ISAÍAS 26:16 - Dios Rimashcata Quillcashcami

¹⁶ Mandac Dioslla, yallita llaquihuan cashpami, cantaca mashcarca. Can llaquichicpica, yallitami mañarca.

ISAÍAS 26:16 ပူးပေါင်းရင်းမြစ်များ

SALMOS 142:2

Ñuca llaquilla cashcataca paipac ñaupapimi ricuchisha. Ñuca yallita llaquihuan cashcataca paipac ñaupapimi huillasha.

SALMOS 27:8

Ñuca shunguca: «Paipac ñahuita mashcai» ninmi. ¡Chaimantami Mandac Dioslla, canta mashcani!

SALMOS 42:4

Achcacunata pushashpami Diospac huasimanca ric carcani. Fiestacunapipish achcacunahuanmi cushi tonohuan cantashpa chayac carcani. Tucui chaicunata yuyarishpami, tucui almahuan yallita llaquirini.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

SALMOS 77:3

Diosta yuyarishpami yallita llaquirishpa huacani. Chashna yuyarishpa llaquiricucllapitacmi ñuca almaca huañun.

SALMOS 78:34

Shina huañuchicucpimi, Diosta mashcarcacuna. Shinami tucui munaihuan mana shaicushpa mashcarcacuna.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

ISAÍAS 37:3

Paicunaca: —Ezequiasca: “Cunan punzhaca yalli llaquichishca, pingaichishca, mai llaquillami canchic. Chaica, sajuarina punzha pactacpi, chai sajuaric huarmi mana fuerzata charic shinami canchic.

JEREMÍAS 2:27

Shuc yurata: “Canmi ñuca taita cangui” niccunapish, shuc rumita: “Canmi ñuca mama cangui” niccunapish, pingai tucungami. Paicunaca ñucaman ñahuita ricuchina shinaca, huashatami ricuchin. Cutin llaqui japicpica: “¡Quishpichingapac jatariyari!” nicuncunami.

JEREMÍAS 22:23

Líbano urcu caspicunahuan shayachishca huasipimi, cedro caspicunapi cuzhata ruhuac shina causarcangui. ¡Canta yalli llaqui japicpica, shuc huarmi sajuarina nanaihuan caparic shinami caparingui!» ninmi.

JEREMÍAS 29:12

Shina ruhuacpica, ñucata mañangapac shamunguichicmi. Chashna mañacpica, ñucaca uyashami.

LAMENTACIONES 2:19

Jatarishpa tuta cuidangapac yaicuna horaspish caparichicyari. Mandac Diospac ñaupapi yacunayaihuan shina, tucui shunguhuan mañaichicyari. Huahuacunaca yarcaihuanmi ñancunapi huañuna shina siricun. Chaimanta paicunaman causaita cuchun, maquita huichaiman chutashpa, Mandac Diosta mañaichicyari.

OSEAS 5:15

Paicunallatac juchata ruhuashcata yuyarishpa, ñucapacman cutingacamanmi ñuca causacushcaman risha. Paicunaca llaquirishpami, ñucataca mashcangacuna» ninmi.

OSEAS 7:14

Paicunaca camapi caparicushpapish, mana ñucatachu tucui shunguhuan mañarca. Trigota, llullu vinota tandachingapac chugririshpapish, ñucatami piñachirca.

NÚMEROS 21:7

Chaimantami israelcuna Moisespacman rishpaca: «Ñucanchicca Mandac Diostapish, cantapish rimarishpami juchallishcanchic. Cunanca tucui cai culebracuna ñucanchic chaupimanta anchurichun, Mandac Diosta mañashpa cui» nirca. Chashna nicpimi, Moisesca tucui israelcunamanta Diosta mañarca.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.

JUECES 10:15

Shina nicpimi, israelcunaca Mandac Diostaca: —Ñucanchicca juchallishcanchicmi. Cunanca cambac allipac can munashcata ruhuailla. Shina cashpapish cunan punzhaca quishpichiyari— nircacuna.

1 SAMUEL 1:15

Shina nicpimi Anaca: —Ñuca amito, mana machashcachu cani. Vinotapish, machana yacutapish mana ubiarcanichu. Ashtahuanpish ñuca shungupimi, achca llaquihuan cani. Chaimantami ñuca tucui almahuan Mandac Diosta mañacuni.