ISAÍAS 26:21 - Dios Rimashcata Quillcashcami

²¹ Riquichic, Mandac Diosca cai pachapi causaccuna paita piñashpa, mana allita ruhuashcamantami llaquichingapac jatarigrin. Allpapish paipac jahuapi huañuchishpa, yahuarta jichashcata ricuchingami. Paipac jahuapi huañuchishcataca mana ashtahuan pacangachu» nirca.

ISAÍAS 26:21 ပူးပေါင်းရင်းမြစ်များ

JOB 16:18

¡Allpalla, ñuca yahuartaca ama tapaichu! ¡Can tapacpica, ñuca caparinapish illangami!

JOB 20:27

Pai millaita ruhuashcataca jahua pachami ricuchinga. Paita llaquichingapacca cai pachami jataringa.

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

ISAÍAS 13:11

Mandac Diosca: «Cai pachapi causaccunataca millaita ruhuashcamantami llaquichisha. Ñucata mana manchaccunataca paicunallatac mana allita ruhuashcamantami tucuchisha. Jatun tucushpa puriccunatapish tucuchishami. Cariyashpa sinchi tucushpa puriccunatapish cumurichishami.

ISAÍAS 18:4

Mandac Diosca: «Ñuca mandacuc huasimantaca tamyashca quipa inti sumacta achicyachic shina, cosechana punzhacunapi tamya puyu shinami, casilla tiyarishpa ricusha.

ISAÍAS 22:14

Tucuita Mandac Dios ñuca ringripi rimashpaca: «Cai juchata ruhuashcataca cancuna huañungacaman manatac perdonashachu» nirca. Chaitaca tucuita Mandac Diosmi nirca.

ISAÍAS 29:6

Tucuita Mandac Diosca tulun nishpa, allpata chucchuchishpa, sinchita tulun nichishpa, yalli rundu tamya huairahuan, tucuchic ninahuan llaquichingapacmi shamunga.

ISAÍAS 65:6

Paicuna ruhuashcaca ñuca ñaupapimi quillcashca tiyacun. Mana upalla saquishachu. Ashtahuanpish paicuna imata ruhuashca shinami,

ISAÍAS 65:7

paicuna mana allita ruhuashcamantapish, cancunapac taitacuna mana allita ruhuashcamantapish llaquichigrini. Paicunaca urcucunapi, lomacunapi inciensota cushnichishpami, ñucataca yallita piñachirca. Chaimantami ñaupa huatacuna imata ruhuashcamantapish paicuna imata ruhuashca shina llaquichisha» ninmi.

ISAÍAS 66:6

¡Jerusalenpica yallita caparinacuimi uyaricun! ¡Diospac huasipi rimashcami uyaricun! ¡Mandac Dios paita piñaccunata rimashpa llaquichishcami uyaricun!

EZEQUIEL 8:6

Chai quipami ñucataca: «Huañunalla runa, ñucapaclla huasimanta ñucata anchuchingapacmi, israelcunaca yalli millaita ruhuacun. Chaitaca, ¿manachu ricungui? Cai ricushcamanta ashtahuan yalli millaita ruhuashcacunatami ricungui» nirca.

SAN LUCAS 11:40

Yuyai illaccuna, ¿manachu Diosca ucutapish, jahuatapish ruhuarca?

SAN LUCAS 11:50

Cai pacha callarishcamanta pacha paimanta huillaccunata huañuchishcamantaca, cunan punzha causaccunatami juchanchinga.

APOCALIPSIS 16:6

Paicunami cambaclla caccunatapish, canmanta huillaccunatapish yahuarta jichashpa huañuchircacuna. Paicunaca chashna chasquina cashcamantami, canpish chashnallatac paicunamanca yahuarta ubiachishcangui» nishcatami uyarcani.

APOCALIPSIS 18:24

Canpimi Diosmanta ñaupa huillaccunapac, Diospaclla caccunapac, shinallatac tucui cai pachapi causaccunapac, huañuchishca yahuarca taririrca» nirca.