ISAÍAS 26:2 - Dios Rimashcata Quillcashcami

² Cashcata ruhuac, Diosta cazuc runacuna yaicuchun llacta pungucunata pascaichic.

ISAÍAS 26:2 ပူးပေါင်းရင်းမြစ်များ

SALMOS 106:5

Can acllashcacuna allita ruhuashcata ricungapac, cambac gentecuna cushicucpi cushicungapac, can cushcacunahuan cushicungapacmi chashnaca quishpichina cangui.

SALMOS 118:19

¡Cashcata ruhuaccuna yaicuna punguta pascaichic! Chaita yaicushpami Mandac Diosta pagui nisha.

SALMOS 118:20

Caimi Mandac Diospac pungu. Cashcata ruhuaccunaca chai pungutami yaicunga.

SALMOS 24:7

¡Pungucuna pascarichicyari! Huiñaita tiyac pungucuna, achic nicuc Jatun Mandac yaicuchun caiman chaiman anchurichic.

ÉXODO 19:6

Cancunaca mandac curacuna, shinallatac jucha illac gentecunami canguichic. Tucui cai llactaca ñucapacmi” ninmi ningui— nirca.

ISAÍAS 45:25

Mandac Dios ñucahuanmi israelcunaca atinga. Huahua huahuacunapish alli nishcami canga» ninmi.

ISAÍAS 54:14

Cashcata ruhuashpami sinchiyachisha. Ima llaquipish mana japingachu. Ima llaquitapish mana manchashpami causangui. Pipish cambacman mana cuchuyangachu.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

ISAÍAS 58:8

Chaita ruhuacpica, inti llucshic shinami achicyachinga. Shinallatac utcami alli tucunguichic. Cashcata ruhuashcami cancunapac ñaupata ringa. Mandac Dios ñucapac achic nicucmi huashata cuidashpa catinga.

ISAÍAS 60:11

Llacta pungucunaca punzhantami pascashca canga. Tutapish, punzhapish mana huichcashcachu canga. Shuctac llactamanta ima charishcacunata apamuchun, chai llactacunata jatun mandaccunata cambacman pushachunmi chashnaca pascashca canga.

ISAÍAS 60:18

Cambac llactapica llaquica jaicapi mana uyaringachu. Llaquichishpa tucuchicpish mana tiyangachu. Chaipac randica llacta muyundi pircataca: “Quishpichicmi” nishpami cayangui. Cutin llacta pungu aldabataca: “Diosta alli ninami” nishpami cayangui.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

ISAÍAS 62:1

Sión llactata cuyashcamantaca mana upallachu casha. Jerusalenta cuyashcamantaca mana samarishachu. Cashcata ruhuana achicyachic inti shina ricuringacaman, quishpirina luzta japichishca shina, ricuringacamanmi chashna casha.

ISAÍAS 62:10

¡Llacta punguta pasaichicyari! ¡Pasaichicyari! ¡Ñuca acllashcacuna pasachun, ñanta pichaichicyari! ¡Ñanmanta rumicunata anchuchishpa, pugrullata ruhuaichicyari! ¡Tucui gentecuna ricuchun banderata shayachichicyari!

ISAÍAS 62:2

Chashna cacpimi, shuctac gentecunaca can cashcata ruhuac cashcata ricunga. Shinallatac jatun mandaccunaca can alli nishca cashcatami ricunga. Mandac Diosllatacmi cantaca mushuc shutita shutichinga.

ZACARÍAS 8:20

Tucuita Mandac Dios cutin rimashpaca: «Achca llactapi causaccunapish, jatun llactapi causaccunapish shamungami.

HECHOS 2:47

Shinallatac Diosta “allimari cangui” niccunami carca. Tucuipac alli nishcacunapishmi carca. Maijanpish quishpirisha niccunataca, punzhantami Diosca quishpichishpa, criccunata mirachirca.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

2 PEDRO 3:13

Shina cashpapish ñucanchicca Dios cusha nishca mushuc jahua pachata, mushuc cai pachatami shuyacunchic. Chaipimi imapish cashcatac ruhuashpa causashun.

SAN JUDAS 1:3

Cuyashca criccuna, ñucapish, cancunapish quishpirishca cashcamantami, cancunamanca yallita quillcanata munarcani. Shina cacpipish cunanca Diospaclla caccunaman paicuna crichun yachachishcata, macanacuc shina sinchita catina cacpimi, caita quillcani.

APOCALIPSIS 21:24

Chai pueblo achicyachicpimi, tucui llactacunapi causaccunaca achicpi puringacuna. Shinallatac cai pachapi causac jatun mandaccunapish tucui ima charishcacunatami chaimanca apangacuna.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.