ISAÍAS 26:15 - Dios Rimashcata Quillcashcami

¹⁵ Mandac Dioslla, can acllashcacunataca ashtahuanmi mirachircangui. Chashna mirachishpami, canca yallita alli nishca cangui. Cai pacha tucuricamanmi jundachircangui.

ISAÍAS 26:15 ပူးပေါင်းရင်းမြစ်များ

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

GÉNESIS 13:16

Cambac huahuacunataca ñuto allpata shinami, achcata mirachisha. Ñuto allpata maijan yupai pudishpaca, cambac huahua huahuacunatapish yupangami.

1 REYES 8:46

Juchata mana ruhuac runaca shucllapish mana tiyanchu. Canta mana cazushpa juchallicpica, paicunahuanca yallita piñaringuichari. Chashna piñarishpaca, caru llactaman cashpa, cuchulla llactaman cashpa prezu apachun, paicunata piñaccunapac maquipi churanguichari.

2 REYES 17:23

Mandac Diosca pai ima nishcata huillac serviccunaman huillachishca shinallatacmi israelcunataca paipac ñaupamanta llucchishpa cacharca. Israelcunaca paicunapac llactamanta Asiria llactaman prezu apacpimi, cunancaman chaipi cancuna.

2 REYES 17:6

Iscun huatata Oseas mandacucpimi, Asiria llactata jatun mandacca Samaria pueblota quichushpa, israelcunatapish Asiria llactaman prezu aparca. Chashna apashpami, Gozán yacu ladopi tiyac Halah, Habor pueblocunapi medocunapac pueblocunapi causachun churarca.

2 REYES 23:27

Chaimantami Mandac Diosca: «Israel llactapi causaccunata ñuca ñaupamanta anchuchishca shinallatacmi Judá llactapi causaccunatapish anchuchigrini. Shinallatac ñuca acllashca Jerusalén pueblotapish, ñuca: “Chaipimi ñuca shutita churasha” nishca huasitapish chingachigrinimi» nirca.

NEHEMÍAS 9:23

Paicunapac huahuacunatapish jahua pachapi tiyac lucerocuna shinatami mirachishcangui. Chashna ruhuashpami, paicunapac ñaupa taitacunaman cushami nishca llactaman, yaicuchun pusharcangui.

JOB 12:23

Llactacunatapish paillatacmi jatunyachin, shinallatac paillatacmi chingachin. Llactacunamantaca caita chaitami cachan, shinallatac paillatacmi tandachin.

ISAÍAS 10:22

Israelcunaca, mama cucha patapi tiyac tiyu shina achca cashpapish maijancunallami cutiringa. Mandac Diosca paicunata llaquichinata yuyarishcami. Cashcata ruhuashpami llaquichinga.

ISAÍAS 33:17

Cambac ñahuihuanmi Jatun Mandactaca sumaimana tiyacucta ricungui. Llactatapish mai carucaman cashcatami ricungui.

ISAÍAS 40:5

Chaipimi Mandac Diosca paipac poderta ricuchinga. Chaitaca tucui gentecunami ricunga. Chaitaca Mandac Dios ñucami nini» nirca.

ISAÍAS 44:23

Mandac Diosmi jahua pachataca ruhuarca. Chaimanta sumac cantocunahuan cantaichicyari. Cai pacha ucucunapipish cushicuihuan caparichicyari. Lomacunapish caparishpa alabaichicyari. Sachacunapish, chaipi tiyac yuracunapish alabaichicyari. Mandac Diosmi Jacobopac huahua huahuacunataca quishpichirca. Chaimantami israelcunapish sumacmari cangui ningacuna.

ISAÍAS 6:12

tucui caipi causaccunata ñuca shuctac llactaman prezu cachacpi, cai llacta shitashca pamba saquiringacamanmi chashnaca casha.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 9:3

Can Mandac Diosllatacmi paicunataca achcata mirachishpa, yallita cushichircangui. Cosechapi cushicuc shina, macanacuipi quichushcacunata chaupishpa cushicuc shinami, cambac ñaupapica yallita cushicun.

JEREMÍAS 30:19

Ñucata pagui nishpa cantashcapish, cushicushpa asishcapish uyaringami. Paimantaca achcatami mirachisha. Mana tucuchishachu. Paitaca alli nishami. Paica mana yanga nishcachu canga.

JEREMÍAS 32:37

ñucami nina japiric shina yallita piñarishpa, mana ricusha nishpa, llucchishpa cacharcani. Cunanca paicunataca tucui llactacunamantami cutinllatac tandachimusha. Shina tandachishpami, cai llactapica imatapish mana manchashpa causachun churasha.

EZEQUIEL 36:24

Cancunataca ñucami shuctac llactacunamanta, shinallatac tucui llactacunamanta tandachishpa, cancunapac llactaman pushamusha.

EZEQUIEL 5:12

Cancunamanta quimsapi chaupishca gentecunaca ungüihuan, yarcaihuanmi chaillapitac huañunga. Cutin shuc quimsapi chaupishca gentecunaca cancunapac muyundillapitacmi jatun macanacuipi huañunga. Cutin shuctac quimsapi chaupishca gentecunataca espadata llucchishpami caita chaita catishpa cachasha.

NÚMEROS 23:10

Jacobomanta mirarishca tiyu shina achca israelcunataca, ¿pitac yachangayari? Chuscupi chaupishcatapish, ¿pitac yupai pudingayari? ¡Ñucaca cashcata ruhuac shina, huañushpachari alli caiman! ¡Paicuna shina tucurishpachari alli caiman!» nirca.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

SAN JUAN 15:8

Chashna alli pucuc ramacuna shina cacpimi, ñuca Taitaca jatunyachishca canga. Shinallatac ñuca yachacuccuna cashcatapish ricuchinguichicmi.

SAN JUAN 17:1

Chaicunata nishca quipa Jesús jahua pachata huichailla ricushpaca: —Ñuca Taitalla, ñucata japichina pachaca ñami chayamushca. Chaimanta cambac Churi canta jatunyachichun, cambac Churitapish jatunyachiyari.

DEUTERONOMIO 10:22

Cancunapac taitacunaca canchis chunga gentehuanmi Egiptoman rirca. Cunanca, Mandac Diosca jahua pachapi tiyac lucerocunata shinami achcata mirachishca.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

DEUTERONOMIO 28:64

Mandac Diosmi cancunataca cai pacha callari llactamanta tucuri llactacaman tucui llactacunata shic-huashpa cachanga. Chaipica caspimanta, rumimanta ruhuashca, cancunapac taitacunapish mana ricsishca dioscunatami adoranguichic.