chaica, Mandac Diosmi cancunapac ñaupata ringa. Israelcunapac Diosmi cancunapac huashata ringa.

ISAÍAS 57:2

Chaica pai huañushpaca cushilla causangapacmi rin. Diospac ñaupapi alli causacca tucuimi samaringa.

JEREMÍAS 10:23

Mandac Dioslla, causaica mana runapacchu. Pipish quiquin causaitaca mana mandai pudinchu. Chaitaca yachanimi.

OSEAS 14:9

Cai huillashcacunata alli yachangapacca, ¿pitac alli yachac canguichicyari? Caicunata entendingapacca, ¿pitac alli yuyaita charinguichicyari? Mandac Diospac ñancunaca alli ñancunami. Chai ñancunataca cashcata ruhuaccunallami puringa. Ashtahuanpish mana cazuccunaca chaillapitacmi mitcaringa.

SOFONÍAS 3:5

Mandac Diosca paicunapac chaupipica cashcata ruhuacmi, ima millaitaca mana ruhuangachu. Paica cada tutamantami cashcata ruhuashpa taripan. Chaita ruhuanataca jaicapi mana cungaringachu. Ashtahuanpish mana allita ruhuac runaca mana pinganchu.

1 CORINTIOS 4:5

Shina cacpica manarac juchanchina punzha chayamucpi, ama juchanchichicchu. Apunchic Jesús cutimunata shuyaichic. Paimi amsapi pacashcacunatapish, shungu imata yuyashcatapish achicpi shina ricuchinga. Shina ruhuacpimi, Diosca cada quiquin imata ruhuashcata ricushpa alli ninga.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

EFESIOS 2:10

Diosmi ñucanchictaca ruhuarca. Chashna ruhuashpaca, Jesucristohuan shuc tucushcamanta allicunata ruhuachunmi mushucta ruhuarca. Chai allicunata ruhuachunmi, ñucanchictaca ñaupamanta pacha allichishca.

1 JUAN 3:10

Maijanpish cashcata mana ruhuashpa, criccunata mana cuyacca, mana Diospac huahuachu. Shina cashcamanta maijanlla Diospac huahuacuna, maijanlla diablopac huahuacuna cashcataca ricunallami can.

1 JUAN 3:7

Cuyashca huahuacuna, pacta pi cancunata crichinman. Maijanpish cashcata ruhuashpa causacca, cashcata ruhuac Cristo shinallatacmi allita ruhuan.